Matyu 19:5 - Nobonob Baibel

⁵ Nug anam haatowa, ‘diig amunu ewau matulak haenppa danab nug anig mameg ele uuata, nug wau ele matulak daaya, aɗit amu aa ouqak laippu daaglah.’

Matyu 19:5 ပူးပေါင်းရင်းမြစ်များ

Genesis 34:3

Sekem anam ha amu, nug Jakop aɗeg Daina ii uuittom. Iitta! Nug nuhignu oo mauhom. Amu ele, nug Daina amegppa nai enaib madittom.

2 Samuel 1:26

O da amal Jonatan, da ool nahipnu huana dootte. Da nahipnu enaib doomi. Na dahilnu oot okkainab mauhom, amu da oo mauhak amunu enanag doomi. Ge, oo mauhak nahip amu, amuam ah nug danabnu oo mauhtte eɗittak.

1 King 11:2

Anukka Yawe Nug Israel, ag ah amu diimnanu, Nug ɗo ma, ag amelagppa inam aum. “Iitta aɗi dilag ah amu, ag ahilag kayak hambuppuak diin uɗin heppeg, ag amu dim lamadkkulag amunu, ag wanppanu wan laalappan ah amu, ag diiglagnu, am aib,” awa aum. Yawe Nug anam aum, amge Solomon nug nai amu tappe ne, nug iitta aɗi dilag ah, nug amunu oo huana mauhe, nug wauud diiom.

Sam 45:10

O ah makkun, ⌊king aɗeg wan laappanu⌋, na daut human, da doiɗe! Ao, na da aɗi attem amu, na dabmettan autna awe Na danab ah nahipad, amu na appan uma elenu daut atiaɗ!

Sam 63:8

Da na guguitten dim lamitti oiɗɗa, na da atognoiɗna autnanab aottem.

Malakai 2:15

Haen na ah aome amu, Yawe Nug he, na waat ele laippu iite daapiɗ? Gaɗalahppa, ouɗilahppa ele aa nuhig daattep. Kayak Nug diig aɗinu kobol amu daakkunu meum? Nug aa nid ag genab tutukku hak kobolib dim lamidkkulagnu menuadkkulahnu oo hette. Anam amunu na nakka dabmettan autna awe! Na bau daanna, na nai nahip loppaɗmananu, na waatnu dabmenan oiye!

Matyu 19:6

Aa anam heya, aa baula aɗit iitta. Aa am laippu. Aa laippu amunu, keeke Kayak nukka matulatom amu, danab laa nug aib otaɗom,” awa aum.

Rom 12:9

Ag lailkad dilag oo mauhak genabppa oolag mauhaɗ! Ag aib hambuppuak bia heppig. Ag kobol eheɗnu nau ninig ele doyeg! Ag kobol ena amuib aɗan autna aweg!

1 Korint 6:16

Ag imu iite dootteb? Danab nug ib baag ah ele aa beɗulah laippu ouqettep amu, aa beɗulah ⌊amge amuppa aakkuib⌋ laippu daattep. Aɗinu? Kayak naippa, nai inam daatte. “Aɗit amu aa ouqak laippu daaglah.”

1 Korint 7:2

Amge gappai kobol iɗu iɗu daatte amunu, danab oh anen anen ag ah diiglag, amu ah ag ele ag anen anen ahilag danab diiglag am ena.

1 Korint 7:4

Amu diig amu, ah nug nukka nug beɗu ii gumatte. Iitta. Nuhig danab ele oh gumattep. Anamib, danab nug nukka nug beɗu ii gumatte. Iitta. Ah nuhig ele oh gumattep.

Epesus 5:31

⌊Danab nug ahnu anam dookku,⌋ “diig amunu ewau matulak haenppa danab nug anig mameg ele uuata, nug wau ele matulak daaya, aɗit amu aa ouqak laippu daaglah.”

Duteronomi 10:20

Am ag ebehilag oh bodoetta le mak, Yawe, ahilag Kayak, nuhignu doon, ag Nug noobppa dup nona binag mak kobol nuhignu hena, nuhignab daaglagoitte. Ag ahilag nai ɠagattag qettaglagnu, ag Nug onigppa aakkuib amu hekkulagoitte.

Duteronomi 11:22

Aɗinu ag Yawenu haknunab anak oh da gemu ag madattem dim lamidkkulag? Ag amu hekkulag dayeb, amuam ag Yawe, ahilag Kayak, ag nuhignu oolag mauheb, guguittak daanna, Nug ag aɗi hekkulagnu aum amu hekkulag amu,

Duteronomi 4:4

Amge ag laa oh, ag Yawe, ahilag Kayak, ag oolag Nug mettan, ena haknu ii uuak kobol hena, Nug dim lamidppig ele, ag amu, ag gemu bau daatteb.

1 Samuel 18:1

Saul, Dawit ele aa mattiya malaeh, haen amuppa Saul bekka Jonatan, nug Dawitnu, da layalnab doya, Jonatan nug nukka nuhignu oo mauhtte, amubia nug Dawitnu oo mauhom.

1 Samuel 25:43

Tatam, haen keeke amu oh ii beegeg, Dawit nug Jesril ah laa awom; ah amu onig am Ahinoam. Gemu Dawit nug Abigel awe, ah aɗit aa oh am Dawit wauuɗ daapiɗ.