Matyu 15:32 - Nobonob Baibel

³² Danab ah ag anam heeg amu, Jesus Nug nuhikkud ippunittak awak danab onilagppa e doeg, ag amelagppa aum. “Da danab ah imu oh dilag ool bodoetta le mette. Ag dahilppa uɗieg, ig deɗ ewam imu aakku daamut. Ag ee oh laeg iitta me, gemu ag ee iitta. Da heppi, ag enug gokkulagnu ool ii daatte. Aɗinu? Da ee ii matten heppi, ag enug aqebeb gonana, ib manppa ag amelag qittineb, nena qekkulagtai,” awa aum.

Matyu 15:32 ပူးပေါင်းရင်းမြစ်များ

2 King 4:42

Dimppa haen laappa, danab laa Balsalisa appanu Kayaknu danab Elisa gumitta uɗiom. Nug bali bret 20, bali tatam oɗuomppanu hak amu, nug amu Elisanu awa uɗiom. Amu awa uɗia, nug ee aeg bau awak ele bek laippuppa inak, nug amu ele awa uɗia mettom. Awa uɗia mette, aria Elisa nug nuhig maɗi nid amegppa aum. “Ee amu aon, propet danab umu madappe lakkulag,” awa aum.

Matyu 12:40

Anukka propet Jona nug deɗ ewam, tuqan ewam ele kakai naɗi ooppa niiom, gemu haen imunu danab ah, amu dilag epponak keeke daakkulnu, anamib Danab Bekkalag da, da deɗ ewam, tuqan ewam ele da wan ooppa niikkul.

Matyu 14:13

Haen Jesus nai amu doya amu, Nug aben amu uua, uub awa, aben danab ii daatteb, appa gokkunu ukkom. Nug anam ugekke amu, danab ah kuɗumnab ag nai doona, ag aab laalappanu ahan, Jesus ugekke, ag baelagppa Nug dim lamidna goppig.

Matyu 15:33

Jesus anam a amu, ippunittak awak danab ag Nug amegppa appig. “Laih ippa amu danab ag ii daatteb amunu, ig adeppanu bret kuɗum, danab ah kuɗum imu dilag elele aopput, ag elele lappeg, oolag didikku?” aon appig.

Matyu 20:34

Anam aeh amu Jesus Nug ahilahnu oo bodoetta le me, Nug eppeg aa amelahppa me, geha aakkunab aa amelah obate, neegya ahaya, Jesus dim lamidpiɗ.

Matyu 27:63

Qagmena ag appig. “Naɗi, ig hambuppuak danab amu, nuhig nai laa daunigppa doum. Nug bau dayaya Nug, ‘Deɗ ewam ukkeb, da eɗue hippaidkkul,’ aum

Matyu 9:36

Haen Nug danab ah kuɗumnab anam anatta amu, Nug oo bodoetta le meum. Aɗinu? Ag uug kuɗum ele dooppig, amge ehanittak laa iitta. Ag am doɗ sipsip ag gumak danab iitta, ag amubia daappig.

Mak 9:22

Haen kuɗum ouɗi nau nug nid imu heeb mauhkkunu ha, nug buɗie, aab aɗuppa o leppa na qette amunu, na elele daattem dayeb, na ihinihnu oo bodoetta le mak doona ehanite!” awa aum.

Luk 7:13

Haen Jesus Nug ah amu antta, nuhignu oo bodoetta le me, Nug ah amu amegppa aum. “Na aib gaame,” awa aum.

Aposel 27:33

Aria wagɗe, aam bekkunu heehe, Pol nug aha, danab oh ag nakok beɗulag ɠagattag qekkunu, nug ag amelagppa aum. “Ag ahan, ee nakok aon laig! Haen elabnab ag oolagppa maɗoɗ iitta daanna, oolag uug ele daappig. Ee laa ii lappig. Deɗ 14 iikku hamu daappig

Hibru 4:15

Ele amu ihinig mana mettak ikki danab, Nug am danab laa ihinignu oo ii dookkunu laa iitta. Hipunin haknu eeɗak kobol oh ihinigppa bette amu, amu ele nuhigppa beum, amge Nug hipunin laa iinab heum amunu, keeke nuhigppa beum bia ihinigppa beebe, ig gai-iitta bia daautut amu, Nug ihinignu oo doyak dookkunu elelenab daatte.