Matyu 2:15 - Nobonob Baibel

¹⁵ Gona, Isip appa daaegeg, Herot mauhom. Isip ukkaknu amu, amuam propet laa nug Naɗi oɗe awa, nai mattiom, nai amu elele medakkunu beum. Propet nug inam aum. “Nid danab dahil Nug Isip dayeye, da nug Isip uua dokkunu onigppa emi,” awa aum.

Matyu 2:15 ပူးပေါင်းရင်းမြစ်များ

Eksodas 4:22

⌊Na uɗat danab haknu elele iitta amu oh hena malappe, Paro nug danab ah ii uuatteb, amu dimppa na Paro amegppa inam appe doyaɗ!⌋ ‘Yawe Nug inam atte. “Israel ag am dahil nid danab tatamnu,

Hosea 11:1

Yawe Nug atte. “Haen Israel danab ah ag nid nakok daatteb bia daappig, da ahilagnu ool mauhom. Ao, da ool mauhom, da Israel dilagnu, ‘Nid danab dahil,’ doomi amunu, da nug Isip uua dokkunu onigppa emi.

Namba 24:8

Kayak Nug ag Isipnu diia, omalatte uɗippig; makau okkai ebehi ele dakkuɗ am ɠagattagnab, amu ahilag ɠagattag am amubia daatte. Ag huu laala, ahilkad kekeɗ amu, ag heeg nauhadtteb. Ao, ag ebehilkad qiialatteg, naunau netteb. Ag latppa aqatteb.

Matyu 1:22

Keeke amu oh am propet laa Naɗi oɗe awa, nai mattiom, nai amu elele medakkunu beum. Propet nug inam aum.

Matyu 2:14

Awa a amu, Josep nug tuqan amuppa aha, nid nakok, anig ele diiate, Isip gokkulagnu goppig.

Matyu 2:17

Aqappig amunu, amuppa propet Jeremaia nug Naɗi oɗe awa, nai mattiom, nai amu elele mettom. Nug inam aum.

Matyu 2:19

Aria, Josep aɗi ag Isip gona daaegeg, Herot nug mauhe, Naɗinu engel tulppa Josep gumitta doum.

Matyu 2:23

Nug ukka, aab laa Nasaret appa ta dayom. Amuppa propet ag nai madippig amu, nai amu elele mettom. Nai amuam inam. “Ag nuhignu, Nug am Nasaret danab,” akkulag.

Matyu 21:4

Aria, keeke amu oh am propet nai laa mattiak, nai amu elele medakkunu heum.

Matyu 26:54

Amge da anam heppi amu, Kayak nai attem genab bekku? Kayak nai nug imu bekkunu atte amu, nug anamib bekku,” awa aum.

Matyu 26:56

Amge keeke imu oh amu propet nai yaappig, amu meu medatte,” awa aum. Anam a amu ippunittak awak danab oh ag Nug uuidna oolna goppig.

Matyu 27:35

Aria, ag Nug ad emaitakppa atulona, ag nuhig lamen aoglagnu otina, ameg waɗele mewona, aun nug ameg atten aokku amu ag om yaakppa hena aoppig.

Matyu 8:17

Anam heum amunu, Kayaknu propet Aisaia, nug Kayak nai laa aum amu, nai amu elele mettom. Nug inam aum. “Nug ihinig oɗe, ig beɗunkadnu uug ele mawom.”

Luk 24:44

Nug amelagppa aum. “Anukka da ag ele daatta, da ag amelagppa dahilnu nai oh Mosesnu ɗoppa, amu Kayaknu propet dilag yaakppa ele, nai amu oh bekkuoitte ami,” awa aum.

Jon 19:28

Keeke amu oh ba male amu Jesus doyom, uɗat nuhig oh aakku ha malak dayom amunu, Kayak naippa yaak laa daatte, amu elele medakkunu, Jesus aum. “Da le baal diitte,” awa aum.

Jon 19:36

Keeke amu oh am Kayak naippa, nai daatte amu genab elele mekkunu beum. Nai amunu laa am inam. “Ag Nug ebehi laippu laa ii qiimna.”

Aposel 1:16

“O lailad, Kayak Ouɗi Nug Dawit oɗeppa keeke laa Judas, nug danab ag Jesus aɗaglagnu ib dayom amu, nuhigppa bekkunu a, Kayak nai amuam bekkununab dayaya aakku beum.