Matyu 17:17 - Nobonob Baibel

¹⁷ Nug anam a amu, Jesus Nug oɗeppa awa aum. “Ag oh oolagppa genab doyak iitta. Ag eheɗ haknu ag tiilagppa daatte! Da ag ele haen elab daamut, amge ag dahilnu oolagppa genab ii dootteb amunu, da ool uug ele. Ag haen ganeb ag dahilnu oolagppa genab dooglag? Ag nid omalna dahilppa doig!” awa aum.

Matyu 17:17 ပူးပေါင်းရင်းမြစ်များ

Sam 95:10

Danab amu ag maɗ 40 anamib heegeg, da ahilagnu ool nauhehe daami. Ao, da anam daye, da ami. ‘Danab ah imu ag haen oh dahil ib apiɗidna oitteb. Ge, ag dahil kobol ii doyadppig, gemu ele ii doyadtteb.’

Eksodas 10:3

Yawe Nug anam a, Moses, Aron ele aa Paro gumidya goya, aa nug amegppa inam apiɗ. “Yawe, Nug ig Hibru, ihinig Kayak, Nug atte. ‘Na nai dahil tappae neene, da waalppa ele ii daanna, anam henan daattem; amu na haen gane laa ele ukkeb, na kobol amu uukkut? Da attem! Na danab ah dahilad amu paɗadppe, ag gona, da noolppa dup nona binal meig!’ ” awa aum.

Eksodas 16:28

Ag anam heeg amu, Yawe Nug Moses amegppa aum. “Ag dahil nai, dahil haknunab anak ele dim ii lamidtteb; amu haen gane laa ele ukkeb, ag kobol amu uuglag?” awa aum.

Prowerb 1:22

Nug atte. “Ag danab ah ag doyak ii awak ele, haen gane laa ele ukkeb, ag doyak ii awak kobol ahilag uun oiglag? Ao, ag danab ah ag awa awa qettak nai mattiglagnu enanagnab dootteb ele amu, haen gane laa ele ukkeb, ag kobol amu uuglag? Ge, ag danab ah ag Kayaknu ii dabmena, ii dim lamidtteb ele, ag doyaknu nau ninig ele dootteb amu; haen gane laa ele ukkeb, ag kobol amu uuglag?

Prowerb 6:9

Na danab bahin iittanab ele amu; haen gane laa ele ukkeb, na anam niinna daakkutnu uukkut? Ao, na haen ganeb niiakppanu ahakkut?

Aisaia 19:14

Yawe he, Isip dilag danab okkai, ulum mettak danab aɗi, ag ahilkad dabmak kaboliak daatte amunu, ag heeg, Isip danab ah ag oiyak ahilag am ukka nauha auta awe, ag keeke tutukku laa ii hetteb. Ag am danab le ɠagattag huan la, kaaka qe bahowa, gokkunu haaha, eheɗ oiyaya, bahomppa tappa, na qekkunu haaha oitte, Isip ag anam hetteb.

Jeremaia 4:14

O Jerusalem danab ah, Juda danab ah ele, ag oolag dubuttid ele amunu, ag padal ii memananu, ag ehanittak aoglagnu, ag dubuttid amu oppieg! Ag nau hekkulagnu dabmak aɗan daatteb; amu haen gane laa ele ukkeb, ag dabmak amu uuglag.

Namba 14:11

Ag antteg amu, Yawe Nug Moses amegppa aum. “Danab ah imu ag dahilnu, ‘Keeke hamunab,’ dootteb; amu haen gane laa ele ukkeb, ag dabmak amu uuglag? Da ag oolagppa dahilnu dabmettaknu kobol danab haknu elele iitta iɗu iɗu hattami, amge ag dahilnu oolagppa genab ii dootteb. Amu haen gane laa ele ukkeb, ag dabmak amu uun, ag dahilnu oolagppa genab dooglag?

Namba 14:27

“Danab ah nau imu ag da hettemnu haen kuɗum naittuɗ meegeg uɗie, gemu ele hetteb; amu haen gane laa ele ukkeb, ag amu hak uuglag. Israel danab ah imu, ag am naittuɗ mak danab ah, da ahilag naittuɗ mak amu doomi.

Matyu 13:58

Amu appa Nug oɗe danab kuɗum ii bappalattom. Aɗinu? Ag oolagppa genab ii dooppig.

