Matyu 15:31 - Nobonob Baibel

³¹ Bappalatte, danab ah ag anam anidna, dabmak kuɗum aoppig. Aɗinu? Danab ah oɗetup ele, ag nai madippig, laa ag ebehilag kaliak ele, ag ena daappig, laa baelag nau autaut oippig ele, ag ena oippig, laa amelag gaɗuak ele, ag neegppig. Ena daappig amunu, ag Israel dilag Kayak binag meppig.

Matyu 15:31 ပူးပေါင်းရင်းမြစ်များ

Genesis 32:28

A amu, danab amu nug aum. “Na onin baula Jakop iitta; na onin Israel daakku. Aɗinu? Na Kayak, danab ele nug wagai mak hena, wagai maknu ii uume.”

Genesis 33:20

Wan amuppa nug qaɗab qa, onig El Elohe Israel ataɗom.

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Sam 50:23

Danab laa nug ena heme anaknu ofa ha, da meɗakku dayeb amu, amuam ena. Amuppa nug da binal mette. Amu da nug ehanidppi, nug padal ii memanu ippu dahil ippunidkkulnu amu, nug ofa amuppa ib amu matultte.” Kayak Nug anam awa atte.

Eksodas 24:10

Ag tena amu, ag ⌊nakok uma daanna, neekkeg ukke,⌋ Israel dilag Kayak anidppig. Yawe baeg waappa amu, keeke laa dayom, am keeke otala wan tonak laa ele. Keeke amunu amu, neekkak nuhig am men sapaia, amubia; am hab oppiaawaknab, amubia daye anidppig.

Matyu 15:30

Appa dayeye, danab ah huanak ag danab baelag nau autaut oitteb, amelag gaɗuak, ebehilag kaliak, oɗetup amu oɗe danab laala kuɗum ele, ag amu oh omaladna uɗin, nug baegppa maatteg, bappalattom.

Matyu 18:8

Amunu na eppen o baen nug he, na hipunin hettem dayeb amu na eppen o baen laih amu okkulna maoppe ukkaɗ! Na baen o eppen laihigib ele daanna, bauklel aokkut amuam ena. Amge na eppen o baen aɗit oh ele daakkut, ag na mawidppeg aab aɗu ii qauha, hanhan eotteppa gokkut am ena iitta.

Matyu 21:14

Jesus Kayaknu mettid lakka dayeye amu, danab laala ag amelag gaɗuak, amu baelag nau autaut oippig ele ag Nug gumidna uɗieg, Nug bappalattom.

Matyu 8:10

Awa a amu, Jesus Nug amu doya, Nug ottaia dabmak kuɗum awawa, Nug danab ah Nug dim lamidppig, ag amelagppa inam aum. “Da genab ag amelagppa attem. Da Israel danab oolagppa, ooppa genab doyak imubia amu, da laa ii anidmi

Matyu 9:32

Ameg gaɗuak aɗit Jesus ehanatom ele aa dimittim ukkaeheh, danab ouɗi nau ele, oɗetup dayom amu, ag nug omalna doeg, nug Jesus guguitta doum.

Matyu 9:33

Do amu, Jesus Nug ouɗi nau amu lamitte, oɗetup nug nai mattiom. Nai mattieye, danab ah kuɗum appa daappig ele ag dabmak kuɗum aonna appig. “Anukka keeke inam laa Israel ooppa ii beum,” aon appig.

Matyu 9:8

Ugekke, danab ah kuɗum ag amu anidppig amu, ag Kayaknu ebehilkad oh bodoetta le me, ag Kayak, Nug danab uɗat amu hekkulagnu ɠagattag mattom ele amu, ag Nug binag meppig.

Mak 2:12

Nug anam a amu, oɗe danab nug aha, qaɗaqaɗ nuhig awa, ag noolagppa dimittim ukkom. Ugekke amu ag dabmak kuɗum aona, Kayak binag mena appig. “Ig deɗ laa keeke amubia ii anidmut,” aon appig.

Mak 7:37

Danab ah ag Jesus heum anidna, ag huanak ottaina, ag dabmak kuɗum aonna, ag appig. “Nug aɗi hette amu Nug enaib hette. Danab daulag ituak ele Nug he, ag nai dootteb, amu danab oɗetup ele ag nai maditteb,” aon appig.

Mak 9:43

Na eppen he, na hipunin hettem dayeb, na eppen laih amu okkule! Na eppen laihigib ele daanna, na haen oh bauklel daakkut, amuam ena. Amge na eppen aɗit oh ele daanna, padal mak abenppa gokkut, amuam ena iitta. Appanu aab amu, nug ii qauhtte.

Luk 14:13

Iitta. Haen na ee naɗi hekkutnu henana, aria na daɗek danab, danab ebehilag kaliak ele, danab baelag nau autaut oitteb ele, amu danab amelag gaɗuak ele onilagppa ekkut.

Luk 14:21

Aria maɗi nid amu nug eɗua ukka, nug nuhig danab okkai amegppa ag appig amu mattiom. Aakku lag mameg nug oo nauhe, nuhig maɗi nid amu amegppa aum. ‘Na paha gona, aab okkai imunu ib okkai ohppanu, ib nakok ohppanu ele daɗek danab, danab ebehilag kaliak ele, amelag gaɗuak, danab baelag nau autaut oitteb ele, na amu oh omaladppe, ag da laul ooppa uɗieg!’ awa aum.

Luk 18:43

Anam aawo, geha aakkunab danab amu ameg obate, neekka aha, ibppa Jesus dim lamittatta, Kayak binag meum. Haen danab ah ag amu anidna, ag ele Kayak binag meppig.

Luk 7:16

Danab ah oh ag amu anidna, ag Kayaknu ebehilkad oh bodoetta le me, ag Kayak binag mena appig. “Propet naɗi laa ig oonigppa uɗiom. Kayak Nug ig ehanigkkunu uɗiom,” aon appig.

Jon 9:24

Juda okkai ag ahilah nai doon, danab amu genab ameg gaɗuak dayom, gemu ena daatte oolagppa genab dooppig amunu, ag baula ameg gaɗuak ena dayom ele onigppa eeg uɗie, ag nug amegppa appig. “Na Kayakib binag amahlak oppiaawak ele me! Ig doottem, danab amuam hipunin danab,” aon appig.