Matyu 19:21 - Nobonob Baibel

²¹ A amu Jesus Nug amegppa aum. “Na genab tutukku hak danab elelenab bekkutnu amu na gona, na enun oh meppe, danab laala daden meppeg, na men doɗo amu oh aon, daɗek danab mattona amu, na hab attan enun okkai ele daakkut. Anam hewona amu na eɗun dona, da dim lamiɗe!” awa aum.

Matyu 19:21 ပူးပေါင်းရင်းမြစ်များ

Genesis 17:1

Aria dimppa, Abram nug maɗ 99 dayeye, Yawe Nug gumitta na, nug amegppa aum. “Da am Kayak Dakka Ɠagattag Oh Ele. Na dahil neekkakppa danab ooppa kaliak laa iitta ele oiye!

Genesis 6:9

Noa, nuhig hak amu inam. Noa nug wanppa dayom, haen amuppa nug danab ah oolagppa nug genab tutukku hak danab dayaya, Kayaknu neekkakppa danab ooppa kaliak laa iitta ele oiyeye, Kayak ele oittapiɗ.

Job 1:1

Anukkanab danab laa onig Job nug Us wanppa dayom. Danab amu nug Kayaknu neekkakppa ooppa kaliak laa iitta ele. Nug genab tutukku hak danab. Nug Kayaknu ebehi oh bodoetta le me, nug eheɗ laa hekkunu uua autanab awom.

Sam 37:37

Ag laa, ag danab ah beɗulagppa aab iitta am anatteg! Ao ag tutukku hak danab ah dilagnu dabmak aweg! Aɗinu? ⌊Danab ah amu ag maɗoɗ ele dayaknu oolag mauhtte, amu⌋ Yawe Nug danab ah ag maɗoɗ ele dayaknu oolag mauhtte am ehanatta heeb, ag butti aɗi ii iitta memana.

Matyu 16:24

Haen amuppa Jesus Nug nuhikkud ippunittak awak danab amelagppa aum. “Laa nug da dim lamiɗkkunu oo dayeb amu, nug nuhig dabmak dim lamidkkunu dab-iinab-mema. Iitta. Nug nuhig ad emaitak mawa, da dim lamiɗaɗ!

Matyu 19:20

Awa a amu nid bau aum. “Da ɗo amu oh dim lamitti uɗie, gemu ele anamib hettem, amge da aɗi laa hekkul?” awa aum.

Matyu 19:22

Awa a amu nid bau amu doya, nug oo uugnab ele ukkom. Aɗinu? Nug enub kuɗum ele.

Matyu 19:28

Nug anam a amu Jesus Nug eɗua, ag oh amelagppa aum. “Da genab ag amelagppa attem, keeke oh bau bak haenppa, Danab Bekkalag da, da sia king binag amahlak oppiaawak ele dahilppa daabppi, ag da dim lamiɗtteb ele ag sia king 12ppa daanna, Israel dilag huu okkai 12 amu gumadkkulag.

Matyu 4:19

Jesus anata amu Nug amelahppa aum. “Doya, da dim lamiɗeɗ! Aa anam hepeɗ, da aa danab diiaknu uɗat ippuanatkkul,” awa aum.

Matyu 5:48

Anam amunu, ag Mamelag, hab aabppa daatte amu, Nug qa oppiaawak daatte, amubia ag qa oppiaawak dayeg!

Matyu 8:22

Nug anam aum amge Jesus Nug aum. “Uuppe! Mauhak aɗi, ⌊ag danab dahil uɗat haknu dab-ii-metteb ele amu,⌋ ag mauhak lailkad boumatteg! Na da dim lamiɗe!” awa aum.

Matyu 9:9

Aria, Jesus Nug appanu aha oiyaya, takis awak danab laa onig Matyu, nug takis awak lakka dayeye anttom. Antta, Jesus Nug amegppa aum. “Na dona, da dim lamiɗe!” awa aum. Anam a amu, nug aha Jesus dim lamittom.

Mak 10:21

Awa a amu Jesus Nug danab amunu dabmak awa, nuhignu oo mauhe amu nug amegppa aum. “Keeke laippunu amuppaib na elele iitta. Na gona, na enun oh meppe, danab laala daden meppeg, na men doɗo amu oh aon, daɗek danab mattona, na hab attan enun okkai ele daakkut. Na anam hewona amu, na eɗun dona, da dim lamiɗe!” awa aum.

