Matyu 18:20 - Nobonob Baibel

²⁰ Ao, danab aɗit, o ewam aakkuib ag da onilppa, aben adekkuppa qagmekkulag amu, da ele ag oolagppa daakkul,” awa aum.

Matyu 18:20 ပူးပေါင်းရင်းမြစ်များ

Genesis 49:10

Juda nug hanhan kingnu qakun aɗa daakku. Ao, Juda buɗub laa ag hanhan king daan oiglag. Ag anam daappeg ukkebeb, dimppa laa nug kingnu qakun mamegnab nug uɗia aweb batakku. Nug uɗieb amu, wan laalappan oh ag nuhig nai dim lamidkkulag.

Eksodas 20:24

Yawe Nug anam anana amu, Nug Moses amegppa nug Israel amelagppa ab dooglagnu nai tuɗitta aum. “Ag doɗ main meɗaglagnu amu, ag wan akkan, qaɗab hena, ag qaɗab amuppa main meɗaglag! Ag ahilag manaknu ofa, amu laippu dayaknu ofa ahilag ele, ag amu hekkulagnu ag doɗ sipsip, meeme, amu makau ele ahilag qaɗab amuppaib main meɗaglag. Da aben ohppa da onil mekkul ele amu, da amuppa ahilagppa uɗien, da ag itittak ena madakkul.

Esekiel 46:10

Danab ah ag uɗitteb, haen amuppaib ahilag okkai nug ele ag oolagppa uɗiaɗ! Haen ag ahan gobeppeg amu, nug ele haen amuppa eɗua ukkaɗ!

Sekaraia 2:5

Amu Yawe Nug atte. Aab laa aɗ iitta, amge aab ewak hanhan aab amu talilitta ewawa dayaya, aab amunu aɗ daatte, amubia da dakka, da Jerusalemnu aɗ daakkul amunu, diig amunu laa ag aab amuppa, aab amunu aɗ dimittim daaglag ele ag enaib, maɗoɗ ele, qagaiettak iitta ele daaglag. Amu da, da aab amunu binag amahlak oppiaawak ele daakkul, awa atte.” Engel laa nug engel laa amegppa nid amu amegppa anam akkunu aum.

Matyu 18:21

Jesus Nug nai amu mattia male amu, Pita nug Jesus gumitta doa aum. “Naɗi, da layal nug dahilppa hipunin heeb amu, da hipunin nuhig gane batak uhuqen medakkul? Da haen eblaih aɗit ele uhuqen medakkulte?” awa oɗ mettom.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Jon 20:19

Aria, mettid digmakppanu deɗ, deɗ amuppa gatatu ne, Jesusnu ippunittak awak danab ag Juda dilag okkai baɗadna, lag ooppa od lok qak ele daaegeg, Jesus uɗia tula, ag oolagppa hibaitta, ag amelagppa aum. “Ag maɗoɗ ele dayeg!” awa aum.

Jon 20:26

Nug anam a dimppa, mettid laippu uue, ippunittak awak danab ag baula Sabat deɗppa lakka qagmena daanna, haen amuppa Tomas nug ele oh daappig. Ge, lag od am lok qak daaegeg daappig, amge Jesus Nug uɗia, ag oolagppa dayaya aum. “Ag maɗoɗ ele dayeg!” awa aum.

Jon 8:58

Anam aeg, Jesus ag oɗelagppa awa aum. “Da genabnab genab ag amelagppa attem. Abraham ii dayom haenppa da daami, gemu daattem, butti aɗi daakkul,” awa aum.

1 Korint 5:4

Ag ihinig Naɗi Jesus onigppa qagmebeppeg, dahil dabmak, amu ihinig Naɗi Jesusnu ɠagattag ele ag ele oh daappeg,

1 Tesalonaika 1:1

Da Pol, Silas, Timoti ele ig nai imu Tesalonaika tamaniak, ag Mame Kayak, am ihinig Naɗi Jesus Kristus ele ouqak daatteb amu, ig ahilagnu iikku yaattem. Kayaknu ehanittak okkai hamu mettak, amu nuhig maɗoɗ ele ahilagppa daaglahnu oonig daatte.

Pilemon 1:2

Aria, i Kristen tamaniak na lautppa qagmetteb, i appinanih Apia, amu Arkipus, nug i ele uɗat imuppa laippu hettem amu, i ahilag ohnu nai imu yaattep.

Revelesen 2:1

Nug anam ana, Nug nai tuɗitta Jon amegppa aum. “Na nai da attem imu Epesus Kristen tamaniaknu ikki danab, nuhignu inam ye! Nai imu, laa Nug hoɗoppai eblaih aɗit ele eppeg naɗiap-ppa aɗalattatta, lam maknu balal eblaih aɗit ele oolagppa oitte amu, nuhigppanu uɗitte.

Revelesen 21:3

Anam daye amu, da nai mattiak baag okkai sia king ⌊anuqak,⌋ amuppanu laa inam a doomi. “Gemu Kayak laug danab oolagppa daatte! Nug ag ele daaglag. Ag nuhig danab daaglag. Kayak Nug ag ele daaglag, amu Nug Kayak ahilag daakku.