Matyu 2:1 - Nobonob Baibel

¹ Maria nug Juda wanppa, Betlehem appa, Herot okkai king dayeye, Jesus menue, hoɗoppai magau danab ag aam bedeppanu ahan uɗin, Jerusalem bena oɗ meppig;

Matyu 2:1 ပူးပေါင်းရင်းမြစ်များ

Genesis 10:30

Ag daadppig, wan atu amuam Mesa appa digma ukka ukka, Separ batak. Separ am aben qauko qauko ele kaɗag uɗitteppanu daatte, am appa dayom.

Genesis 25:6

nug ele bekkod laa, ag anilti am nug wauuɗ amge wauuɗnab iitta amu, nug aa bekkalti keeke ahilkad daakkunu hamu mattom. Matta malowa amu, nug ag nug bekka Aisak uuidna gokkulagnu a, ag laih kaɗag uɗitteppanu gona, wan amuppa daanna oippig.

Genesis 41:8

Nug amu doya, wagɗe buttuanab amu Paro nug tul niiak aɗitnu dabmak kuɗum awe, oo ii maitte, nug Isip dilag baɗ mak danab, doyak danab ele onilagppa e, nug noobppa goppig. Ag ukkaeg, Paro nug tul niiom, nug amu ag amelagppa mattiom, amge ag mehuqkkulagnu am elele iitta.

Genesis 49:10

Juda nug hanhan kingnu qakun aɗa daakku. Ao, Juda buɗub laa ag hanhan king daan oiglag. Ag anam daappeg ukkebeb, dimppa laa nug kingnu qakun mamegnab nug uɗia aweb batakku. Nug uɗieb amu, wan laalappan oh ag nuhig nai dim lamidkkulag.

1 King 4:30

Solomon nug doyak, dabmak ena ele amu okkainab, aam bedeppanu doyak dabmak ena ele danab, amu dilag doyak oh eɗitta, Isip dilag doyak dabmak ena ele danab, amu dilag doyak oh ele eɗittom.

1 Stori 2:51

Salma nug aab Betlehem kalom, amu Harep, nug aab Betgader kalom.

Job 1:3

Nug baegppan nid am anam, amu Job nug ele en kuɗumnab ele. Nug sipsip 7,000, kamel 3,000, makau okkai ebehi ele 1,000, amu donki anig 500 ele. Nug doɗ amu oh ele, amu nug ele maɗi nid maɗi ah ele kuɗumnab ele. Danab digdig oh kaɗag uɗitteppanu daatteb ele amu, nug amu dilag laa oh eɗattom.

Aisaia 11:10

Haen amuppa am inam daakku. Jesi buɗub nug geha king daakku. Nug pilak laa, pilak amuam ad elab attan ta ukkak galaeg daatte, nug amubia daakku, amu wanppan huu anen anen ohppan danab ah ag geha nuhigppa uɗin, gumidna dona, nug dooglagnu ba daakku. Nug anam dayebeb, wanppan wan ohppan danab ah ag nug gumidna goppeg, nuhig dayaknu aben am binag amahlak oppiaawak ele daakku.

Maika 5:2

Amu Yawe Nug atte. “Amge ag danab ah Betlehem Eprata daatteb, ag Juda wanppan aab ikki laa oh oolagppa aab ikki nakoknab daatteb, amge dimppa laa Nug ag oolagppanu, Nug Israel dilag okkai danab dayaya, gumak uɗat amu ha meɗakkunu bekku. Laa amu hekku, Nug mamekkud huu am tumaiib ii digmeppig; iitta, Nug mamekkud am anukkanab digmeeg uɗie uɗie, gemu ele daatteb. Nug huu amuppa bekku.” Yawe Nug anam atte.

Matyu 1:25

Awe, nug ele nakok laa ii niipiɗ ukke ukke, nid danab awom. Awe amu, Josep nug nid onig Jesus ataɗom.

Matyu 2:16

Anam aakku, amge Herot nug ii mauhom haenppa, magau danab ag eɗun goppig, haen amuppa nug ag buppuidna autna aoppig doyom amunu, nug oppoɗi huanak be ameg kokoɗ eppe, nuhikkud daup ag gona, Betlehemnu nid naunau, Betlehem talilittak eleppanu nid naunau oh ele, ahilag maɗ aɗit, laa ag maɗ aɗit ii aoppig ele, magau danab ag hoɗoppai digmena anitteg, Herot amegppa aeg doyom bia amu, daup ag amu oh aqaglagnu haknunab a, ⌊ag gona human aqappig⌋.

Matyu 2:19

Aria, Josep aɗi ag Isip gona daaegeg, Herot nug mauhe, Naɗinu engel tulppa Josep gumitta doum.

Matyu 2:3

Aon aeg amu, King Herot nug nai amu doya ottaie, Jerusalem danab ah oh ele ottaippig.

Matyu 2:5

Awa a amu ag appig. “Kayaknu propet nug amunu nai inam yom. ‘O Betlehem, na Juda wanppan aab laa. Na Juda wanppan aab laa daattem, amu na ele Juda wanppan aab laala onilag ele, na aab amu oolagppa daan, hamu bia ii daattem. Iitta. Na ag oolagppa onin ele daattem. Aɗinu? Nahip-ppa geha danab okkai bekku, amu Nug Israel danab ah dahilad gumadkku.’ Propet nug anam yom amunu, ig doottem, Kristus Nug Betlehem, Juda wanppa bekku,” aon appig.

Matyu 2:7

Ag anam aeg amu Herot nug nai amu doya, nug lokkumakppa aam bedeppanu hoɗoppai magau danab, ag oɗelagppa hoɗoppai amu haen ganebnab ba dayom, am nug ag amunu oɗ matte, mattieg doyom.

Luk 1:5

Aria, haen Herot okkai nug Juda dilag king dayeye, mana mettak danab laa dayom. Nug am ameg laa onig Abaiya ameg, amu ooppanu, nug onig Sekaraia. Nug wau am onig Elisabet. Aa oh am Aron buɗub.

Luk 2:11

Gemu deɗ imuppa Dawitnu aabppa, am Betlehem amu, appa ah laa nid awom. Nid amu Nug danab dilag Padal ii maknu ehanittak daatte; Nug amu Naɗi, Kristus.

Luk 2:15

Engel ag anam awona, ag eɗun hab aabppa teeg, sipsip gumak danab ag ahan, akka akka nai inam madippig. “Ig Betlehem gota, kobol Naɗi Nug amenigppa aum amu anidtu!” aon appig.

Jon 7:42

Kayak naippa yaak laa daatte. Nai amuam inam. ‘Kristus nug Dawit buɗubppa Betlehem, anukka amuam Dawit appag diig amu, Nug appa bekku,’ ” aon appig.

Ikki Danab 17:7

Deɗ laa amu, Lewi buɗubppan mana mettak danab iitta, ag oolagppan nid bau laa nug Israel dilag huu okkai Juda, appa, Betlehem aabppa, appa Juda oolagppa daya,