Matyu 18:10 - Nobonob Baibel

¹⁰ Jesus Nug anam ana amu Nug aum. “Ag dabmena autna aweg! Da ag amelagppa inam attem. Nid naunau dilag engel ag haen oh da Mamel, hab attan daatte amu, ag Nug noobppa daanna, ag atognoadtteb amunu, ag nid nakok laippu laanu amu, nug am keeke hamu aib dooppig.

Matyu 18:10 ပူးပေါင်းရင်းမြစ်များ

2 Samuel 14:28

Anam daye ukke, Apsalom nug maɗ aɗit Jerusalem appa dayaya, nug king gumitta taknu aib dayom amunu, nug king nakok laa ii anttom.

1 King 22:19

Ahap nug Jehosapat amegppa anam a amu, Mikaia nug nai amu tuɗitta, nug aum. “Na daut human daappe, geha da Yawenu nai appi doye! Yawe Nug sia king nuhigppa dayeye, nuhikkud engel hab aabppa daatteb oh ag Nug talilidna, naɗiap-ppa nanehppa ele hippaidna daaegeg anadmi.

Esta 1:14

Danab amu onilag amu, Karsena, Setar, Admata, Tarsis, Meres, Masena amu Memukan ele. Ag am Persia, Midianu dilag anuqak danab onilag okkai ele. Ag anam amunu, ag king anidkkulagnu ib ele. Amu ag ɗo maɗoɗ amuppan danab okkainab.

Sam 15:4

ag danab kobol uɗig wak hetteb ele dilagnu ena iinab dootteb, amge ag laa, ag na Yawe, ag nahipnu ebehilag oh bodoetta le mette ele, ag amu dilagnu binalag metteb, ag aɗi keeke hekkulagnu ahilag nai ɠagattag qena appig ele amu, ag nai amu dim lamidkkulagnu guittak doottebtai, amge hetteb,

Sam 17:15

Amu da, da genab tutukku hak kobolppa na anidkkul. Haen da niiak abenppanu ahen, na anitten amu, da elelenab dookkul.

Sam 34:7

Yawenu engel nug laa oh ag Yawenu ebehilag oh bodoetta le mette ele, nug ag guguattak dayaya, nug ag ehanatte, qagaiettakppa ii daatteb.

Sam 91:11

Aɗinu? Nug engel nuhikkud amelagppa nahipnu haknunab ab, ag na adeppa adeppa gokkut amu, ag na pehettak atognoidkkulag.

Sekaraia 13:7

Yawe Nukka Ɠagattag Oh Ele Nug atte. “Qep elab, na ahan, dahil sipsip gumak danab qe! Ge, qep elab, na danab da gukkuiɗak daatte ele qe! Qep elab am sipsip gumak danab qeeb amu, sipsip, ⌊dahilad danab ah amu,⌋ ag oolna, matatun gokkulag. Anam, amge da dahiladnab sipsip gumak danab sipsip nakkud bekkadtte bia atognoadkkul.

Sekaraia 4:10

Amu danab nug keeke digmette amu, digmakppa laa ag keeke am nakokib anidtteb, amge ag keeke nakok imunu ena iinab doyak aib dooppig. Aɗinu? Danab ag mettid lag imu haknu plam lain Serubabel eppegppa dayebeb anidna, ag gamag ahak dooglag. Amu lam eblaih aɗit ele amu ag Yawe, Nug ameg eblaih aɗit ele, amuppa Nug keeke oh anidtte amu, lam amu ag amu ippunadtte,” awa anam meɗom.

Matyu 1:20

Josep nug amunu dabmak awewe, tuqan tulppa Naɗinu engel nug gumitta neum. Na amu nug aum. “Josep, Dawit bekka, na Maria ah nahip daakkunu, na nug aokkutnu aib baɗame. Doye! Kayak Ouɗi Nug nukka nid amu mettom.

Matyu 12:20

Danab laa elele iitta, qaittobttob laa wak ele daatte bia, Nug heeb, nauha autanab ii aoma. Ao, danab laa elele iitta daatte, lam qauhkkunu hette bia, Nug heeb iitta ii mema. Nug uɗat heebeb ukkeb, nai doya mala hettoɗia epeɗia elele mettak kobol am elele medakku.

