Matyu 16:27 - Nobonob Baibel

²⁷ Danab Bekkalag da, da Mamelnu binag amahlak oppiaawak ele uɗippi, engel ele uɗignig, amu haen amuppa da danab ah dilag hak, amu nob eɗue madakkul.

Matyu 16:27 ပူးပေါင်းရင်းမြစ်များ

Job 34:11

Amuam genab daattenu diig am, Nug danab aɗi kobol hette amu, Nug kobol amunu nob danab amu medatte. Ao, danabnu hak attem daatte, hak amunu nob elele aakkuib Kayak medatte.

Sam 62:12

Ge, O Naɗi, oo mauhaknab kobolnu diig am naib. Am genab, na danab anen anen aɗi hetteb anidnana, ag nob tutukku madattem.

Prowerb 24:12

Na ⌊hambuppuna⌋, “Ig amunu aɗitai laa ii doomut,” akkut dayeb; Kayak, Nug danab oh dilag dabmak anidtte, Nug nahip nai amu, am nai tutukku iitta iite dootte? Kayak, Nug na ehanitte, na bau daattem, Nug nahip hak iite dootte? Ao, Nug geha danab anen anen ag aɗi heppig, Nug amunu nob iite madakku?

Eklisiastis 3:17

Da amu antten, da oolppa inam dabmemi. “Kayak Nug aɗi hekkunu haen tituanom daatte. Ao, Nug aɗi hette am haen ele amunu, Nug genab tutukku hak danab, nau hak danab ele hettoɗiak abenppa maadkku.”

Jeremaia 17:10

Anam, amge Yawe Nug atte. “Da Yawe, da danab, nuhig hak aɗi ippuniɗtte amu, da amu dabmein, nob tutukkuib medakkulnu, da nuhig kobol aɗi ippuniɗtte amu, da amu ele dabmein, nob tutukkuib medakkulnu, da danab oolag unuqag andette, da ahilag dabmak ele anidttem.

Jeremaia 32:19

Amu na doyak dabmak ena okkai ele nahip-ppa, ɠagattag okkai nahip-ppa ele kobol danab haknu elele iitta hettem. Na danab oh neekkadna, ag aɗi aɗi hetteb amu, na ahilag hak amuppa na ag epeɗiadna, nob eleleib madattem. Laa na ahilag hak anidna, na nob ena madattem, laa na ahilag hak anidna, na nob nau madattem.

Esekiel 18:20

Danab aun nug hipunin hette ele, nug mauhkku. Laa nuhig abenab ii awa mauhma. Laa beɗuppa aab laa daatte ele amu, aab amuam nug bekka beɗuppa ii daama. O aab laa bekka beɗuppa daatte amu, aab amu nug mameg beɗuppa ii daama. Genab tutukku hak danabnu kobol genab tutukku ele, am nug beɗuppaib daakku. Danab nau, nau hette ele amu, nau hak amunu aab am nug beɗuppaib daakku. Laa beɗuppa ii daama.

Esekiel 7:27

Israel dilag king ele, nug oo uug naunab doya, mahikku. Anuqak danab ag ele uug nau doon, ‘Dimppa haen laappa ig eɗut ena daagnig,’ iinab dabmemana. Israel wanppan danab laa oh ag baɗan, hahaɗkkulag. Ag eheɗ heppig amu, da amunu nob eleleppa madakkul. Ag heppig, melemel amuppa da bu madakkul. Da anam heppi, ag da am Yawe dooglag.” Yawe Nug anam awa aum.