Matyu 16:8

Aeg, Jesus Nug ag aɗi nai am mattiegeg doya, Nug aum. “O danab, ag oolagppa genab nakokib dootteb ele, ag akka akka aɗinu bret iittanu nai maditteb?

Matyu 17:16

Amunu da nug awe, ippunittak awak danab nahipad gumatte gomi, amge ag heppeg ena daakkunu elele iitta,” awa aum.

Matyu 17:18

Nug anam a, ag omalna doeg, Jesus Nug ouɗi nau nid amu uuitta gokkunu haknunab a, nug nid uuitte, amu geha aakku nid beɗuppa oɗe amu iitta meum.

Matyu 6:30

Ag antteg! Gikkiɗah gemu hippaitta daatte amu, butti ag okkulna, aab aɗuppa maoppeg tekku. Gikkiɗah am keeke hamu bia, amge Kayak Nug bala medatte amunu, ag tutukku doyeg! Kayak Nug ag ele genabnab dabmadakku. Ag oolagppa genab nakokib dootteb.

Matyu 8:26

Ag anam aeg amu, Jesus Nug aum. “Ag aɗinu anam baɗatteb? Ag oolagppa genab nakokib dootteb.” Nug anam awowa, Nug aha, ulah le ele dilahnu, aa anam hemayanu amelahppa a, ulah nug iitta me, le ele toetta, manin niiom.

Mak 16:14

Dimppa amu Jesus Nug ippunittak awak danab 11 ag ee lanana daaegeg, Nug tula gumatta wana, Nug ag ooppa genab doyak iitta daanna, ag laa ag Nug eɗua hibaittom dimppa anidna, ag amelagppa appig, amge ag oolagppa genab dooglagnu uun, ahilag dabmak amu ɠagattag eppom, Nug amunu daulag batom.

Mak 9:19

Danab nug anam a amu, Jesus Nug oɗeppa awa aum. “Ag oh oolagppa genab doyak iitta. Da ag ele haen elab daamut, amge ag dahilnu oolagppa genab ii dootteb amunu, da ool uug ele. Ag haen ganeb ag dahilnu oolagppa genab dooglag? Ag nid omalna dahilppa doig!” awa aum.

Luk 24:25

Aa anam aeh, Jesus Nug amelahppa aum. “Aa am danab dabmak tutukku iitta ele. Kayaknu propet ag nai amu mehuqppig, amge aa paha oolahppa genab dooglahnu ii hettep,” awa aum.

Luk 9:41

Anam a amu Jesus oɗeppa awa aum. “Ag oolagppa genab doyak iitta. Ag eheɗ haknu ag tiilagppa daatte. Da ag ele haen elab daamut, amge ag dahilnu oolagppa genab ii dootteb amunu, da ool uug ele. Ag haen ganeb ag dahilnu oolagppa genab dooglag? Na nid nahip omalna do!” awa aum.

Jon 20:27

Nug anam awowa, Nug Tomas amegppa aum. “Na eppen doɗoppa da eppel nakok aɗan, amenppa ele da eppel antte! Na eppen bahin, da qettil ele nakok aɗe! Na ooppa genab ii doyak danab bia aib heme. Iitta! Na ootppa genab doye!” awa aum.

Aposel 13:18

Nug eɗua diia uɗieye amu, atu taɗakppa nug ahilag hak nau amu maɗ 40 Nug mawom.

Aposel 2:40

Am Pita nug nau aomnanu dabmettak nai kuɗum laa ele nai mattiaya unuqattatta amelagppa inam aum. “Ag lailkad ag kobol nau hetteb, amubia ag aib heppig. Iitta! Ag oolag eɗueb, Kayaknu ehanittak aweg!” awa aum.

2 Korint 11:1

Ag da dabmeɗappeppeg, da nai hamu madikkulnu hettem imu amu, ag amu doobppeg, ag oolag ii nauhmanu ool daatte. Ag dooglagnuib dabmekkulag.

Duteronomi 32:5

Amge Israel danab ah ag nuhignu amu, ag Nug dimettan, ii dim lamidna oitteb. Ge, ag anam hena oinna, ag genab nuhig nid daattebte? Iitta! Ag hambuppuak hak danab, ag kobol kaliak amu dim lamidtteb.