Matyu 16:20 - Nobonob Baibel

²⁰ Jesus Nug anam ana amu, Nug nuhikkud ippunittak awak danab ag laa amelagppa nuhignu, “Nug am Kristus,” amananu ɗo ɠagattag meum.

Matyu 16:20 ပူးပေါင်းရင်းမြစ်များ

Matyu 1:16

Jakop bekka am Josep. Josep amu, nug Maria gamu. Maria nug Jesus menuom. Jesus Nug am Kristus.

Matyu 16:16

Jesus anam a amu, Saimon Pita Nug oɗeppa awa aum. “Na am Kristus, na Kayak bauklel ele Bekka,” awa aum.

Matyu 17:9

Ag anam hewona, ahan qaukoppanu nenana, Jesus Nug ippunittak awak danab, ag keeke anidppig amunu mattimnanu ɗo ma, amelagppa inam aum. “Ag danab laippu laa amegppa kobol anidppig amunu aib madippig! Ag anam daappeg ukkeb, Danab Bekkalag da, da eɗue mauhakppanu hippaidppi ag mattiglag,” awa aum.

Matyu 8:4

Ena daye, Jesus Nug danab amu amegppa inam aum. “Doye! Na danab laa amegppa, da na bappaidminu aib ame. Iitta. Na gona, na beɗun mana mettak danab ippunidna, na Mosesnu ɗo atte bia, na doɗ main, Kayak mette! Aɗinu? Danab oh ag amuppa dooglag, na oɗe amu ele iitta,” awa aum. Jesus Nug anam awowa, Nug he ukkom.

Mak 8:30

Pita nug anam a amu Jesus Nug ag nuhignu danab laa amelagppa mattimnanu ɗo ɠagattag meum.

Mak 9:9

Ag anam antteg amu, Jesus Nug ag ele ahan, qauko uun nonana, Jesus Nug ag kobol amu anidppig ele, ag amunu danab laa amegppa paha amananu ɗo ɠagattag meum. Nug, Nug am Danab Bekkalag amu, Nug tatam mauhakppanu eɗua hibaitteb ag mattiglagnu aum.

Luk 2:11

Gemu deɗ imuppa Dawitnu aabppa, am Betlehem amu, appa ah laa nid awom. Nid amu Nug danab dilag Padal ii maknu ehanittak daatte; Nug amu Naɗi, Kristus.

Luk 9:21

Pita nug anam a amu, Jesus Nug ag danab laa amelagppa nai amu mattimnanu ɗo ɠagattag meum.

Luk 9:36

Baag anam a doyona, ag Jesus nukka dayeye anidna, ag akka akka dabmeppig. Ag keeke anidppig amu ag amunu danab laala amelagppa haen amuppa ii appig.

Jon 1:41

Amu nug paha ukka, Saimon antta, nug amegppa aum. “I Mesaia aakku anidmuɗ,” awa aum. Mesaia diig am, danab laa Kayak Nug Nug wan imu ohnu okkai daakkunu epeɗiom. Grik naippa Mesaia eɗuak amu Kristus.

Jon 1:45

Anam a amu Pilip nug Nataniel mattia antta, amegppa aum. “Danab Moses nug anukka ɗo naippa nuhignu yom, propet ag ele nuhignu yaappig amu, ig aakku anidmut. Nug am Josep bekka Jesus, Nasaret ted,” awa aum.

Jon 11:27

Jesus anam a amu Marta aum. “Ao Naɗi, na am Kristus. Na Kayak Bekka wan imuppa uɗime. Da amu oolppa genab doottem,” awa aum.

Jon 20:31

Amge yaak imu daatte amu, ⌊ag ebqetteb ele,⌋ ag ebqenana, ag Jesus, Nug am Kristus, Kayak Bekka daatte, ag amu doona, oolagppa genab dooglagnu daatte. Amu yaak imu daatte amu, yaak amuam ag Jesusnu ooppa genab doyakppa ag bauklel hanhannu aotteb oolagppa genab dooglagnu ele daatte.

Aposel 2:36

Anam amunu Israel danab ah, ag oh tutukkunab doyeg! Kayak Nug he, Jesus Nug Naɗi, am Kristus ele daatte. Ag Nug ad emaitakppa atulppig.” Pita ag amelagppa anam mattie dooppig.

1 Jon 2:22

Anam amunu aun nug hambuppuak danab daatte? Danab nug Jesus am Kristus iitta atte ele, nug am hambuppuak danab daatte. Nug am Kristusnu kekeɗ. Nug Kristus am Mame Kayak ele aa oh guhuɗat-te.

1 Jon 5:1

Am aun laa nug, Jesus am Kristus, ooppa genab dootte amu nug Kayak Bekka beum daatte. Amu aun laa nug Mamenu oo mauhak dootte amu, nug Bekkanu ele oo mauhak dootte.