Matyu 18:14

Anam amu, da Mamel, hab attan daatte amu, Nug nid nakok laa padal mekkunu oo ii daatte.

Matyu 18:6

Danab laa nug nid nakok laa, nug dahilnu ooppa genab dootte ele, nug nuhig ooppa genab doyak heeb nauhkku dayeb amu, amuam naunab. Danab amunu amu, nug ii heum haenppa danab ag nug baagppa ee aeg ganuɗaknu men okkai qakkan, maoppeg yuppa noa mauhlo, amuam nakok nau, amge nug dayaya, nid nakok laanu ooppa genab doyak heeb nauhkku, amuam naunab nau.

Matyu 2:13

Ag ukkaeg, Naɗinu engel tulppa Josep amegppa aum. “Na ahan, nid nakok anig ele diiatna, oolna Isip wanppa gona, appa daappe, da na eɗun uɗikkutnu appi doona uɗikkut. Aɗinu? Haen nakokib ukkeb, Herot nug nid nakok mattia antta qekkunu hekku,” awa aum.

Matyu 2:19

Aria, Josep aɗi ag Isip gona daaegeg, Herot nug mauhe, Naɗinu engel tulppa Josep gumitta doum.

Matyu 24:31

Uɗien, trampet gayebeb, da dahilad engel heppi, ag gona, danab ah dahilad da tituanadmi amu aben oh wanppanu, habppanu ele qagmaadna, diin uɗiglag.

Luk 1:19

A amu engel nug oɗeppa awa aum. “Da am Gabriel. Da Kayak noobppa daattem, amu Nug he, da amenppa nai ena imu appi dookkutnu uɗimi.

Luk 10:16

Jesus Nug anam ana, Nug ippunittak awak danab amelagppa aum. “Danab nug ahilag nai dootte amu, nug dahil nai dootte. Am danab nug ag dimadatte amu, nug da dimeɗatte. Danab nug da dimeɗatte, nug laa Nug he da uɗimi ele amu, Nug dimedatte,” awa aum.

Luk 16:22

Am dimppa daɗek danab amu nug mauhom. Mauhe am engel ag nug aon meeg, Abraham ele daapiɗ. Daaeheh amu enub danab nug ele mauhe, ag nug boumppig.

Aposel 10:3

Nug anam heehe amu deɗ laa tueb, aam ameg ewamppa nug tuleglegppa Kayaknu engel laa miag atiak nug gumitta uɗia anttom. Engel nug uɗia, onig diia, “Kornilius,” aum.

Aposel 12:15

“Na kaaka!” aon appig. Amge nug, “Iitta! Da ham-ii-bubuttem,” baubau mattieye, ag baubau appig. “Amu nuhig engel,” aon appig.

Aposel 12:23

Ag anam aeg, Herot nug nai amu doya, Kayak binag ii meum amunu, Naɗinu engel laippun oɗe metta he, gawat beɗu qena laeg, aakku mauhom.

Aposel 27:23

Pol nug anam awowa amu nug tuɗitta aum. “Gemu tuqan imuppa, Kayak, da nuhig dayeye, da Nug noobppa dup noin binag mettem ele amu, nuhig engel nug da gukkuiɗa hibaitta dayaya,

Aposel 5:19

amge tuqan amuppa Naɗinu engel nug maniguittak lag od matula he dimittim doeg, nug amelagppa aum.

Rom 14:10

Ig oh geha Kayaknu hettoɗiak abenppa daagnig amunu, na layap, nug Jesusnu ooppa genab dotte amu, na aɗinu nug epeɗittem? Aɗinu na layapnu keeke hamu bia doottem?

Rom 14:21

Amu kobol elele haknu am inam. Na doɗ teppu lappe, na layap nug na anitta na qekku dayeb, na aib doɗ teppu lame. Amu wainnu ele anam dayeb amu, na aib lame, o keeke laa ele anam dayeb amu na aib heme.

Rom 15:1

Ig danab ig oonigppa genab ɠagattag doottem ele, ihinig uɗat am danab ag oolagppa genab ɠagattag ii dootteb ele ag ehanadkkunignu daatte. Ag akka ahilag uug maoglagnu elele iitta amunu, ig ehanadta, uug ahilag maotu! Amu ig ikka ig aɗi hekkunignu oonig daatte amu, ig ihinig dabmak amuib aib dim lamidta oimut.