Mak 2:14

Ippuanattowa amu Nug aha, wana oiyaya, Nug Alpius bekka Lewi, nug takis awak lakka dayeye anttom. Antta, Jesus Nug amegppa aum. “Na dona, da dim lamiɗe!” awa aum. Anam a amu, nug aha Jesus dim lamittom.

Mak 8:34

Anam ana amu, Nug danab ah, amu nuhikkud ippunittak awak danab ele ag onilagppa e uɗieg, Nug amelagppa aum. “Laa nug da dim lamiɗkkunu oo dayeb amu, nug nuhig dabmak dim lamidkkunu dab-iinab-mema. Iitta! Nug nuhig ad emaitak amu mawa, da dim lamiɗaɗ!

Luk 12:33

Ag ahilag keeke oh maadppeg, danab daden meppeg, men doɗo aona, daɗek danab ehanadna matteg! Ag anam hekkulag amu ag men doɗo inaknu hogot, alag ma nauhkkunu elele iitta ahilkadnu diiglag. Ag aakku ahilag en ii iitta memanu hab aabppa qagmekkulag. Appa amu yab danab laa nug ii daama, dittuɗ ele ag keeke laa ii heppeg nauhma.

Luk 14:33

Amge amubia ag oolagppanu danab nug nuhig keeke oh uuatta ii dimadatte dayeb, aria nug dahil ippunittak awak danab daakkunu elele iitta,” awa aum.

Luk 16:9

Jesus Nug anam ana, Nug baula aum. “Amunu da ag amelagppa attem. Ag wan imunu enub, men doɗo, ag amuppa ehanittak heig! Am dimppa men doɗo iitta meeb, aria ag lailkad ag ag ele laippu dayaknu oolagppa eleleib doon omaladppeg, ag hanhan dayaknu laulagppa gona daaglag.

Luk 18:22

Nug anam a, Jesus Nug nai amu doya, amegppa aum. “Keeke laippu amuppaib na elele iitta. Na gona, na enun oh meppe, danab laala ag daden meppeg, na men doɗo amu oh aon, daɗek danab mattona, na hab attan enun okkai ele daakkut. Na anam hewona, na eɗun dona, da dim lamiɗe!” awa aum.

Luk 5:27

Aria, dimppa Jesus Nug aha oiyaya, Nug takis awak danab laa, onig Lewi, nug takis awaknu lakka dayeye anttom. Jesus Nug antta, amegppa aum. “Na dona, da dim lamiɗe!” awa aum.

Luk 6:40

Ippunittak awak danab nug ippunittak danab nuhig ii eɗidtte. Nug ippunittak nai oh awa malowa amu, nug ippunittak danab nuhig bia daakku.

Luk 9:23

Anam ana amu Nug nuhikkud ippunittak awak danab oh amelagppa aum. “Laa nug da dim lamiɗkkunu oo dayeb amu, nug nuhig dabmak dim lamidkkunu dab-iinab-mema, nug nuhig ad emaitak deɗ oh mawa, da dim lamiɗaɗ!

Jon 10:27

Sipsip dahilad amu, ag da baal dootteb. Da ag doyadttem, amu ag da dim lamiɗtteb.

Jon 12:26

Amu laa nug da waalppa dayaya da oɗel dim lamidkku dayeb amu, nug da dim lamiɗkkuoitte. Am da adeppa daattem amu, dahil maɗi nid nug ele appa daakku. Am laa nug da waalppa dayaya da oɗel dim lamidkku amu, Mame Nug nug binag humakku,” awa aum.

Aposel 2:45

Am danab laala ag wan ele amu, laala ag keeke ele amu ag heeg, danab laa daden meeg, ag men doɗo amu aona, danab laala elele iitta daaegeg madappig.

Hibru 10:34

Amu ag danab maniguittakppa daappig, ag amu dilag oolag doyom. Amu haen laala dimittim danab ag uɗin, ahilkad keeke ena ena aɗadna diippig, amge ag amunu oolag ii nauhom. Iitta. Ag maɗoɗppan gamag ahak doon uueg aoppig. Aɗinu? Ag ahilag keeke ena hanhannu, dimppa aoglagnu appa ana daatte dooppig.