Matyu 16:13 - Nobonob Baibel

¹³ Aria, Jesus Nug nuhikkud ippunittak awak danab ele ag gonana, ag Sisaria Pilipai gukkuidna wanana, amu Jesus Nug ag oɗ mattom. “Danab ag, Danab Bekkalag da, ag dahilnu, ‘Da am aun,’ ag amunu aɗi atteb?” awa aum.

Matyu 16:13 ပူးပေါင်းရင်းမြစ်များ

Daniel 7:13

Da tuqan tulegleg anidmi, amuppa da neekki ukke, da noolppa laa nug danab bekka bia, nug lombig hab waappa daatteb, nug amuppa dayaya uɗieye anidmi. Nug ukka, Kayak Hanhan Daatte guguitta ukke, laa ag omaleg, Nug gumittanab ukkom.

Matyu 12:32

Am danab nug Danab Bekkalag da, dahilnu nai nau atte dayeb amu, Kayak Nug danab amunu hipunin uhuqa medakku, amge danab nug Kayak Ouɗinu nai nau akku dayeb amu, nug uhuqa mettak ii aoma; wannu haen imu, butti aɗi haen amu ele,” awa aum.

Matyu 12:40

Anukka propet Jona nug deɗ ewam, tuqan ewam ele kakai naɗi ooppa niiom, gemu haen imunu danab ah, amu dilag epponak keeke daakkulnu, anamib Danab Bekkalag da, da deɗ ewam, tuqan ewam ele da wan ooppa niikkul.

Matyu 12:8

Aɗinu? Danab Bekkalag da, da Sabat deɗnu ikki daattem,” awa aum.

Matyu 13:37

Ag anam aeg, Nug aum. “Danab nug ee ena ebatte, amuam Danab Bekkalag da.

Matyu 13:41

Danab Bekkalag da, da dahilad engel heppi, ag gona, danab Kayaknu ɗo maɗoɗ ooppa daatteb ele, ag oolagppanu wannu etetuab nau, ig eeɗigtteb ele, amu oh amu aria danab ag kobol eheɗ hetteb ele, ag qagmaadna diin,

Matyu 15:21

Jesus Nug anam ana, Nug aab amu uua aha ukka, Tair Saidon dilah wan atu, appa ukkom.

Matyu 16:27

Danab Bekkalag da, da Mamelnu binag amahlak oppiaawak ele uɗippi, engel ele uɗignig, amu haen amuppa da danab ah dilag hak, amu nob eɗue madakkul.

Matyu 16:28

Da genab ag amelagppa attem. Danab laala gemu ippa hippaidna daatteb ele, ag paha ii mauhmana. Iitta. Tatam ag Danab Bekkalag da, dahil ɗo maɗoɗ ele awen nebippi, ag mauhkkulag,” awa aum.

Matyu 25:31

Jesus Nug anam ana Nug nai tuɗitta aum. “Dimppa haen Danab Bekkalag da, da binal amahlak oppiaawak ele uɗippi, engel oh ele uɗignig, haen amuppa da sia king binag amahlak oppiaawak ele dahilppa daakkul.

Matyu 8:20

A amu, Jesus Nug ɗo mehuqak danab amegppa aum. “Doɗ laa onig foks, biun bia, ag wan oɗeppa niiaknu aben ele, ai ag ele teɗ ele, amge Danab Bekkalag da amu, da niiaknu aben laa iitta,” awa aum.

Matyu 9:6

amunu, ag Danab Bekkalag da, da wan imuppa hipunin uhuqen madakkulnu ɠagattag ele, ag amu dooglagnu amu, da heppi aha gokku,” awa aum. Jesus Nug anam ana, Nug eɗua oɗe danab amegppa aum. “Na ahan, qaɗaqaɗ nahip aon, lakka ukke!” awa aum.

Mak 10:45

Ag anam hekkulagnu diig amu Danab Bekkalag da, da wan imuppanu danab ah ag da ehaniɗkkulagnu ii uɗimi. Iitta! Da ag ehanadkkulnu uɗimi, amu da dahil mauhakppa danab ah kuɗum eɗue diiadkkulnu ele uɗimi,” awa aum.

Mak 8:38

Aria, danab laa nug danab Kayak uuna, kobol eheɗ laala dim lamadtteb ele, ag hipunin kuɗum laa hetteb ele amu, nug ag oolagppa oiyaya, nug dahilnu, dahil nainu ele uɗa neeb, dimppa Danab Bekkalag da, da Kayaknu binag amahlak oppiaawak ele, amu nuhikkud engel oppiaawak ele eɗut uɗit, haen amuppa danab amunu da ele uɗal nekku,” awa aum.

Jon 1:51

Jesus Nug anam ana, Nug nai baula ele tuɗitta aum. “Da genabnab genab ag amelagppa attem, geha hab aab obateb, Kayaknu engel ag Danab Bekkalag da, da gumiɗna nenan tebeppeg anadkkulag,” awa aum.

Jon 12:34

Nug anam mattie amu danab ah kuɗum nug oɗeppa aon appig. “Ig ɗoppa nai inam doomut. ‘Kristus Nug hanhan daakku!’ Am attemun na Danab Bekkalag ad emaitakppa aihkkulagnu attem? Danab Bekkalag, na nuhignu madittem amu, Nug am aun?” aon appig.

Jon 3:14

Anukka atu taɗakppa mat nau ag Israel oolagppa bena, danab ah emalatteg mauheg, ⌊Kayak Nug Moses amegppa a,⌋ nug mat dottog laa brasppa ha qappe, danab ag amu neegna anidna, ag ii mauhppig, amubia danab aun aɗi ag dahilnu oolagppa genab doon, ag bauklel hanhannu aon daaglagnu, ag Danab Bekkalag da, ad emaitakppa aihiɗkkulagoitte.

Jon 5:27

Amu ele, da am Danab Bekkalag amunu, Nug da danab epeɗiadkkulnu ɠagattag ele meɗom.

Aposel 10:38

dimppa Kayak he, nuhig Ouɗi Nug Jesus, Nasaret ted, Nug ooppa ambe, ɠagattag okkai ele mettom amunu, Nug Galili appa digma, aabaab oiyaya, danab ah ehanatte, danab oh Satan he ena ii daappig ele amu, Nug bappalatte, ag eɗun ena daappig. Aɗinu? Kayak Nug ele daapiɗ,” awa aum.

Aposel 7:56

Antta, Stiven nug aum. “Antteg! Da hab aab obate, Danab Bekkalag Nug Kayak eppeg naɗiap-ppa hibaitta dayeye anidttem,” awa aum.