Daniel 7:10

Le noa gotte, amubia Nug dayomppa aab aɗu le bia, noa ukkom. Engel tausen gane ag Nug ehanidna daaegeg, milion gane ag Nug noobppa daappig. Nug he, laa ag hettoɗiakppa epeɗiak danab daaglagnu daappig ele, ag heɗep nena daaegeg, ⌊ag epeɗiak uɗat hekkulagnu⌋ laa buk kolattom. ⌊Buk amuppa danab ah ag attem attem wanppa daanna heppignu nai am daatte.⌋

Sekaraia 14:5

Oolnu noak amuam ukka, Asal batakku amunu, ag Juda danab ah ⌊diia ii ukkak ele,⌋ ag oolnu noak amuppa oolna gokkulag; anukka ag Juda dilag king Usianu haenppa mim ne oolppig, amubia ag oolna gokkulag. Amu dimppa amu Yawe, dahil Kayak, Nug uɗikku; Nug nuhikkud, ag nuhignu tituanak daatteb amu, Nug ag oh ele uɗiglag.

Matyu 13:41

Danab Bekkalag da, da dahilad engel heppi, ag gona, danab Kayaknu ɗo maɗoɗ ooppa daatteb ele, ag oolagppanu wannu etetuab nau, ig eeɗigtteb ele, amu oh amu aria danab ag kobol eheɗ hetteb ele, ag qagmaadna diin,

Matyu 13:49

Amubia gog tak haenppanu deɗ am anam aakku bekku. Engel ag nena, danab nau ag genab tutukku hak danab oolagppa daatteb qagmaadna,

Matyu 24:30

Haen amuppa amu Danab Bekkalag da, dahil epponak keeke habppa bekku. Beeb amu wanppanu danab ah oh gaaglag. Gaappeg, Danab Bekkalag da, da lombig hab waappa daatteb, da lombig amuppa ɠagattag okkai, binag amahlak oppiaawak ele uɗippi aniɗkkulag.

Matyu 25:31

Jesus Nug anam ana Nug nai tuɗitta aum. “Dimppa haen Danab Bekkalag da, da binal amahlak oppiaawak ele uɗippi, engel oh ele uɗignig, haen amuppa da sia king binag amahlak oppiaawak ele dahilppa daakkul.

Matyu 26:64

Nug anam a amu, Jesus Nug oɗeppa awa aum. “Na ame. Amge da ag amelagppa attem. Dimppa Danab Bekkalag da, da Kayak Ɠagattag Oh Ele eppeg naɗiap-ppa daabppi aniɗna, amu ele ag lombig hab waappa daatteb, da lombig amuppa dayeye uɗippippi aniɗkkulag,” awa aum.

Matyu 8:20

A amu, Jesus Nug ɗo mehuqak danab amegppa aum. “Doɗ laa onig foks, biun bia, ag wan oɗeppa niiaknu aben ele, ai ag ele teɗ ele, amge Danab Bekkalag da amu, da niiaknu aben laa iitta,” awa aum.

Mak 14:62

Nug anam oɗ mette amu Jesus Nug aum. “Yo, da iikku, amu dimppa ag Danab Bekkalag da, da Kayak Ɠagattag Oh Ele eppeg naɗiap-ppa daabppi aniɗna, amu ele ag lombig hab waappa daatteb, da lombig amuppa dayeye uɗippippi aniɗkkulag,” awa aum.

Mak 8:38

Aria, danab laa nug danab Kayak uuna, kobol eheɗ laala dim lamadtteb ele, ag hipunin kuɗum laa hetteb ele amu, nug ag oolagppa oiyaya, nug dahilnu, dahil nainu ele uɗa neeb, dimppa Danab Bekkalag da, da Kayaknu binag amahlak oppiaawak ele, amu nuhikkud engel oppiaawak ele eɗut uɗit, haen amuppa danab amunu da ele uɗal nekku,” awa aum.

Luk 21:27

Ag anam hebeppeg, Danab Bekkalag da, da lombig laa ooppa ɠagattag, binag amahlak oppiaawak okkai ele uɗippippi aniɗkkulag.

Luk 22:69

amge dimppa Danab Bekkalag da, da Kayak Ɠagattag Oh Ele amu, da Nug eppeg naɗiap-ppa daakkul,” awa aum.

