Matyu 19:8 - Nobonob Baibel

⁸ Anam aeg amu Jesus Nug aum. “Ag Kayak oɗe dim lamidkkulagnu uuppig amunu, Moses nug ag ahilkad ah lamadkkulagnu ɗo anam meum. Amge anukka digmak haenppa kobol amu ii dayom.

Matyu 19:8 ပူးပေါင်းရင်းမြစ်များ

Genesis 2:24

Amu Yawe Kayak Nug ah danabppa heum, diig amunu ewau matulak haenppa danab nug anig mameg ele uuata, nug wau ele matulak daaya, aɗit amu aa ouqak laippu daaglah.

Sam 95:8

Nai amuam inam. “Ag mamelkad aɗi ag Meriba appa heppig bia gemu ag heppeg, oɗe ii dim lamidmananu dabmak ahilag ɠagattag aib eppom. Ao, ag mamelkad aɗi deɗ laa Masa appa, Masa am atu taɗakppa daatte amu, ag appa heppig bia gemu ag heppeg, oɗe ii dim lamidmananu dabmak ahilag ɠagattag aib eppom.

Jeremaia 6:16

Yawe Nug inam atte. “Da ami. ‘Ag ib oɗatleppa daanna, ag pehettan neegna antteg! Ag, “Ig alankad ib attenppa oippig? Ib atten am ib ena?” ag oɗmak amu heig! Ag oɗ mattan, ib atten am ib ena doon, ag amuppa oinna, ag maɗoɗ aoglag,’ ami. Da anam ami, amge ag uuppig. Ag, ‘Ig ib amuppa ii oimta,’ appig.

Sekaraia 7:12

Ag ahilag dabmak dim lamidkkulagnu, ag eɗun Yawe dim lamidmananu dabmenana heegeg, dabmak ahilag amu ɠagattagnab eppe, ag ɗo nai, Yawe Nukka Ɠagattag Oh Ele ag dooglagnu me uɗiom, ag amu doyaknu uuppig. Yawenu Ouɗi Nug propet danab anukkanu nai matte, ag danab ah amelagppa mattieg dooppig, amge ag nuhig nai amu ele dooglagnu uuppig, diig amunu Yawe Nukka Ɠagattag Oh Ele Nug ahilagnu oo nauhak huanak doyom.

Matyu 19:7

Jesus Nug anam a amu, ɗo gumak danab-Parasia ag amegppa appig. “Na anam attem, amge attemun Moses nug ihinigppa ɗo laa meum, amu ɗo amuppa danab nug wau lamidkkunu oo dayeb amu nug uɗug laa ewau okkulaknu ya, wau mettowa, lamitteb gokku?” aon appig.

Matyu 19:9

Amunu da ag amelagppa inam attem. Danab laa, nug wau ewau pakkua gappai ii heum, amge gamu nug ah amu lamittowa, nug ah bau aotte amu, danab amu nug aakku ewau pakkua gappai hak kobol hette,” awa aum.

Matyu 3:15

A amu Jesus oɗeppa awa aum. “Iitta. Gemu amu na da ami bia hekkut. I amuppa kobol tutukku oh elele mettagnih,” awa aum. Awa a amu Jon nug Jesus oɗe dim lamittom.

Matyu 8:31

ouɗi nau ag Jesus unuqna appig. “Na ig lamigna doona amu, lamigkkut amu, heppe ig gota bo oolagppa notu!” aon appig.

Mak 10:5

Ag anam aeg amu Jesus Nug aum. “Ao, amge ag Kayak oɗe dim lamidkkulagnu uuppig amunu, Moses nug ɗo anam meum.

Mak 16:14

Dimppa amu Jesus Nug ippunittak awak danab 11 ag ee lanana daaegeg, Nug tula gumatta wana, Nug ag ooppa genab doyak iitta daanna, ag laa ag Nug eɗua hibaittom dimppa anidna, ag amelagppa appig, amge ag oolagppa genab dooglagnu uun, ahilag dabmak amu ɠagattag eppom, Nug amunu daulag batom.

1 Korint 7:6

Da ɗo mein, “Ag nug aweg!” ii attem. Iitta! Ag anam hekkulagnu oolag dayeb amu, ag hekkulagnu elele aakkuib attem.

1 Samuel 25:43

Tatam, haen keeke amu oh ii beegeg, Dawit nug Jesril ah laa awom; ah amu onig am Ahinoam. Gemu Dawit nug Abigel awe, ah aɗit aa oh am Dawit wauuɗ daapiɗ.