Matyu 15:2 - Nobonob Baibel

² “Aɗinu nahipad ippunittak awak danab ag alai aɗi anukka ɗo meppig niitte amu ag tippaltteb? Ag ee lakkulagnu hena amu, ag eppelag, ɗo atte amubia ag ii ihatteb,” aon appig.

Matyu 15:2 ပူးပေါင်းရင်းမြစ်များ

Genesis 1:14

Keeke amu anam ba daye, Kayak Nug, “Hab attannu amahlak, ag amun, tuqan, aam haen, gu haen, amu maɗ alag, maɗ bau ele oppatkkulagnu,

Esta 3:3

Mordekai nug anam heehe, kingnu ehanittak anuqak danab laala king laug odppanu ag Mordekai oɗ medappig. “Na aɗinu kingnu nai haknunab anak amu ii dim lamidttem?” oɗ medappig.

Matyu 15:3

Ag anam aeg amu, Jesus Nug eɗua amelagppa aum. “Aɗinu ag alai aɗi anukka ɗo meppig niitte dim lamidnana, amu ag Kayaknu ɗo tippaltteb?

Mak 7:2

Jesusnu ippunittak awak danab laala, ag Juda dilag ɗo amuppanab eppelag ii ihappig, ag eppelag hamu ihona, ee lanan daaegeg anadppig.

Mak 7:5

Ɗo gumak danab-Parasia, amu ɗo mehuqak danab ele ag anam hanhan hedappig amunu, ag Jesusnu ippunittak awak danab eppelag ii ihappig, ee laeg anadna, ag Jesus amegppa appig. “Ippunittak awak danab nahipad ag eppelag ii ihona, ee latteb. Aɗinu ag alai aɗi anukka ɗo meppig niitte ii dim lamidtteb?” aon appig.

Luk 11:38

Dayom amge ɗo gumak danab-Parasia amu nug Jesus tatam ahilag ɗo atte, kobol amuppa Nug eppeg ii ihowa ee laum amu antta, Nug dabmak kuɗum awom.

Galesia 1:14

Da lailad oolagppa, danab bau kuɗum da ele huu laippu amu da ag eɗatte, da Juda dilag kobolnab dim lamidmi. Da alalad aɗi dilag kobol amu, da amu oh ɠagattagnab dim lamidkkulnu hemi.

Kolosi 2:8

Ag danab laa nug ag ulah nai, nai meu iitta ele amelagppa mattia hambuppualatteb, nug waappa daamnanu dabmeig! Danab kobol amu hetteb ele amu, ag mattiak ahilagppa alai aɗi dilag kobolnu, amu wan imuppan ɗo ɠagattag iitta ele, ag amunu maditteb. Kristusnu amu ag ii maditteb.

1 Pita 1:18

Ag dootteb, ag mamelkad aɗi ib uug ele, nuhig meu am keeke hamu, ag ib amu dim lamitteg neum amu, Kayak Nug ag ib amunu qagaiettakppanu eɗua uhuqak ha mattom, amge Nug keeke nauhtte ele, gol, silwa bia, Nug amuppa ag qagaiettak amuppanu ii uhuqattom. Iitta!