Luk 9:26

Amu danab nug dahilnu, dahil nainu ele uɗa neeb, dimppa Danab Bekkalag da, da dahil binag amahlak oppiaawak ele, Kayaknu binag amahlak oppiaawak ele, amu nuhikkud engel oppiaawak ele dilag binag amahlak oppiaawak eleppa eɗue uɗikkul, haen amuppa danab amunu da ele uɗal nekku,” awa aum.

Jon 21:22

Anam a amu Jesus Nug Pita amegppa aum. “Da nug bau anam dayebeb, da eɗue uɗikkulnu ool daatte dayeb amu, amuam nahip keekete? Na daib dim lamiɗe!” awa aum.

Jon 21:23

Jesus anam a amu nug laikkud oolagppa ippunittak awak danab amuam ii mauhmanu nai anam naɗi meum, amge Jesus Nug, “Danab amu nug ii mauhma,” ii aum. Iitta! Nug, “Da nug bau anam dayebeb, da eɗue uɗikkulnu ool daatte dayeb amu, amuam nahip keekete?” aakkuib aum.

Aposel 1:11

aa apiɗ. “Galili danab, aɗinu ag hippaidna daanna, habppa neegna daatteb? Amu gemu Kayak Nug Jesus ahilagppanu awe, hab aabppa ukkom. Aria, geha Nug hab aabppa ugekke anidppig bia eɗua uɗikku,” aoya apiɗ.

Rom 14:12

Amunu ig oh anen anen geha kobol oh hettem elenu diig amu Kayak amegppa akkunig.

Rom 2:6

Kayak Nug geha danab oh kobol ag heppig ele amunu nob elele madakku.

1 Korint 15:23

Anam, amge amu oh anen anen, ahilag haenppa awaknu daatteb. Tatam Kristus Nug eɗua hibaittom, aria dimppa, haen Kristus Nug eɗua uɗikku, laa ag nuhigppa daatteb ele, ag geha eɗun hippaidkkulag.

1 Korint 3:13

Aria, danab ag lag, keeke piɗe piɗeppa heppig ele amu, aab lag amu eweb, ahilag uɗat am miag atikku. Laala ag keeke aab eokkunu elele iittappa uɗat heppig amu, ahilag uɗat am ii iitta mema. Amge laa ag keeke aab eokkunu eleleppa uɗat heppig amu, ahilag uɗat am iitta mekku. Amubia ele danab ag dahil nai aon, uɗat tuɗidna hetteb ele, ahilag uɗat am elele o elele iitta am miag atikku. Aab nug heeb, lagnu uɗat am miag atikku, amubia Kayak Nug heeb, danabnu uɗat am miag atikku.

1 Korint 8:8

Amge ee nug ig omaikkeb, Kayak toppa ii gomata. Ig ee laa ii lakkunig dayeb amu, ig anen anen, “Da ee amu ii lattem amunu, da Kayak noobppa elele iitta daattem,” ii amata. O ig ee laa lakkunig dayeb amu, ig anen anen, “Da ee amu lattem amunu, da Kayak noobppa enanag daattem,” amu ele akkunignu elele iitta.

2 Korint 5:10

Aɗinu? Ig doottem, geha ig oh Kristusnu hettoɗiak abenppa daagnig. Aria haen ig beɗunig imuppa daatta, ig kobol nau hettem ele dayeb amu, geha ig amunu nob nau aognig. O iitta ig daatta, ig kobol ena hettem dayeb amu, geha ig amunu nob ena aognig. Yo, ig geha anen anen kobol hemutnu nob amuib aognig.

Epesus 6:8

Aɗinu? Ag dootteb, aun nug uɗat ena hette amu, nug Naɗi toppa nob ena aokku. Naɗi Nug begbeg maɗi nid dilagppa amu begbeg maɗi nid iitta, amu dilagppa ele anamib hekku.

