Matyu 19:28 - Nobonob Baibel

²⁸ Nug anam a amu Jesus Nug eɗua, ag oh amelagppa aum. “Da genab ag amelagppa attem, keeke oh bau bak haenppa, Danab Bekkalag da, da sia king binag amahlak oppiaawak ele dahilppa daabppi, ag da dim lamiɗtteb ele ag sia king 12ppa daanna, Israel dilag huu okkai 12 amu gumadkkulag.

Matyu 19:28 ပူးပေါင်းရင်းမြစ်များ

1 King 18:31

Nug amu hekkunu amu, nug men 12 qaɗab hekkunu diiom. Jakop buɗub Israel dilag huu okkai 12 daappig, ebqak amubia nug men awom. Anukka Yawe nug Jakop amegppa aum. “Na onin amu Israel daakku,” awa aum.

2 Stori 9:19

Amu laion dottog 12 ag adqaɗ tappa tak eblaih laippu ele, amu anen anenppa, naɗiap-ppa, nanehppa ele hippaidna daappig. Amu wan laalappan king ag ahilag sia king anam am laa iitta.

Esra 6:17

Ag Kayak laug qeapinna Kayaknu tituanna mettaglagnu amu, ag makau dawai 100, sipsip dawai 200, sipsip gaiɗ 400 manadna, Kayak mettan, ag meeme dawai 12 ele, ag anen anen am Israel dilag huu okkai anen anen dilagnu, ag Israel oh dilag ib etta hipunin haknu ofa daaglagnu ele manadna Kayak medappig.

Eksodas 15:27

Yawe Nug anam a, dimppa Israel ag gona, Elim teppig. Elim appa amu, le qeppuɗia baknu moɗ 12, det pam 70 ele daappig. Appa Israel ag haen tutu dayaknu aab ahilag le moɗ amu gukkuidna kalappig.

Eksodas 24:4

Am Moses nug Yawenu nai amu oh yom. Nug amu he, deɗ amu uue, nug buttuanab aha, qauko amu diigppa qaɗab laa qewowa, qaɗab amu guguitta, nug men 12, Israel dilag huu okkai 12 amu oulag daaglagnu, nug anam diia qappalattom.

Eksodas 28:21

Aria, men 12 amu laib laib ohppa ag Israel bekkod onilag, laa onig am men laappa, laa onig am men laappa, ag anam otaɗadppeg ukkeb, ag Jakop bekkod nid danab 12, ag amu onilag otaɗadna malappeg, ag anen anen Israel dilag huu okkai 12 dilag at dayeg!

Aisaia 65:17

Yawe Nug atte. “Aɗinu ⌊am anam bekku⌋? Antteg! Da heppi, hab bau, wan bau ele daaglah. Tumainu keeke am laanu dabmakppa ii daama, laa nug amu dab iinab mema.

Aisaia 66:22

Yawe Nug ele atte. “Amu hab bau, wan bau da hekkul ele amu, keeke aɗit amu hanhan da noolppa daaglah, amubia amu, ag Israel ag onilag am hanhan dayebeb, ag buɗulkad ele am iitta ii memana.

Lewitikas 24:5

⌊Amu Yawe tuɗitta aum.⌋ “Amu ele, na 12 kilogram plaua enanag aon, bret batappatak 12 manakkutoitte. Na bret anen anen 1 kilogram plauappa hekkut.

Matyu 16:27

Danab Bekkalag da, da Mamelnu binag amahlak oppiaawak ele uɗippi, engel ele uɗignig, amu haen amuppa da danab ah dilag hak, amu nob eɗue madakkul.

Matyu 19:27

Jesus Nug anam a amu Pita nug oɗeppa awa aum. “Antte, ig ihinig keeke oh uuta, na dim lamidttem amunu, ig aɗi am ihinignu aognig?” awa aum.

Matyu 20:21

Nug anam heum amu, Jesus Nug aum. “Na aɗi keekenu oot hette?” awa aum. Jesus Nug anam a amu, ah nug Jesus amegppa aum. “Na appe, nid dahilaɗ aɗit imu aa nahip ɗo maɗoɗppa na heqon laih laih daaglah; laippu laa na heqon naɗiap-ppa dayebeb, laa na heqon nanehppa daakku,” awa aum.

Matyu 25:31

Jesus Nug anam ana Nug nai tuɗitta aum. “Dimppa haen Danab Bekkalag da, da binal amahlak oppiaawak ele uɗippi, engel oh ele uɗignig, haen amuppa da sia king binag amahlak oppiaawak ele dahilppa daakkul.

Matyu 6:33

Amge tatam ag Kayaknu ɗo maɗoɗnu, amu genab tutukku kobol ele hekkulagnu anuqak dooppeg, geha Nug keeke amu oh ele ag madakku.