1 Korint 11:22

Amu attemu? Ag ee le ele lakkulagnu laulkad iittate? Ag Kayaknu Kristen tamaniak amu keeke hamunab bia doottebte? Ag lailkad laala, ee iitta ele daatteb amu, ag ag anadna ahilagnu dabmak ii aona, uɗa nak nau madattebte? Ag hetteb amu da amunu aɗi akkul? Da ag binalag mekkulte? Iitta! Kobol amunu amu da ag binalag iinab mepa.

1 Korint 16:11

Laa nug nuhignu keeke hamu bia dabmaama aib dimettom! Nug da gumiɗa uɗikkunu ag heppeg, nug ooppa maɗoɗ doyaya, aha uɗiaɗ! Da nug, lailad laa ele oh uɗiglagnu dabmen daattem.

1 Korint 9:22

Amu da danab ɠagattag iitta oolagppa dayeye amu, da danab ɠagattag iitta bia daami. Da danab ɠagattag iitta amu diiadppig, ag Kristusnu oolagppa genab dooglagnu anam hemi. Da am danab oh ag ahilag kobol atten attenppa oitteb amu, da ag diilag amu awe, da ag oolagppan laa ehanatti padal ii memananu uɗat kuɗum heinne daattem.

2 Korint 10:1

Da am Pol. Am danab laala ag nai da beɗulppa yaan, inam aon maditteb. “Nug ig ele daattem haenppa amu, nug nukka onig qe ne, ig ele daattem, amge haen nug piɗe dayaya amu, nug nai ɠagattag ig megatte,” aon atteb. Amge da Pol, da am Kristusnu kobol, Nug nukka Nug binagnu ii dabmaama, Nug dagom kobol, oo bodoettak kobol ele danab dilagppa heum, amubia da ahilagppa hein, nai madippi, ag dahil nai dooglagnu unuqadttem.

2 Korint 10:10

Da attem amunu diig am, danab laala ag dahilnu inam atteb. “Ao, yaak nuhig amuam ɠagattagnab, uug ele amge nug uɗie, ig nug beɗu anidttem am ɠagattag iitta, nuhig nai amu ele bodoettak,” atteb.

Galesia 6:1

O lailad, danab laa nug hipunin laa heeb, ag anidna amu ag danab ag Kayak Ouɗi ele, ag danab amu eɗun aoglagnu nai bodoettak eleppa oo babaitteg! Ag aib nuhignu guhuɗittak kobol heppig. Ag oh anen anen ahilagnu dabmeig! Satan nug ag ele eheɗ hekkulagnu oolag eeɗkkunu daatte.

1 Tesalonaika 4:8

Amunu amu danab nug nai amu dimedatte, nug danab di-ii-medatte. Iitta. Nug Kayak, Nug nuhig Ouɗi ag madatte ele amu, Nug dimedatte.

1 Timoti 4:12

Na am nid bau amunu, danab laa nug nahipnu ena iinab doomanu na enaib oiye! Na mauhnoak aib oime. Iitta! Na nahip nai mattiak, oiyak, oo mauhak, ooppa genab doyak, amu kobol oppiak nahip eleppa, danab ag Jesusnu oolagppa genab dooppig ele, ag nahip kobol amu oh anidna dim lamidkkulagnu elele daaglagnu oiye!

Hibru 1:14

Nug engel laa amegppa anam ii aum. Iitta! Engel ag am ouɗi, ag am Kayaknu uɗat hetteb. Kayak Nug ag gona, danab ⌊ag Jesusnu oolagppa genab dooppig amunu,⌋ ag Padal ii maknu ehanittak aoglagnu daatteb ehanadkkulagnu maatte gotteb.

Hibru 9:24

Amuam Kristusnu mauhakppa beum. Kristus Nug Kayaknu mettid lag ooppa, danab ag eppelagppa heppig ele, Nug amu ooppa ii noum. Iitta! Nug hab aabppanab ukkom amunu, gemu Nug Kayak noobppa miag atia teum dayaya, danab ig ehanikkakka daatte.

Revelesen 8:2

Amu dimppa da engel eblaih aɗit, Kayak noobppa hippaidna daatteb ele amu, da ag anadmi; ag trampet eblaih aɗit ele aakku mattaeg aoppig.