Matyu 17:5 - Nobonob Baibel

⁵ Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum.

Matyu 17:5 ပူးပေါင်းရင်းမြစ်များ

Job 38:1

Elihu nug nai amu mattia male, Yawe Nug ulah ɠagattag ooppanu Jobnu nai am nob ma, Nug mattia aum.

Sam 81:7

Ag uug nauppa daanna, da unuqiɗeg, da ag ehanatti, ag qagaiettakppa ii daappig. Ao, da lombig hinqakppanu ag unuqiɗppignu nai nob mattami. Ge, Meriba appa amu, da ag ma anttak mattami. Sila.

Eksodas 19:19

trampet baag nug okkai me ukke ukke, okkainab meum. Anam heehe amu, Moses nug Kayak amegppa mattie, Kayak Nug baag okkainab, hakkaɗ qak bia, amuppa nob meum.

Aisaia 42:1

Yawe atte. “Antteg! Imuam dahil maɗi nid; da nug haen oh elele daakkunu ɠagattag medattem. Ao, imu amu, da nug tituanmi; da nuhignu enanagnab doottem. Da dahil Ouɗi Nug medappi, dahil maɗi nid nug danab ah oh nai doya mala hettoɗia epeɗia elele mettak kobol ippunadkku.

Aisaia 42:21

Yawe Nug genab tutukku hak kobol aakkuib haen oh hette, amu Nug amunu dabmak anuqak awawa, Nug heeb, ɗo nuhig am binag amahlak oppiaawak ele dayeb, danab ah oh ag dooglagnu oo dayom.

Matyu 12:18

Nai amuam inam. “Imuam dahil maɗi nid, da Nug tituanmi. Da nuhignu ool mauhtte, nuhignu ele enanagnab doottem. Da dahil Ouɗi Nug medappi, dahil maɗi nid nug danab ah oh nai doya mala hettoɗia epeɗia elele mettak kobol ippunadkku.

Matyu 17:6

Awa a amu, ippunittak awak danab ag nai amu doona, ag eheɗ nau baɗan, nena qena, iɗulag wanppa lokkumidna niippig.

Matyu 3:17

Kayak Ouɗi anam ne amu, baag laa hab aabppanu aum. “Imuam da bekkal, da nuhignu ool mauhtte. Nuhignu ele da oolppa enanag doottem,” ewa aum.

Mak 1:11

Kayak Ouɗi Nug ne, baag laa hab aabppanu Jesus amegppa aum. “Na am da bekkal, da nahipnu ool mauhtte. Ele amu, da nahipnu oolppa enanagnab doottem,” awa aum.

Mak 9:7

Ag anam daaegeg, lombig laa ag tonattette, lombig ooppa baag laa inam a dooppig. “Imuam da Bekkal, da nuhignu ool mauhtte. Ag nuhig nai doyeg!” awa aum.

Luk 3:22

Kayak Ouɗi Nug uppuɗil beɗulag nakok laabia nug qaɗeppa ne, baag laa hab aabppanu Jesus amegppa aum. “Na am da Bekkal, da nahipnu ool mauhtte. Ele amu, da nahipnu oolppa enanag doottem,” awa aum.

Jon 3:16

Kayak Nug wanppan danab ah dilagnu oo huana mauhom amunu, Nug Bekka laippunab me uɗiom. Nug me uɗiom amunu, aun nug nuhignu ooppa genab dootte ele, nug padal ii mema. Iitta! Nug bauklel hanhannu aokku.

Jon 3:35

Mame Kayak Nug Bekkanu oo mauhtte amunu, keeke oh Nug eppegppa meum.

Jon 5:37

Aria Mama Nug da meiɗe uɗimi ele amu, Nug dahilnu mattiom, amge ag Nug baag ii dooppig, gemu ele ii dootteb, ag Nug iɗu ele ii anidppig, gemu ele ii anidtteb.

Aposel 1:9

Am Nug nai amu amelagppa ana male, ag neegna daaegeg, Kayak he, Nug attan teum. Teete, lombig laa haute, ag baula Nug ii anidppig.

Aposel 7:37

Amu Moses nugib aakku, nug nai imu Israel amelagppa aum. ‘Kayak Nug geha ahilagppanu danab laa da bia nug propet daakkunu epeɗia meeb, ahilagppa gokku,’ awa aum.

Epesus 1:6

Kayak Nug anam heum, diig amunu nuhig ehanittak okkai hamu mettak, amuam binag amahlak oppiaawak ele amu, ehanittak okkai hamu mettak amu binag aotte. Nug Kristusnu oo mauhtte, amu Nug Kristusnu uɗat okkai ihinignu heum ele amu dabmaama, ehanittak okkai hamu mettak amu oo qak iitta ig mekkom.

Duteronomi 18:15

Yawe, ahilag Kayak, Nug ag ehanadkkunu geha ahilagppanu propet danab laa da bia nug epeɗikku amunu, ag propet amu nug aɗi nai ag amelagppa mattieb amu, ag nug oɗe doyeg!

Duteronomi 18:19

Am inam daakku. Nai dahil danab amu oɗeppanu uɗitte amu, aun laa nug nai amu doyaknu uukku amu, da nug bu medakkul.

Duteronomi 5:22

Yawe Nug baag okkaippa nai amu ag amelagppa mattiom. Aab dittiak, lombig, amu gatatunab ele qaukoppa dayeye, Nug amuppa dayaya mattiom. Nug nai amu aakkuib haen amuppa mattiom. Nug nai nuhig men maha otalappa ele ya, ag mattom.

Kolosi 1:13

Nug ig hipuninnu ɠagattag hippalikkakppanu uhuqikkom. Nug ig eɗua awikka, Nug Bekka Jesus, Nug nuhignu oo mauhtte amu, Nug nuhig ɗo maɗoɗ ooppa daagnignu meikkom.

Hibru 5:9

Jesus Nug uug amu oh mawom amuppa Nug mana mettak ikki danab daakkunu elelenab mettom, amu Nug danab oh nuhig nai dim lamidtteb ele amu, Nug am ahilag ehanatta eɗua diiak hanhannu diig beum daatte.

Revelesen 1:7

Antteg! Nug eɗua lombigppa nekku. Danab oh ag Nug anidkkulag. Yo, danab ag Nug qetti banppa atulppig ele, ag ele Nug anidkkulag. Amu wan ohppan danab ag Nug anidna, ag nuhignu mahiak okkai hekkulag. Ao, keeke amu anam bekku. Genab.

Revelesen 14:14

Aria, da eɗue neekke amu lombig hakkab laappa, da laa danab bekkalag bia, king haɗ golppa hak Nug igippa dayeye, qep aeg ele laa nug eppegppa aɗom amu, nug lombig amuppa dayeye anidmi.