Matyu 16:1 - Nobonob Baibel

¹ Deɗ laa ɗo gumak danab-Parasia amu ɗo gumak danab-Sadyusi ele ag Jesus gumidna gona, ag Jesus ma anttak mettanna, Nug Kayak dabmettaknu kobol danab haknu elele iitta laa heeb anidkkulagnu oɗ medappig,

Matyu 16:1 ပူးပေါင်းရင်းမြစ်များ

Matyu 12:14

Jesus anam heum amunu, ɗo gumak danab-Parasia ag gona qagmena, Jesus qekkulagnu ib madippig.

Matyu 15:1

Aria, amu dimppa ɗo mehuqak danab laa amu ɗo gumak danab-Parasia laala ele ag Jerusalemnu ahan, Jesus gumidna uɗin appig.

Matyu 16:6

Ag anam gona tewona amu, Jesus Nug ag amelagppa aum. “Ag ɗo gumak danab-Parasia amu ɗo gumak danab-Sadyusi ele dilag yisnu dabmeig!” awa aum.

Matyu 19:3

Nug bappalattette, ɗo gumak danab-Parasia laala ag Jesus ma anttak mettaglagnu Nug gumidna uɗin, inam oɗ medappig. “Ihinig ɗoppa danab nug oo uug ohppa ah nuhig lamitteb gokku am enate o ena iittate?” aon appig.

Matyu 22:15

Jesus Nug nai amu mattia male, ɗo gumak danab-Parasia ag ahan, laih gona, ag attem heppeg, Jesus Nug nai eheɗ laa ab, ib anidna heppeg, ɗo danab Nug aɗaglagnu nai madippig.

Matyu 22:18

Ag anam appig, amge Jesus Nug ag eheɗ hekkulagnu heppig doya, Nug aum. “Ag am hambuppuak danab. Aɗinu ag heppeg, ɗo danab ag da aɗailkkulagnu hetteb?

Matyu 22:23

Deɗ amuppaib ɗo gumak danab-Sadyusi ag Jesus toppa uɗippig. Danab amu ag, “Danab mauhtteb amu ag eɗun ii hippaidmana,” aon adappig amunu, ag Jesus inam oɗ mettan appig.

Matyu 23:2

“Ɗo gumak danab-Parasia amu ɗo mehuqak danab ele ag Mosesnu ɗo ag ippunadtteb, Moses nug nuhig haenppa dayaya heum bia

Matyu 27:62

Amu deɗ ag Sabatnu bappaidppig ele, deɗ amu uue, wagɗe deɗ amuppa mana mettak danab okkai am ɗo gumak danab-Parasia ele ag gona Pailat laugppa qagmeppig.

Matyu 5:20

Da tutukku ag amelagppa attem. Ahilag genab tutukku hak am ɗo mehuqak danab, ɗo gumak danab-Parasia ele dilag ii eɗadkku dayeb, ag Kayaknu ɗo maɗoɗppa nokkulagnu elele iittanab.

Matyu 9:11

Ag ee lanana daaegeg, ɗo gumak danab-Parasia ag anadna, ag Jesusnu ippunittak awak danab oɗ madappig. “Aɗinu ahilag ippunittak danab Nug takis awak danab, danab ag ihinig ɗo oh ii dim lamidtteb ele, Nug ag ele oh daanna ee latteb?” aon appig.

Mak 10:2

Haen amuppa amu ɗo gumak danab-Parasia laala ag Jesus gumidna gona, Nug inam oɗ medappig. “Ihinig ɗoppa amu danab laa nug ah nuhig lamitteb gokku am enate o ena iittate?” aon appig. Ag Jesus ma anttak mettaglagnu anam oɗ medappig.

Mak 12:15

Ig mettagnig o iitta?” aon appig. Ag anam appig, amge Jesus Nug ag hambuppuak danab dilag kobol heppig doya, Nug aum. “Aɗinu ag heppeg, ɗo danab ag da aɗailkkulagnu hetteb? Ag men doɗo laa onig danarius aon doppeg, da anttei!” awa aum

Mak 12:18

Aria, ɗo gumak danab-Sadyusi ag Jesus toppa uɗippig. Danab amu ag, “Danab mauhtteb amu ag eɗun ii hippaidmana,” aon adappig amunu, ag Jesus oɗ mettan appig.

Luk 10:25

Aria, deɗ laa ɗo mehuqak danab doyak okkainab ele laippu laa aha, nug Jesus eheɗ aab anidkkunu oɗ ma aum. “Ippunittak danab, da attem heina da bauklel hanhannu aokkul?” awa aum.

Luk 11:16

Ag anam aeg amu, danab laala ag Jesus ma anttak mettanna, ag Nug Kayak dabmettaknu kobol danab haknu elele iitta laa heeb anidkkulagnu oɗ medappig,

Luk 20:23

Amge Jesus Nug ahilag ameg qakkak oɗmak amu matu doyom amunu, nug amelagppa aum.

Luk 20:27

Amu dimppa, ɗo gumak danab-Sadyusi ag Jesus toppa uɗippig. Danab amu ag, “Danab mauhtteb ag eɗun ii hippaidmana,” aon adappig amunu,

Jon 8:6

Ag nai amuppa Jesus nai eheɗ laa ab amu ag heppeg, ɗo danab ag Nug aɗan aon, hettoɗiakppa mena, nai beɗuppa yaaglagnu ib madippig. Ag anam appig, amge Jesus Nug gomela, eppeg hiqalppa digma wanppa yaaya dayom.

Aposel 4:1

Pita, Jon ele aa danab ah ⌊Jesusnu⌋ ippunadyaya, nuhig ɠagattagppa danab mauhppig ele ag eɗun hippaidkkulagnu ele mehuqeheh, mana mettak danab, Kayaknu mettid lag gumaknu ban daup ikki, amu ɗo gumak danab-Sadyusi aɗi ele ag aa nai madipiɗ, ag amunu ahilahnu oolagppa aeg bak nau doyegeg, danab aɗit amu aa nai amu mattieheh, ikki danab amu ag ahilahppa uɗippig.

Aposel 5:17

Ag anam heeg ukke amu, mana mettak ikki danab, nuhikkud ehanittak danab oh, ag am ɗo gumak danab-Sadyusi oolagppanu amu, ag ele, ag totol dilagnu, ihinigppa anam daalon dabmak aɗan daappig.

1 Korint 1:22

Am Juda danab ag laa heeb, Kayak dabmettaknu kobol danab haknu elele iitta anidkkulagnu dabmak aoegeg, Grik danab ag laa ippuanatteb, ag doyak dabmak ena ele aoglagnu oolag hette,