Matyu 17:4 - Nobonob Baibel

⁴ Mattiegeg amu, Pita nug Jesus amegppa aum. “Naɗi, ig aben imuppa daagnignu am enanag amunu, na appe, da peh ewam buukkul; nahip laippu, Mosesnu laippu, amu Elaiyanu laippu ele,” awa aum.

Matyu 17:4 ပူးပေါင်းရင်းမြစ်များ

Sam 16:11

Na bau dayaknu ib da ippuniɗme. Ao, na da ele daattep amunu, da maɗoɗppan gamag ahak okkainab doottem, Ge, haen da na eppen naɗiap-ppa dayeye, da enanag doottem, hanhan anam dookkul.

Sam 4:6

Am danab ah kuɗum ag atteb. “Aun nug ig haen ena ippunigkku?” O Yawe, na ig ele daagnignu, na oot ihinignu ena daakkunu oɗ medattem.

Aisaia 33:17

Amu na anam hekkut dayeb amu, na king ɠagattag okkai naɗi ele, na nug amenppanab anidkkut. Anidna na nuhig wan okkai okkai, tom uma ukkak ele anidkkut.

Sekaraia 9:17

Wan am enanag, neekkak enanag ele daakku. Anam amunu, ee aeg am heeb, nid danab ag enanag bena daaglag. Ao, wain bau am heeb, ah makkun ag enanag bena daaglag.

Matyu 17:3

Anam amahalele amu, Moses, Elaiya ele aa tulai doeh, Jesus ele nai madippig.

Luk 9:33

Moses Elaiya ele aa Jesus uuitteheh, Pita nug Jesus amegppa aum. “Ippunittak danab, ig aben imuppa daagnignu am enanag amunu na appe, ig peh ewam buugnig; nahip laippu, Mosesnu laippu, Elaiyanu laippu ele,” awa aum. Pita nug nai aum amu, nug diig tutukku ii doyaya aum.

Jon 17:24

Mame, danab na da meɗame amu, haen da binag amahlak oppiaawak ele daakkul, haen amuppa ag da ele aben amuppa daagnignu ool daatte. Ag da binag amahlak oppiaawak ele anukka wan ii dayomppa na dahilnu oot mauhom, gemu ele oot mauhtte amunu, na da meɗame amu, ag amu anidkkulagnu ool daatte.

Jon 7:2

Aria Juda dilag Pehppa Dayaknu Hobulnu haen miag do,

Pilipai 1:23

Da keeke amunu ool aɗit ele daattem. Amu da goppi, Kristus ele daagnih, amuam keeke enanagnab, da amunu ool hette.

1 Jon 3:2

O gamalad, gemu ig aakku Kayak bekkod daattem, amge ig geha attem daagnig am miag ii atiom. Amge ig doottem, haen Kristus Nug miag atia beeb, ig Nug bia daagnig. Aɗinu? Ig Nug attemnab daatte anidkkunig.

Revelesen 21:23

Aab okkai amuppa amu aam kalam ele aa aab amu amahlak laa medakkunu ii daattep. Aɗinu? Kayaknu binag amahlak oppiaawak ele am amahlak medatte, amu Sipsip Nag am aab amunu lam daatte.