Matyu 17:1 - Nobonob Baibel

¹ Deɗ eblaih laippu uue, Jesus Nug Pita, Jems, Jon ele, ag omalatta, qauko okkai laappa te, ag akka daappig. Jems, Jon ele amu, aa am eamag.

Matyu 17:1 ပူးပေါင်းရင်းမြစ်များ

Matyu 17:2

Appa daanna, Jesus Nug beɗu eɗuom. Beɗu eɗue amu, Nug iɗu am aam amahlak bia amahalele, nuhig lamen amu hakkabnab, amahlak bia dayom.

Matyu 26:37

Nug anam ana amu, Nug Pita am Sebedi bekoɗ aɗit ele aakkuib diiatte, Nug ele goppig. Gona amu, Nug ooppa guittak nau, uugnab ele doyom.

Mak 13:3

Aria, Jesus Nug aakku Kayaknu mettid lakkanu aha noa, Olipnu qaukoppa ta, heɗep na dayeye amu Pita, Jems, Jon amu Andru ele ag akka gumidna gona,

Mak 5:37

Nug anam awona, Nug danab ah laa oh amu nuhikkud ippunittak awak danab ele ag dim lamidmananu, “Aib,” aum. Amu oh oolagppanu nuhikkud ippunittak awak danab ewam, Pita, Jems amu Jon ele aakkuib Jesus ele Jairus laugppa goppig. Jems, Jon ele, aa am eamag.

Luk 8:51

Aria, haen Jesus Nug ikki danab Jarius laugppa ukka, Nug Pita, Jon, Jems, nid mameg anig ele aakkuib diiatte, Nug ele lag ooppa noppig. Laa oh ag lag ooppa nokkulagnu aib aum. Nug lag ooppa noa, Nug danab ah ag nid amunu oolag doye, mahinna, qanak ele henan daaegeg anatta, Jesus Nug ag amelagppa aum. “Ag aib gaappig! Nug ii mauhom, nug niitte,” awa aum. Jesus Nug anam a amu ag imidppig. Aɗinu? Ag dooppig, nid ahin nug mauhom.

2 Korint 13:1

Gemu da haen ewam batak aakku ag gumatte gokkulnu hettem amunu, Kayak naippa nai inam daatte, ag dooglagnu attem. “Danab laa beɗuppa nai yaaglagnu dayeb amu, aɗi heehe anttomnu mattiak danab aɗit o ewam, ag danab laa eheɗ heum appeg amu, nai amunu am genab doyeg! Laippuib ab amu, ag genab bia aib dooppig.” Da goppi, ag ig ele nai laala ib amuppaib bappaidkkunig.

2 Pita 1:16

Ig kaya, hamu doyaknu am ittag qak ele, auntai laa nug nukka, nuhig dabmakppa he beppig amu, ig kaya amu laa aot, ihinig Naɗi Jesus Kristus, Nug wanppa uɗiom, Nug am ɠagattag ele, ig amunu ag amelagppa ii mattimut. Iitta. Ig amenigppanab, Nug am danab dagom onig ɠagattag ele anidmut, amu ig amunu ag amelagppa mattimut.

2 Pita 1:18

Ig Nug ele qaukoppa daamut amunu, ig baag amu hab aabppanu neene doomut. Qauko amuam Kayaknu tituanak daatte.