Matyu 8:20

A amu, Jesus Nug ɗo mehuqak danab amegppa aum. “Doɗ laa onig foks, biun bia, ag wan oɗeppa niiaknu aben ele, ai ag ele teɗ ele, amge Danab Bekkalag da amu, da niiaknu aben laa iitta,” awa aum.

Mak 10:37

Awa a amu aa apiɗ. “I oonih inam daatte. Dimppa na okkai daanna, wan imu oh gumanna, na appe, i amu na heqon laih laih daagnih. Laa na heqon naɗiap-ppa dayebeb, laa na heqon nanehppa daakku,” aoya apiɗ.

Aposel 3:21

Amu gemu Nug hab aabppa daatte. Nug appa dayebeb ukkeb, Kayak keeke oh eɗua bau hekkunu anukka nai nuhig ana qakke, nuhikkud propet ag oɗelagppa mehuqppig amu, Nug haen amu uɗikkunu ameg mekkuoitte.

2 Timoti 2:12

Ig uug maognignu ɠagattag daattem dayeb; ig Nug ele keeke oh gumadkkunig. Ig Nug dimettagnig dayeb; Nug ig ele dimegakku.

2 Pita 3:13

Amge Kayak Nug hab bau, amu wan bau ele megakkunu nai qakka aum amunu, ig keeke amunu neegttem. Amuppa genab tutukku hak kobol aakkuib daakku.

Revelesen 11:16

Anam aeg amu ikki danab 24 ag sia king ⌊anuqak⌋ talilidna, sia king ahilkadppa daatteb ele amu, ag laippun gatelag qaun ona, gomelna, iɗulag wanppa mena, ag dup nona, Kayak binag meppig.

Revelesen 12:1

Epponak keeke okkai laa habppa tula be, danab ah anidna dabmak okkai aoppig; amuam ah laa, nug nuhig lamen am aam daye, kalam nug baeg waappa dayom. Nuhig haɗ, amuppa hoɗopai 12 daatteb amu, haɗ amu nug igippa dayom.

Revelesen 20:4

Amu da sia king laala anadmi. Kayak Nug laala ag hettoɗiakppa danab ah epeɗiadkkulagnu uɗat mattom ele amu, ag sia king laala amuppa daappig. Daaegeg amu da laala ag Jesusnu oolagppa genab doonna, Nug onignu madippig, ag Kayak nai ɠagattag aɗappig amunu ag baalag otaɗppig ele amu, da ag dottolag anadmi. Danab amu ag doɗ dakkuɗ dottog noobppa ii dup nona binag meppig; ag uɗalkadppa eppelkadppa ele nuhig epponak keeke ii aoppig. Danab amu ag eɗun hippaidna bauklel aona, Kristus ele gumak uɗat maɗ 1,000 henan daappig.

Revelesen 21:5

Am laa nug sia king ⌊anuqak,⌋ amuppa daatte ele Nug aum. “Amu gemu da keeke oh bau hadattem!” awa aum. Anam ana amu Nug baula ele aum. “Keeke imu oh na ye! Aɗinu? Nai imuam genab, danab ah ag oolagppa genab dooglagnu elele,” awa aum.

Revelesen 22:2

aab okkainu ib gamagppa gotte. Bauklel ad amu nug le amu akka laih laih tagagɗitta, tappom daatte. Nug meu amu maɗ laippu ooppa haen 12 ele niitte. Kalam ohppa meu niitte. Ad uɗug amu atu atu danab ah dilag oɗe babaittaknu ele.

Revelesen 22:5

Gatatu baula ii daama. Lamnu amahlak am aam amahlaknu uɗat ele baula ii daama. Aɗinu? Naɗi Kayak Nug amahlak mattebeb, ag haen oh king daaglag.

Revelesen 3:21

Aun laa nug ban eɗidkku amu, da nug daakkunu elele appi, nug da ele dahil sia kingppa, anukka da ban eɗitti, gemu da Mamel ele nuhig sia kingppa daattep amubia daagnih.

Revelesen 4:4

Aria, sia king 24 laa ag sia king ⌊anuqak⌋ amu talilidna daaegeg, sia king amu gamagppa dayom. Sia king oh ag anam daaegeg amu, ikki danab 24 ag sia king 24 amuppa daappig. Ikki danab amu ag lamen ahilkad hakkab ele, ag ikkilkadppa haɗ golppa hak aɗalatteg noeg, ag daappig.

Revelesen 7:4

Nug anam a amu, da Israel dilag huu okkai ohppanu danab ah ag Kayaknu epponak keeke aoppig ele, da ahilag ebqak doomi. Ebqak amuam kuɗumnab (144,000).