Matyu 17:25 - Nobonob Baibel

²⁵ Ag anam oɗ mettaeg amu Pita nug, “Yo,” awa aum. Nug anam ana, lag ooppa no, amu Jesus Nug tatam Pita oɗ mettom. “Saimon, na attem doottem? Wan imuppanu king ag aun toppanu takis aotteb? Ag bekkalkad, amu dilagppa aottebte? O iitta danab ah gumadtteb ele, ag amu dilagppan aottebte?” awa aum.

Matyu 17:25 ပူးပေါင်းရင်းမြစ်များ

Matyu 17:26

Nug anam a amu Pita nug aum. “Ag gumadtteb dilagppan aotteb,” awa aum. Nug anam a amu Jesus Nug oɗeppa awa aum. “Anam amu, ag bekkalkad dilagppa amu ag takis ii aotteb. ⌊Da am Kayak Bekka amunu, da takis imu ii helom,⌋

Matyu 22:17

amunu, na keeke imu appe doognig. Na attem doottem? Ig takis Sisar mettagnig am kobol tutukku, o kobol tutukku iitta?” aon appig.

Matyu 22:19

Men doɗo takisnu laa ippuniɗppeg anttei!” awa aum. Awa a, ag men doɗo laa, onig Danarius, ag amu aon doppig.

Matyu 22:21

Jesus anam oɗ matte amu, ag “Sisarnu,” aon appig. Ag anam aeg, Jesus ag amelagppa aum. “Aria, ag Sisarnu keeke Sisar mettaglag, amge Kayaknu keeke ag Kayak metteg!” awa aum.

Matyu 3:15

A amu Jesus oɗeppa awa aum. “Iitta. Gemu amu na da ami bia hekkut. I amuppa kobol tutukku oh elele mettagnih,” awa aum. Awa a amu Jon nug Jesus oɗe dim lamittom.

Luk 20:22

amunu, na keeke imu appe doognig. Na attem doottem? Ig takis Sisar mettagnig am kobol tutukku o kobol tutukku iitta?” aon oɗ medappig.

1 Samuel 17:25

Amu ag akka ag nai mattin inam appig. “Danab umu antteg! Nug haen oh uɗia, guhig ahaknu nai ig Israel, ihinignu ette. King Saul nug danab laa nug nob, Pilistia danab amu ele ban heya, qeeb mauhkku ele amu, Saul nug danab amu en okkainab mettowa, amu nug aɗeg danab amu wau daakkunu ele danab amu medakkunu nai qakka ana, nug geha ɗo laa meeb, danab amu nug Pilistia danab amu qeeb mauhkku amu, nug mameg baekkudppa amu, ag am Israel wanppa takis ewaknu ii dabmemananu ele atte.” Israel ban danab ag nai amu madippig.