Matyu 15:28 - Nobonob Baibel

²⁸ Anam a amu Jesus Nug oɗeppa awa aum. “Ah, nahip ooppa genab doyak am okkainab! Keeke na oot aum, nahip-ppa anam bekku,” awa aum. Jesus Nug anam a amu, aam ameg amuppaib nid ahin nuhig eɗua ena dayom.

Matyu 15:28 ပူးပေါင်းရင်းမြစ်များ

Job 13:15

Da amu hekkulnu diig am inam. Kayak heeb, da mauhkkultai, amge anam bekkunulob, da Nug ehaniɗeb, da eɗuen ena daakkulnu dabmak aɗe daattem; da Nug amegppanab da dahilnu nai madippi, Nug dookku oolppa genab doottem.

Job 23:10

Da Nug ii anidttem, amge Nug da ib attenppa oittem amu, Nug dootte amunu, Nug ma anttak elele meɗa maleb, da enanag bein daakkul; da danab nug he, gol enanag ba daatte, da gol amubia enanag bein daakkul.

Sam 145:19

Danab ag Yawenu dabmenana, nuhignu ebehilag oh bodoetta le mette ele amu, Yawe Nug danab amu aɗi keekenu oolag hette am madatte. Ao, Yawe Nug danab amunu unuqittak doya, nug ehanatte, padal ii metteb.

Gayak Nai 3:32

Nug danab ah bu madatte, amge Nug danab ah dilagnu oo mauhaknab okkai dootte amunu, Nug bu mattowa, Nug ele ahilagnu oo bodoetta le mekku.

Matyu 14:31

Pita anam a amu, pahanab Jesus eppeg bahia, Pita aɗa, amegppa aum. “Na ootppa genab nakokib doottem. Aɗinu na dabmak aɗit ele?”

Matyu 15:27

Nug anam aum, amge ah nug aum. “O Naɗi, na attem am genab, ge qai ag mamelkad dilag bret huppu balalppanu na qette am aon latteb,” awa aum.

Matyu 8:10

Awa a amu, Jesus Nug amu doya, Nug ottaia dabmak kuɗum awawa, Nug danab ah Nug dim lamidppig, ag amelagppa inam aum. “Da genab ag amelagppa attem. Da Israel danab oolagppa, ooppa genab doyak imubia amu, da laa ii anidmi

Matyu 8:13

Awowa, Nug ban daup 100 dilag ikki amegppa aum. “Na enad ukke! Na da maɗi nid nahip ehanidkkulnu ootppa genab doome amu, anam aakku bekku,” awa aum. Jesus Nug anam a, haen amuppaib ban daup 100 dilag ikkinu maɗi nid eɗua, ena dayom.

Matyu 9:22

Lauɗitte amu, Jesus Nug eɗua neekka antta, amegppa aum. “O aɗel, na ootppa ɠagattag doye! Na ootppa genab doome amunu, na ena daattem,” awa aum. Awa a, haen amuppaib ah nug ena dayom.

Mak 5:34

Nug anam a amu Jesus Nug aum. “O aɗel, na ootppa genab doome amunu, oɗe nahip iitta meum. Na maɗoɗ ele ukke! Na oɗe amunu guittak baula ii doomna,” awa aum.

Luk 17:5

A amu totol danab 12 ag Naɗi amegppa appig. “Na heppe, ig ihinig ooppa genab doyak amu okkainab maɗ!” aon appig.

Luk 7:50

Anam aeg amge Jesus Nug baula ah amu amegppa aum. “Na ootppa genab doome amunu, na Padal ii maknu ehanittak aome daattem. Na maɗoɗ ele ukke!” awa aum.

Luk 7:9

Ag anam aeg, Jesus Nug doya, Nug dabmak kuɗum awawa, Nug eɗua, danab ah kuɗum Nug dim lamidppig ele amu, Nug ag amelagppa inam aum. “Da ag amelagppa attem. Da Israel danab oolagppa ooppa genab doyak imubia amu, da laa ii anidmi,” awa aum.

2 Tesalonaika 1:3

O lainkad, ig haen oh Kayak amegppa, “Ena heme,” aot akkunignab. Aɗinu? Ahilag ooppa genab doyak am okkainab mette, amu ag akka akka ag nug oo mauhak doona, tuɗidna huanak hetteb.

1 Samuel 2:30

Amge na anam hettem amunu, Yawe, Israel dilag Kayak, Nug inam atte. ‘Anukka da ag Aron buɗub laa, ag na mamen anukka tiigppan uɗiak, ag haen oh da noolppa dahil ɗo maɗoɗ uɗat hekkulagnu nai qakken ami, amge gemu da nai imu attem. Ag amubia iinab hemana. Aɗinu? Aun aɗi ag da binal tutukku metteb amu, da ag binalag madakkul, amge aun aɗi ag dahilnu keeke hamu bia dootteb amu, da heppi, ag honopnab nokkulag.