Matyu 2:16 - Nobonob Baibel

¹⁶ Anam aakku, amge Herot nug ii mauhom haenppa, magau danab ag eɗun goppig, haen amuppa nug ag buppuidna autna aoppig doyom amunu, nug oppoɗi huanak be ameg kokoɗ eppe, nuhikkud daup ag gona, Betlehemnu nid naunau, Betlehem talilittak eleppanu nid naunau oh ele, ahilag maɗ aɗit, laa ag maɗ aɗit ii aoppig ele, magau danab ag hoɗoppai digmena anitteg, Herot amegppa aeg doyom bia amu, daup ag amu oh aqaglagnu haknunab a, ⌊ag gona human aqappig⌋.

Matyu 2:16 ပူးပေါင်းရင်းမြစ်များ

Genesis 39:14

nug nuhikkud maɗi nid lakka uɗat heppig ele onilagppa e uɗieg, amelagppa aum. “Imu antteg! Danab dahil nug Hibru ted amu ihinigppa kobol eheɗ hekkunu awa uɗiom. Hibru danab nug da aɗailkkunu heum, amge da emi.

Genesis 39:17

Nug gamu uɗie, amegppa nai imu mattiom. “Hibru begbeg maɗi nid na aon uɗime ele amu, nug gemu dagattolppa da aɗailkkunu uɗiom.

Genesis 49:7

Ahilah oo nauhak am eheɗ nau, am eheɗ laa awaknu anak waappa daakkunu ool daatte. Ao, ahilah oppoɗi bak ameg kokoɗ eppak ele am naunab dayeye, aa laa guittak mattaglahnu uug ii doopiɗ. Anam amu, oppoɗi bak amuam eheɗ laa awaknu anak waappa daakkunu ool daatte. Anam amunu, da heppi, aa buɗulti ag da, Jakop, ag da buɗulad oolagppa matatun daan oiglag. Ao, da heppi, aa buɗulti am da, Israel, ag da buɗulad oolagppa piɗe piɗe oiglag.

2 King 8:12

Elisa nug anam gaye, Hasael nug antta, nug Elisa oɗ mettom. “Danab okkai, na aɗinu gaattem?” oɗ mettom. Oɗ mette amu, Elisa nug nob ma inam aum. “Da gaattemnu diig am, da doottem, geha dimppa na kobol nau kuɗum, Israel danab ah dilagppa hekkut. Na geha Israel dilag aab ɠagattag aɗ ele loppaɗna, manadppe ewebeb, Israel nid bau amu, na qep elabppa aqappe mauhppeppeg, na nid naunau aɗualadna, huana buɗiadppe, wanppa nona mauhadppeppeg, na ah oolkad ele anadna, na qep elabppa oolag oppatadppe mauhadkkulag,” awa aum.

Job 12:4

Anukka da Kayak unuqitti, Nug dahil unuqittak doya, nob ena da meɗom, amge gemu da lailad ag da eheɗ imiɗtteb. Ge, da am genab tutukku hak danab, da Kayaknu neekkakppa danab ooppa kaliak laa iitta ele daattem, amge gemu laa oh ag dahilnu, ‘Keeke hamu,’ doon, ag imiɗtteb.

Prowerb 28:15

Nau hak danab laa nug danab ah ag ɠagattag iitta ele gumadtte dayeb; amuam laion, o bea enug qak doya, doɗ laa qa lakkunu hette, am amubia aakku.

Prowerb 28:17

Danab nug laa qe mauhtte amu, nug moɗppa nokkunu oola gotte; auntai laa nug nuhig haknu nob aomanu aib ehanittom.

Aisaia 26:21

Aɗinu? Antteg! Yawe, Nug wanppan danab ah ag nau heppignu nob naunu bu madakkunu, Nug nuhig aben hab aabppa daatte amu uua, Nug nette. Amu wan nug geha danab tiilag danab laa aqappig, tiilag amu tuɗitta, ii lokkumadma. Iitta. Wan nug geha kobol nau amu oh danab ag heppig, am amu oh heeb, miag atiglag.

Aisaia 59:7

Ag nau hekkulagnu qaiettan gotteb. Ao, ag danab eheɗ laa ii heum qeppeg mauhkkunu pahaettak daatteb. Ag hanhan kobol nau hekkulagnu dabmenan oitteb. Ag aɗi aɗi hetteb ele amu, ag amuppa keeke heeg nauhtte, ag heeg, keeke ena dayom am gemu nauhak daatte.

Daniel 3:13

Ag Nebukatnesar amegppa anam aeg, Nebukatnesar nug oppoɗi huan be, ameg kokoɗ eppe, nug laa ag Satrak, Mesak, Abetnego ele omaladna dokkulagnunab a, laa ag, ag omaladna uɗippig.

Hosea 10:14

Anam amu, ban naɗi ahilagppa uɗieb, geha kekeɗ ag ahilkad aab aɗ ɠagattagnab ele oh heppeg nauhkkulag. Haen amuam ⌊King⌋ Salman, nuhikkud daup ele ag Betarbel heeg nauhom, kekeɗ ag amubia ahilagppa hekkulag. Betarbel appa ban danab o danabib ii mauhppig. Iitta. Kekeɗ ag ah, nid ahilkad ele laippu aɗualadna buɗiatteg, wanppa noeg, ag beɗulag oh aoɗatte, hupu hupu neppig.

Namba 22:29

Awa a amu, Balam nug donki oɗeppa awa aum, “Aɗinu? Na aon aon iume! Da eppelppa qep elab laa aɗalomlob am ena. Aɗinu? Da na geha iikkunab nidappi mauhlom,” awa aum.

Namba 24:10

Balam nug nai amu mattie, Balak nug nuhignu oo huana nauhom. Nug eppeg bitakka, eppeg oo laih oa, nug aum. “Na uɗin, dahil kekeɗ dilag appe, ag eheɗ laa awaknu anak waappa daaglagnu, da ai uɗime, amge na haen ewam imu oh, na ag itittak ena mattame.

Matyu 2:1

Maria nug Juda wanppa, Betlehem appa, Herot okkai king dayeye, Jesus menue, hoɗoppai magau danab ag aam bedeppanu ahan uɗin, Jerusalem bena oɗ meppig;

Matyu 2:17

Aqappig amunu, amuppa propet Jeremaia nug Naɗi oɗe awa, nai mattiom, nai amu elele mettom. Nug inam aum.

Matyu 2:7

Ag anam aeg amu Herot nug nai amu doya, nug lokkumakppa aam bedeppanu hoɗoppai magau danab, ag oɗelagppa hoɗoppai amu haen ganebnab ba dayom, am nug ag amunu oɗ matte, mattieg doyom.

Revelesen 12:4

Nug boobppa hoɗopai habppanu ameg laippu amu oh tatatte, wanppa nena qeeg, ameg aɗitnu amu daappig. Daaegeg amu mat amu nug ah nid aokkunu heum ele noobppa hibaitta, ah nid aweb lakkunu meitta dayom.

Revelesen 17:6

Da ah amu nug Kayaknu danab ah oppiaawak ele, ag Jesusnu madippig amu, nug ag tiilag, le ɠagattag latteb bia la, kaaka qe dayom. Da anttena, da ottaie dabmak kuɗum aomi.

Ikki Danab 16:10

Samson nug anam he, dimppa Delaila amegppa aum. “Na he, da danab noolagppa duan doomi; na da buppuiɗme! Gemu amu na attemnab ɠagattag hippalittaknu amu appe dookkulnu oɗ medattem,” awa aum.