Matyu 16:19 - Nobonob Baibel

¹⁹ Da Kayaknu ɗo maɗoɗnu odnu ki daatteb amu, da na medakkul. Keeke na wanppa qagakkut amu, keeke amu hab aabppa ele qakkak daakku. Aria, keeke na wanppa uhuqkkut amu, keeke amu hab aabppa ele uhuqak daakku,” awa aum.

Matyu 16:19 ပူးပေါင်းရင်းမြစ်များ

Aisaia 22:22

Da heppi, nug ɠagattag okkai, kingnu bia, ehah, am ele kingnu bia ele daakku. Da King Dawit laugnu ki oh medappi, keeke laa nug matuleb, am geha danab laippu laa nug manakkunu elele iitta. Keeke nug maneb amu, geha danab laa ii matulma. Iitta.

Matyu 18:18

Da genab ag amelagppa attem, keeke ag wanppa qakkaglag amu, keeke amu hab aabppa ele qakkak daakku. Aria, keeke ag wanppa uhuqkkulag amu, keeke amu hab aabppa ele uhuqak daakku.

Jon 20:23

Ag danab laanu hipunin uhuqadna mettaglag dayeb, danab amunu hipunin am iitta mekkulag. Ag ii uhuqadna mettaglag dayeb amu, danab amunu hipunin iitta ii memana,” awa aum.

Aposel 15:7

Qagmena ag amunu nai kuɗum mattin hena, Pita nug aha amelagppa aum. “O lailad, ag imu dootteb. Anukka Kayak Nug uɗat ig mekkowa, Nug da iitta aɗi amelagppa Nai Ena appi, ag doon oolagppa genab dooglagnu otiɗom.

2 Korint 2:10

Ag danab laanu hipunin uhuqna medatteb dayeb, aria da ele hipunin amu uhuqen medattem. Amu hipunin laa da uhuqen medakkulnu dayomtai o iitta ii dayomtai, amge anam dayom dayeb, da uhuqen mettami ele amu, da ahilagnu dabmak anuqak awen, Satan nug ig bubuikka eɗigmanu, da Kristus noobppa hipunin amu uhuqen mettami. Satan nug ig ib digdigppa ig eɗigkkunu hette amu, ig amunu kaaka ii daattem.

1 Tesalonaika 4:8

Amunu amu danab nug nai amu dimedatte, nug danab di-ii-medatte. Iitta. Nug Kayak, Nug nuhig Ouɗi ag madatte ele amu, Nug dimedatte.

Revelesen 1:18

Da am laa bauklel hanhannu ele daattem. Da mauhmi, amge antte! Da bau daattem; gemu, hanhan ele. Amu danab mauhppig ele, da ahilag okkai daakkulnu onil ele.

Revelesen 11:6

Aa nai mehuqyaya, aa gu nemanu hepeɗ, hab qakkak daakkunu ɠagattag ele. Amu aa hepeɗ, le oh eɗun tiig daaglagnu, aa keeke nau kuɗum oh wanppanu danab ah aqaglagnu ele ɠagattag ele. Aa haen kuɗumtai, o iitta haen laippu laippuibtai anam hekkulahnu oolah dayeb amu, aa aakku hekkulahnu ɠagattag ele.

Revelesen 3:7

Nug anam ana, Nug nai tuɗitta aum. “Na nai da attem imu Piladelpia Kristen tamaniaknu ikki danab, nuhignu inam ye! Nai imu, laa Nug oppiaawak ele, Nug kobol genabnu diig, Nug Dawitnu ki aɗa, Nug od matultte amu, laa nug manakkunu elele iitta, od Nug maitte amu, laa nug matulkkunu elele iitta, nuhigppan uɗitte.

Revelesen 9:1

Aria, engel ebqak 5 nug trampet nuhig iwale amu, da hoɗoppai laa habppanu wanppa na qa dayom anidmi. Anitti amu laa moɗ oɗe noa ukka batak iitta ele, amunu ki mettom.