Matyu 15:11 - Nobonob Baibel

¹¹ Keeke dimittimnu danab ooppa notte ele, keeke amu danab oo dubuttid ii medatte. Iitta! Keeke nau danabnu dabmakppa lokkumak dayaya, nai oɗeppanu dimittim bette amuam he, danab oo am dubuttid ele daatte,” awa aum.

Matyu 15:11 ပူးပေါင်းရင်းမြစ်များ

Sam 10:7

Nau hak danab ag laa dilagnu eheɗ laa awaknu anak waappa dayaknu nai anana, ag laa hambuppualadna, amu laa ag nau hak danab atteb bia ii heppeg amu, geha ag guittak mattaglagnu atteb. Ao, ahilag mattiakppa ag heeg, danab ah laa uug aoegeg, kobol nau ele betteb.

Sam 12:2

Am danab ah oh ag lailkad mudippan ele ag nug bubuittak hetteb. Ao, ag nug amegppa mattiak hetteb, amge ag oo eeɗaknu ittag nai maditteb.

Aisaia 37:23

Na aun aon aon qettan, nuhignu dabittak nai ele mattime? Na aun qattiɗ qettame? Na aun noobppa, da na eɗitten oittem bia oime? Na kobol nau amu oh da Yawe, da Israel dilag Kayak Oppiaawak Ele, na dahilppa nau amu oh heme.

Matyu 15:10

Jesus anam ana amu, Nug danab ah kuɗum appa daappig gumidna gokkulagnu e, ag ukkaeg Nug ag amelagppa aum. “Ag imu daulagppa doon, nai diig tutukku doyeg!

Matyu 15:12

Haen amuppa nuhikkud ippunittak awak danab ag Jesus gumidna dona appig. “Ɗo gumak danab-Parasia ag nai amu doon, oolag nauhom amu na doottemte?” aon appig.

Mak 7:15

Keeke dimittimnu danab ooppa notte ele, keeke amu danab oo dubuttid ii medatte. Iitta! Keeke nau danabnu dabmakppa lokkumak dayaya, nai oɗeppanu dimittim bette, amuam he, danab oo am dubuttid ele daatte.

Rom 14:14

Amu da am Naɗi Jesusnu danab, amu Nug da ippuniɗa auta awe, da ee laippu laa nug nukka ii lanaknu epeɗiak ii daatte doottem. Amge danab nug nukka keeke atten laa nug amunu eheɗ dootte, nuhigppa am eheɗ daatte ele doottem.

Rom 14:17

Aɗinu? Ee lanak amu le lanaknu kobol ele aa Kayaknu ɗo maɗoɗnu diig iitta. Kayaknu ɗo maɗoɗ diig am genab tutukku hak kobol, maɗoɗ kobol, amu maɗoɗppan gamag ahak kobol ele. Keeke amu oh am Kayak Ouɗi Nug he bette.

Rom 14:20

Ag aib ee lanaknuib dabmena, Kayaknu uɗat heppeg nauhom. Am genab, ee oh am lanaknu epeɗiak daatte, amge na keeke laa lae, amu he, danab laa nug oo eeɗak doya na qette dayeb amu, na aakku kobol eheɗ hettem.

1 Timoti 4:3

Danab amu ag ewau matulak kobolnu aib anana, ee laalanu, Kayak Nug danab ag oolagppa genab dootteb, doyak diig genabib ele dootteb, ag ee amunu Kayak binag menana, ee amu aon lakkulagnu he beppig ele amu, hambuppuak danab amu ag ee amu ele lakkulagnu aib atteb.

Taitus 1:15

Am danab ag oolag dubuttid iitta ele amu, ahilagnu keeke oh am oppiaawak ele daatte, amge danab ag dubuttid ele, ag oolagppa genab ii dootteb ele amu, ahilagnu keeke oh am oppiaawak iitta. Ahilag dabmakppa, ahilag ooppan oiyak ippunittaknu ulum eleppa dubuttid aakku teum daatte.

Hibru 13:9

Ippunittak bau digdig, am Nai Ena bia iitta amu, ag doon aib dim lamidppig. Aɗinu? Ig Kayaknu ehanittak okkai hamu mettakppa, Nug dim lamidkkunignu ɠagattag aognig am ena. Ig eenu ɗo kuɗum dim lamidta, ɠagattag amu aognignu hekkunig am ena iitta. Danab laala ag anam henan oippig amge ii ehanattom.

2 Pita 2:18

Danab amu ag akka ag beɗulag human, keeke okkai heppignu hambuppun maditteb. Ag beɗulagppan kobol naunu mattiegeg, danab laa kobol tutukku digmena dim lamidtteb ele amu, ag kobol nau amunu ittag aqebeb dim lamidkkulagnu dabmetteb.