Kolosi 3:25

Amu danab nug eheɗ heum, nug geha eheɗ heumnu nob eheɗ aokku. Amu Kayak Nug danab oh melemel laippuppaib epeɗiadkku.

1 Tesalonaika 1:10

ag Kayak Bekka Nug hab aabppanu eɗua uɗikkunu haen ameg mettebnu ele maditteb. Nug anukka mauhe, Kayak Nug he, Nug mauhakppanu eɗua hibaittom. Amuam Jesus, Nug dimppanu hipuninnu bu aqak, Kayak eppegppanu uɗitte amu, ig amu aomtanu eɗua awikkom.

1 Tesalonaika 4:16

Aɗinu? Haen amuppa danab ah ag haknunab laa anaknu ewak, engel okkainu ewak, amu Kayaknu trampet ele gayak doobppeg, Naɗi Nug hab aabppanu neeb, danab ag Kristusnu oolagppa genab dooppig ele amu, ag tatam eɗun hippaidkkulag.

Jems 5:7

O lailad, diig amunu ag oolag bodoettak ele daan, Naɗi eɗua uɗikkunu haen ameg meig! Antteg! Dad mameg nug ee meu ena okkunu ameg ma dayaya, nug oo bodoettak ele gu tatamnu, gu dimnu ele ameg mette.

1 Pita 1:17

Ag Kayak, Nug danab oh melemel laippuppa ahilag hak anen anenppa epeɗiadtte amu, ag Nug unuqidnana, Nug onig diin Mame atteb amunu, ag haen imuppa aab diig danab iitta daanna wan imuppa oitteb amu, ag nuhignu ag ebehilag oh bodoetta le meeb, ag Nug onig binag metteg!

1 Jon 2:28

Ao, nid naunau dahilad, haen Nug miag atieb, ig ɠagattag daagnignu, ig uɗa nak ele ii aomtanu amu, ag Nug ele laippu dayeg!

Jut 1:14

Enok, nug am Adamnu buɗub buɗub uɗiak eblaih aɗit ele batak amu, nug danab laa amelagppa propet nai danab nau imu dilag mehuqa inam aum. “Antteg! Naɗi amu nuhikkud engel kuɗumnab, ebaqaknu elele iitta uɗitteb. Nug hettoɗiakppa, wanppan danab ah oh epeɗiaknu, Nug heeb, danab ag nuhignu, hak nuhignu ele uuak danab daan, ag Kayaknu, hak nuhignu ele uuak kobol dim lamidna, Kayaknu, hak nuhignu ele uuak kobol nau heppig miag atiak dooglagnu, hipunin danab Kayaknu, hak nuhignu ele uuak danab daan, ag nai nau oh Kayaknu madippig, ag amu miag atiak dooglagnu, Kayak amu nuhikkud engel ele uɗitteb.”

Revelesen 1:7

Antteg! Nug eɗua lombigppa nekku. Danab oh ag Nug anidkkulag. Yo, danab ag Nug qetti banppa atulppig ele, ag ele Nug anidkkulag. Amu wan ohppan danab ag Nug anidna, ag nuhignu mahiak okkai hekkulag. Ao, keeke amu anam bekku. Genab.

Revelesen 2:23

Da nuhikkud nid ele heppi mauhkkulag. Amuppa Kristen tamaniak oh ag dooglag, da danab oolag, amu ahilag dabmak ele epeɗie aute aottem. Amu ele, da Taiataira daatteb, da ahilag hak attemu amu, da amuppa nob madakkul.

Revelesen 20:12

Da aakku danab mauhadppig, okkai nakok ele oh, Nug noobppa hippaidna daaegeg anadmi. Nug buk laala kolattom amu buk laa, amuam buk onig Bauklel Awe Onig Yaaknu Buk, Nug buk amu ele kolom. Danab mauhadppig amu ag aɗi heppig, buk laalappa epeɗiaknu amu yaak niitte amuppa epeɗiattom. Amu oh ag aɗi heppig amuppa epeɗiattom.