Matyu 17:3 - Nobonob Baibel

³ Anam amahalele amu, Moses, Elaiya ele aa tulai doeh, Jesus ele nai madippig.

Matyu 17:3 ပူးပေါင်းရင်းမြစ်များ

1 King 17:1

Elaiya nug am propet laa. Nug appag diig am aab onig Tisbe. Aab amuam Gileat wanppa dayom. Haen laappa Elaiya nug King Ahap gumitta ukka, amegppa inam aum. “Yawe, ig Israel, ihinig Kayak, da nuhig maɗi nid daattem, amu Nug genab bau daatte, genab amubia amu, geha gu, baito ele maɗ laala wanppa baula ii nema. Anam dayebeb ukkeb, geha da appi, amu nekku,” awa aum.

Malakai 4:5

Antteg! Da propet Elaiya meppi, ahilagppa uɗikku. Da Yawe, da dahil deɗ naɗi, deɗ amuam deɗ okkai, am deɗ danab antta, ebehi oh bodoetta le mekku amu, deɗ amu ii neebeb, da nug meppi uɗikku.

Matyu 17:2

Appa daanna, Jesus Nug beɗu eɗuom. Beɗu eɗue amu, Nug iɗu am aam amahlak bia amahalele, nuhig lamen amu hakkabnab, amahlak bia dayom.

Matyu 17:4

Mattiegeg amu, Pita nug Jesus amegppa aum. “Naɗi, ig aben imuppa daagnignu am enanag amunu, na appe, da peh ewam buukkul; nahip laippu, Mosesnu laippu, amu Elaiyanu laippu ele,” awa aum.

Mak 9:4

Jesus Nug anam dayeye amu, Elaiya Moses ele aa tulai doeh, Jesus ele nai madippig.

Luk 1:17

Nug Kayaknu propet Elaiyanu hak ɠagattag, ebehi ele, nug amubia awa, Naɗi noob awa, anuqa ukka heeb, danab ag ahilkad nid naunau ele oo mak daaglag. Nug heeb amu, nai tappe nak danab ag oolag eɗueb, ag genab tutukku hak danab dilag doyak dabmak ena ele aon daaglag. Nug heeb, danab ah kuɗum Naɗi uɗikkunu babaittak daaglag,” awa aum.

Luk 16:16

Ɗo nai, amu Kayaknu propet nai ele, anukka danab ag amu mehuqegeg uɗie uɗie, Layattak Jonnu haen batak; amu Layattak Jonnu haenppa uɗie, gemu ele amu ag Kayaknu ɗo maɗoɗnu Nai Ena mehuqtteb. Amu danab oh ag Kayaknu ɗo maɗoɗ amu ooppa nokkulagnu wagai metteb.

Luk 24:27

Nug anam amelahppa awowa, Nug Mosesnu naippa digme ukke, Kayaknu propet oh dilag nai ele nuhignu nai aum niitte amu, Nug amu oh diig mehuqom.

Luk 24:44

Nug amelagppa aum. “Anukka da ag ele daatta, da ag amelagppa dahilnu nai oh Mosesnu ɗoppa, amu Kayaknu propet dilag yaakppa ele, nai amu oh bekkuoitte ami,” awa aum.

Luk 9:33

Moses Elaiya ele aa Jesus uuitteheh, Pita nug Jesus amegppa aum. “Ippunittak danab, ig aben imuppa daagnignu am enanag amunu na appe, ig peh ewam buugnig; nahip laippu, Mosesnu laippu, Elaiyanu laippu ele,” awa aum. Pita nug nai aum amu, nug diig tutukku ii doyaya aum.

Jon 1:17

Yo, ɗo amu ig Moses nuhigppa aomut, amge ehanittak okkai hamu mettak kobol, amu doyak diig genabib ele amu, ig Jesus Kristus nuhigppa aomut.

Duteronomi 18:18

amunu da nai ag amelagppa akkulnu amu, da geha danab laa ag oolagppanu na bia epeɗidkkul. Da geha dahil nai propet amu medappi, nug ag amelagppa nai oh da nug madakkununab appi amu, nug tutukku ab dooglag.

Duteronomi 34:10

Mosesnu haen dimppa propet laa Israel oolagppa Moses bia am iitta. Am Yawe, Moses ele, aa nug amegppanab nai madipiɗ