Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matyu 19:29 - Nobonob Baibel

29 Aria, danab aun nug da onilnu ha, nug anig, mameg, awakkud, amakkud, apakkud, appinkkud, nug wau, bekkod, aɗekkud, nug laug amu nuhig dad okkai ele uuatta, da dim lamiɗtte amu, nug hamu ii daama. Iitta. Nug amu bia amge laippuib iitta, nug 100 awa, nug bauklel hanhannu ele aokku.

အခန်းကိုကြည့်ပါ။ ကော်ပီ




Matyu 19:29
25 ပူးပေါင်းရင်းမြစ်များ  

Danab keeke anidkkulagnu mattiglagnu haen daatte; danab mattiak uɗat uuna, baula ii mattimnanu haen ele daatte. Danab keeke qagmena aɗaglagnu haen daatte; danab keeke kinipan abenppa buɗippeg gokkunu haen ele daatte.


Da onil ahilagppa daatte amunu, danab oh ag oolagppa ahilagnu nau ninig ele dooglag, amge laa nug ɠagattag dayebeb ukkeb, keeke oh ba maleb, haen amuppa ele nug ɠagattag daakku amu, nug padal ii mema.


Aria, ee aeg wan enappa nena qeppig ele amu, nai amu inam ippunigtte. Danab nug nai daugppa doya dabmedatte, nai diig ele oo maidtte amu, nug meu ena otte, laa 100, laa 60, laa 30 eppakppanu eɗittak, anam otte,” awa aum.


Amge ee aeg laala ag wan enappa nena qena, ena bena, meu oppig. Ee aeg laala ag meulkad 100 oppig. Laala ag meulkad 60 oppig, amu laala ag 30 oppig.


Aɗinu? Danab laa nug wanppan bau daakkunu dabmak anuqak aotte amu, dimppa nug bauklel hanhannu ii aoma, amge laa nug dahilnu anuqak dootte, wanppanu bau dayaknu anuqak ii dootte amu, nug am bauklel hanhannu aokku.


Aria, danab laa Jesus gumitta uɗia aum. “Ippunittak danab, da aɗi keeke ena heina da bauklel hanhannu aokkul?” awa aum.


Anam maattoya, da king daattem amunu, da danab ah naɗiap-ppa maadmi ele amelagppa akkul. ‘Ag inam doig! Mame Nug ag itittak ena mattom! Da Mamel Nug ɗo maɗoɗ ahilagnu haen wan bau beebe babaitta mattom.


Aria, danab amu ag gona, haen ohnu nau awak abenppa daaglag, amge genab tutukku hak danab ag bauklel hanhannu aon daaglag,” awa aum.


Ag da dim lamiɗtteb amunu, haen danab ag amu dabmetteb, ag ahilagnu nai nau anana, ag eheɗ hattanna, nai hambuppuak kuɗumppa ag yaaladna hetteb ele amu, ag dahilad amu, ag itittak ena aoppig daatteb.


Amge tatam ag Kayaknu ɗo maɗoɗnu, amu genab tutukku kobol ele hekkulagnu anuqak dooppeg, geha Nug keeke amu oh ele ag madakku.


“Danab nug dahilppa uɗitte, amge nug mameg, anig, am nuhig ah, bekkod dilag am awag, amag, apakkud, appinkkud dilag, nug nukka nuhig bau dayak ele amunu anuqak dootte ele, aria nug dahil ippunittak awak danab daakkunu elele iitta.


Aria ag uub eeɗateg, audam teeh, ag keeke amu oh uuadna, ag gona, Jesus dim lamidppig.


Ag Danab Bekkalag da, ag da dim lamiɗtteb ele amu, ag da dim lamiɗtteb amunu, haen danab ag amu dabmetteb, ag ahilagnu oolagppa nau ninig ele doon, ag geɗadna, nai nau ahilagnu anana, ag am danab nau ele atteb amu, ag dahilad amu ag itittak ena aoppig daatteb.


Ag wan imuppan danab ah wannu kobol dim lamadtteb ele laippu daalob, wan imuppanu danab ah amu ag ahilagnu ag lailkad bia doon, ahilagnu oolag mauhlob, amge ag wan imuppan danab ah amu ele laippu iitta. Da ag danab amu oolagppanu tituanatten, wan imuppanu kobol uuglagnu ag maadmi amunu, diig amuppa ag ahilagnu kekeɗ daatteb.


Am laa nug meu aotte amu, nug nuhig uɗat nob awawa, nug danab laala bauklel hanhannu aoglagnu ehanadtte. Ehanadtte amunu, ee eppak danab, amu meu awak danab ele aa oh oolah gamag ahakku.


Geha nug da onil ag ippuanattatta, amuppa nug uug nau digdig maokkunu daatte amu da nug ippunidkkul,” awa aum.


Kayak naippa, nai inam daatte. “Kayak Nug keeke ena ena, danab ag nuhignu oolag mauhtte ele madakkunu babaittom amu, keeke amuam danab laa nug amegppa ii anttom, daugppa ele ii doyom, dabmakppa ele ii beum. Keeke enanagnab.”


Anam amunu gemu amu, ig oo alagppan kobolppa baula danab laa ib amuppa ii epeɗittem. Genab, anukka ig oo alagppan kobolppa Kristus epeɗimut, amge gemu ig anam ii hettem.


Amu da keeke amunuib ii attem. Iitta. Da aɗi keeke laa awen, Jesus ele ouaqaten, laippu elele bia daattep dookkulnu elele iittanab iitta doottem. Jesus nukka am enanag. Keeke laa ohnu, da keeke amunu am keeke ena, keeke genab ele ii doottem. Laippuib am Kristus Jesus, Nug am dahil Naɗi, doyak amuam keeke genabnab doottem. Amu da Kristusnuib daakkulnu dabmein, keeke laa oh akkai goppig. Keeke amuam kinipan bia doottem. Amu da Kristusnuib daakkulnu, Nug ele laippu daagnihnu aakkuib ool daatte. Amu da ɗo dim lamittak kobolppa genab tutukku hak danab daakkulnu ool ii daatte. Iitta. Da genab tutukku hak danab daakkulnu amu, da Kristusnu oolppa genab doottem, amuppa Kayak Nug dahilnu, “Genab tutukku hak danab,” awa akkunu ool daatte. Genab tutukku dayak amunu diig am da iitta, am Kayak, amu danab nug ooppa genab doyakppa aotte.


Amu ag Kristus onig ɠagattag aɗatteb amunu, danab laa ag ahilagnu nai eheɗ akkulag amu, ag itittak ena aoppig daatteb. Aɗinu? Kayak Ouɗi, Nug binag amahlak oppiaawak ele, Nug ag ele daatteb.


Danab amu ag Jesus Kristus onig humaglagnu iitta aɗi gumadna gotteb, amu ag iitta aɗi dilagppanu uɗat nob ii aotteb.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