Matyu 15:23 - Nobonob Baibel

²³ Ah nug anam aum, amge Jesus Nug oɗeppa nakok laa ii awom. Oɗeppa nakok laa ii awe, nuhikkud ippunittak awak danab ag Jesus gumidna dona appig. “Ah imu nug ewawa, ig dim lamigttede! Na heppe ukkaɗ!” aon appig.

Matyu 15:23 ပူးပေါင်းရင်းမြစ်များ

Genesis 42:7

Ag Josep toppa ukkaeg amu, Josep nug ag doyattom, amge nug ag amelagppa, “Da ag doyadttem,” ii aum. Iitta. Nug nai ɠagattag ag amelagppa inam aum. “Ag adeppanu uɗippig?” awa aum. Nug anam a amu, ag appig. “Ig Kanan wanppanu, ee daden mekkunignu uɗimut,” appig.

Sam 28:1

O Yawe, na am kekeɗ niɗamnanu ehanittak dahil daattem. Na da ehaniɗkkutnu oɗ medattem. Na da ii ehaniɗkkut dayeb, da geha laa mauhppig, da amubia daakkul. Anam amu, da anam daapanu na dahil unuqittak dookkutnu oɗ medattem.

Gayak Nai 3:8

Da ehaniɗkkunu unuqitten, oɗ medattem; amge Nug dahil unuqittak dookkunu uutte.

Matyu 14:15

Bappalatte, tueb mekkunu he, nuhig ippunittak awak danab ag Jesus gumidna dona amegppa appig. “Laih imuam aben danab ii daatteb. Aam ele ukka notte amunu, danab ah kuɗumnab imu amelagppa appe, ag aabaab gona, ee daden mena laig!” aon appig.

Matyu 15:22

Nug ukka te, Kanan buɗubppanu ah laa nug appa dayom, nug Jesus onigppa ewa, inam aum. “Naɗi, na Dawit bekka, na dahilnu oot gai-iitta doon oot meɗan da ehaniɗkkutnu oɗ medattem! Ouɗi nau nug nid ahin dahil he nauhom,” awa aum.

Matyu 15:24

Ag anam aeg amu, Jesus Nug aum. “Israel padal meppig, amu dilagnuib Kayak Nug he, da uɗimi,” awa aum.

Duteronomi 8:2

Yawe, ahilag Kayak, Nug maɗ 40 oh anuqa omalattette, atu taɗakppa oippig amu daulagppa dayaɗ! Nug ag onilag qeeb nekkunu, ag ma anttak mettak ele aoglagnu, Nug amu heum. Nug ma anttak mettak digdig ag diilag miag atikkunu matta, nug ag genabte haknunab anak nuhig am tutukku dim lamidkkulagtai, o iittatai amu anidkkunu heum.