Matyu 17:18 - Nobonob Baibel

¹⁸ Nug anam a, ag omalna doeg, Jesus Nug ouɗi nau nid amu uuitta gokkunu haknunab a, nug nid uuitte, amu geha aakku nid beɗuppa oɗe amu iitta meum.

Matyu 17:18 ပူးပေါင်းရင်းမြစ်များ

Matyu 12:22

Haen amuppa danab ag danab laa omalna, Jesus, nuhigppa uɗippig. Danab amu nug am ouɗi nau ele, nug oɗetup, ameg gaɗuak ele. Ag aon doeg, Jesus Nug he ena daya, qamutak amu nai mattiaya, ameg obate, neekkom.

Matyu 15:28

Anam a amu Jesus Nug oɗeppa awa aum. “Ah, nahip ooppa genab doyak am okkainab! Keeke na oot aum, nahip-ppa anam bekku,” awa aum. Jesus Nug anam a amu, aam ameg amuppaib nid ahin nuhig eɗua ena dayom.

Matyu 17:17

Nug anam a amu, Jesus Nug oɗeppa awa aum. “Ag oh oolagppa genab doyak iitta. Ag eheɗ haknu ag tiilagppa daatte! Da ag ele haen elab daamut, amge ag dahilnu oolagppa genab ii dootteb amunu, da ool uug ele. Ag haen ganeb ag dahilnu oolagppa genab dooglag? Ag nid omalna dahilppa doig!” awa aum.

Matyu 17:19

Jesus Nug anam he amu, ippunittak awak danab ag akkaib dona, Jesus oɗ medappig. “Aɗinu ig ouɗi nau amu lamidkkunignu elele iitta?” aon appig.

Matyu 9:22

Lauɗitte amu, Jesus Nug eɗua neekka antta, amegppa aum. “O aɗel, na ootppa ɠagattag doye! Na ootppa genab doome amunu, na ena daattem,” awa aum. Awa a, haen amuppaib ah nug ena dayom.

Mak 1:34

Jesus Nug oɗe danab kuɗum, ag oɗe digdig ele bappalattatta, laa ouɗi nau ele amu, Nug ouɗi nau amu lamattom. Lamattom amge, ag Nug dooppig amunu, Jesus Nug he, ag amunu ii appig.

Luk 4:41

Ele amu Jesus Nug he, ouɗi nau ag danab ah uuadna, “Na amu Kayak Bekka,” ana enan goppig. Amge ag Nug dooppig, Nug am Kristus amunu, Nug ag baula mattimnanu ag amelagppa, “Aib!” a, ag oɗelag qamutppig.

Luk 9:42

Nug anam a amu nug nid amu awa, Jesus toppa doodo, ouɗi nau am nid buɗie, na qa, wanppa hahaɗom. Nug anam heum, amge Jesus Nug ouɗi nau nid amu uua gokkunu haknunab ana he, nid ena daye, awa eɗua, mameg mettom.

Aposel 16:18

Nug kobol amu deɗ kuɗum he ukke ukke, Pol nug ooppa guittak doya, nug eɗua ouɗi nau amegppa aum. “Jesus Kristus onigppa na nug uuidkkutnu haknunab attem!” awa aum. Anam a amu ouɗi nau geha aakku nid ahin amu uuitta ukkom.