Matyu 17:23 - Nobonob Baibel

²³ ag heppeg da mauhkkul. Mauhppi, deɗ ewamppa Kayak heeb, da eɗue hippaidkkul,” awa aum. Nug anam a, nuhikkud ippunittak awak danab ag oolagppa uugnab dooppig.

Matyu 17:23 ပူးပေါင်းရင်းမြစ်များ

Sam 16:10

Aɗinu? Na geha da ii uuiɗmana amunu, da mauhak daatteb abenppa ii daapa. Ao, geha na nahip Laa Oppiaawak Ele, na nug ii uuidmana amunu, Nug beɗu ii nauhma.

Sam 22:15

Hinai ooppa le qaɗaietta, le nakok laa iinab daatte bia, da oolppa ɠagattag iittanab. Am danab le iittanu mauhkkunu heehe, lemaɗu oɗe qataqette, amubia da mauhkkulnu male daami. Ge, na hee, da danab beɗu gai-iittanab dayaya, gappudppa niiaya, mauhkkunu hette bia, da mauhkkulnu hettem.

Aisaia 53:7

Laa ag nug eheɗ hettan, guittak medappig, amge nug nai laa ii mattiom. Ao, danab nug sipsip qekkunu omala, qaaknu abenppa ugekke, sipsip ii gaatte amu, amubia nug eheɗ ag nuhigppa heppignu nai laa ii mattiom. Ge, danab nug sipsip nag uɗig otaɗeɗe, sipsip nug ii gaatte, amubia ag nuhignu nau heppignu oɗe qamuta, toetta dayom.

Daniel 9:26

Amge haen maha 62 amu dimugppa ⌊huu laa⌋ ag heppeg, laa king daakkunu goɗen gokkaɗakppa tituanak ele, nug king ii daama, nuhig ehanittak laa ele ii daama. Wan laappan okkai, dimppa aha amu, nug nuhikkud daup ele ag uɗin, Jerusalem, Kayaknu mettid lag ele heppeg nauhkku. Ag le ui uɗia keeke he nauhtte, amubia ag Jerusalem, Kayaknu mettid lag ele heppeg nauhkkulah. Aria, amu dimppa ukkeb ukkeb, gog tak haen batak amu, ban hak, keeke heeb nauhak ele daakku.

Sekaraia 13:7

Yawe Nukka Ɠagattag Oh Ele Nug atte. “Qep elab, na ahan, dahil sipsip gumak danab qe! Ge, qep elab, na danab da gukkuiɗak daatte ele qe! Qep elab am sipsip gumak danab qeeb amu, sipsip, ⌊dahilad danab ah amu,⌋ ag oolna, matatun gokkulag. Anam, amge da dahiladnab sipsip gumak danab sipsip nakkud bekkadtte bia atognoadkkul.

Matyu 16:21

Haen amuppa Jesus Nug digma, Nug ib laa iitta, Nug Jerusalem ukkeb, appa Juda dilag ikki danab, mana mettak danab okkai, amu ɗo mehuqak danab ele ag heppeg, Nug guittak kuɗum dookku, ag qeppeg mauhkku, deɗ ewam uueb Kayak heeb, Nug eɗua hippaidkku amu, Nug nuhikkud ippunittak awak danab amelagppa aum.

Matyu 17:9

Ag anam hewona, ahan qaukoppanu nenana, Jesus Nug ippunittak awak danab, ag keeke anidppig amunu mattimnanu ɗo ma, amelagppa inam aum. “Ag danab laippu laa amegppa kobol anidppig amunu aib madippig! Ag anam daappeg ukkeb, Danab Bekkalag da, da eɗue mauhakppanu hippaidppi ag mattiglag,” awa aum.

Matyu 20:19

ag iitta aɗi eppelagppa meiɗkkulag. Meiɗppeg, ag aon aon iuna, bu qaun eleppa eheɗ mataɗilna, ad emaitakppa atuliɗkkulag. Ag anam atuliɗppeg mauhe, deɗ ewamppa, Kayak heeb, da eɗuen hippaidkkul,” awa aum.

Matyu 27:63

Qagmena ag appig. “Naɗi, ig hambuppuak danab amu, nuhig nai laa daunigppa doum. Nug bau dayaya Nug, ‘Deɗ ewam ukkeb, da eɗue hippaidkkul,’ aum

Mak 8:31

Aria, haen amuppa Jesus, Nug am Danab Bekkalag, Nug digma, Nug ib laa iitta, Nug guittak kuɗum dookku, Juda dilag ikki danab, mana mettak danab okkai amu ɗo mehuqak danab ele ag geɗidna, ag ⌊heppeg, laa ag⌋ qeppeg mauhkku, deɗ ewam uueb Kayak heeb, Nug eɗua hippaidkku, Nug nuhikkud ippunittak awak danab amelagppa aum.

Mak 9:30

Ag anam hewona amu ag ahan nona, Galili wanppa Kaperneam gokkulagnu gonana, Jesus Nug danab laa nug Nug adeppa daatte dookkunu oo ii dayom.

Jon 16:6

Da nai mattimi, diig amunu ag oolagppa oo doyak okkainab aotteb.

Jon 2:19

Aeg amu, Jesus Nug ag oɗelagppa awa aum. “Ag Kayaknu mettid lag imu heppeg nauheb, da deɗ ewam ooppa da eɗue bappaidkkul,” awa aum.