Matyu 17:27 - Nobonob Baibel

²⁷ amge ag oolag nauhmanu, Pita na gona, le amegppa huk ena, kakai tatam aokkut amu oɗe haqana, na men doɗo anidkkut. Anidna aon, ihinih takis amuppa hekkut,” awa aum.

Matyu 17:27 ပူးပေါင်းရင်းမြစ်များ

Genesis 1:28

Haatowa amu, Kayak Nug itatata aum. “Aa appatpeɗ, aa buɗulti atu oh tonan malan, daan oiyeg! Oinna, ag keeke oh, doɗ dakkuɗ, aabppanu doɗ, doɗ naunau, kakai, ai oh ele, ag amu oh gumatteg!” awa aum.

1 King 17:4

Daanna, na le amu labeppe, da ai alɗal amelagppa haknunab ami amunu, ag ee lakkutnu aon uɗin mettaglag,” awa aum.

Sam 8:8

ai hagagaɗna oitteb, kakai yuppanu, amu doɗ laa oh yuppa daanna oitteb ele. Na amu oh ag waalagpa daaglagnu hattame.

Jona 1:17

Ag anam heppig, amge Yawe Nug kakai naɗi he uɗia, Jona awa, kunum toppua ukke, Jona nug kakai ooppa noa, deɗ ewam, tuqan ewam ele anam dayom.

Jona 2:10

Jona nug anam unuqitte, aakku Yawe he, kakai nug Jona abuɗppa kele teum.

Matyu 17:26

Nug anam a amu Pita nug aum. “Ag gumadtteb dilagppan aotteb,” awa aum. Nug anam a amu Jesus Nug oɗeppa awa aum. “Anam amu, ag bekkalkad dilagppa amu ag takis ii aotteb. ⌊Da am Kayak Bekka amunu, da takis imu ii helom,⌋

Matyu 18:6

Danab laa nug nid nakok laa, nug dahilnu ooppa genab dootte ele, nug nuhig ooppa genab doyak heeb nauhkku dayeb amu, amuam naunab. Danab amunu amu, nug ii heum haenppa danab ag nug baagppa ee aeg ganuɗaknu men okkai qakkan, maoppeg yuppa noa mauhlo, amuam nakok nau, amge nug dayaya, nid nakok laanu ooppa genab doyak heeb nauhkku, amuam naunab nau.

Matyu 18:8

Amunu na eppen o baen nug he, na hipunin hettem dayeb amu na eppen o baen laih amu okkulna maoppe ukkaɗ! Na baen o eppen laihigib ele daanna, bauklel aokkut amuam ena. Amge na eppen o baen aɗit oh ele daakkut, ag na mawidppeg aab aɗu ii qauha, hanhan eotteppa gokkut am ena iitta.

Matyu 5:29

Amunu na amen naɗiap he, na hipunin hettem dayeb amu, na amen kehan, maoppe ukkaɗ! Na beɗun laih iitta ele dayebeb, ag na padal mak abenppa ii meidppeg am ena. Na beɗun oh ena dayebeb, padal mak abenppa gokkut am ena iitta.

Matyu 5:30

O na eppen naɗiap he, na hipunin hettem dayeb amu, na okkulna, maoppe ukkaɗ! Na beɗun laih iitta ele dayebeb, na padal mak abenppa ii meidppeg am ena. Na beɗun oh ena dayebeb, padal mak abenppa gokkut am ena iitta.

Mak 9:42

Danab laa nug nid nakok laa, nug dahilnu ooppa genab dootte ele, nug nuhig ooppa genab doyak heeb nauhkku dayeb amu, amuam naunab. Danab amunu amu, nug ii heum haenppa danab ag nug baagppa ee aeg ganuɗaknu men okkai qakkan, maoppeg yuppa noa mauhlo, amuam nakok nau, amge nug dayaya, nid nakok laanu ooppa genab doyak heeb nauhkku, amuam naunab nau.

Mak 9:43

Na eppen he, na hipunin hettem dayeb, na eppen laih amu okkule! Na eppen laihigib ele daanna, na haen oh bauklel daakkut, amuam ena. Amge na eppen aɗit oh ele daanna, padal mak abenppa gokkut, amuam ena iitta. Appanu aab amu, nug ii qauhtte.

Luk 17:2

Amu laa nug heeb, nid naunau imunu laippu laa nug hipuninppa na qeeb amu, danab he na qeum ele, laa ag nug ii heum haenppa nug baagppa ee aeg ganuɗaknu men qakkan, maoppeg yuppa noa mauhlo, amuam nakok nau, amge nug dayaya, nid nakok laanu ooppa genab doyak heeb nauhkku, amuam naunab nau.

Jon 6:61

Ag anam appig, amge Jesus Nug ippunittak awak danab, ag akka akka nuhig nai mattiak amunu ag oolagppa elele ii daye, nai kuɗum madippig amu, Nug nukka ooppa matunab doyom amunu, Nug ag amelagppa aum. “Ag nai amu aoglagnu elele iite dootteb?

Rom 14:21

Amu kobol elele haknu am inam. Na doɗ teppu lappe, na layap nug na anitta na qekku dayeb, na aib doɗ teppu lame. Amu wainnu ele anam dayeb amu, na aib lame, o keeke laa ele anam dayeb amu na aib heme.

1 Korint 8:13

Anam amunu da doɗ teppu ag main, kayak hambuppuak medappig ele, da amu lappi, kobol amunu da layal nug hipunin hekku dayeb amu, aria da doɗ teppu amu baula ii lapa. Da hanhan amu dimetten oippi ukkeb, wan haen iitta mekku. Aɗinu? Da heppi, layal nug hipunin hemanu dabmettem.

1 Korint 8:9

Amge keeke ag akka ahilag dabmakppa ag amu hekkulagnu elele dootteb amu, amuppa ag laala Kayaknu kobol oh ii dooppig ele amu, ag ag eeɗadppeg, hipunin ibppa gomananu ag dabmeig!

2 Korint 6:3

Ig uɗat imu hetata daattem amu, danab ag ig anigna, uɗat imunu eheɗ doomnanu amu ig oiyak ihinig atognotata, danab ag ib apiɗidna nena qekkulagnu kobol laa ii hettem.

2 Korint 8:9

Ag ihinig Naɗi Jesus Kristusnu ehanittak okkai hamu mettak kobol dootteb. Nug am keeke oh Mameg, amge Nug ag ehanadkkunu ha, Nug keeke iitta ele dayom. Nug ha, keeke iitta ele dayomnu diig am, amuppa ag Kayak noobppa enub danab daaglanu elele.

1 Tesalonaika 5:22

Keeke eheɗ oh, ag dimatteg!

Jems 2:5

O lailad, ag doyeg! Danab ag wanppan danab oh noolagppa daɗek daatteb ele, danab amu Kayak Nug ag ooppa genab doyak ɠagattag aɗan oiglagnu, ag nuhig ɗo maɗoɗ ooppa, Kayak Nug danab ag nuhignu oolag mauhtte ele ag aguppa daaglagnu nai qakka aum amu, ag amu ooppa daaglagnu tituanattom daatteb.