Matyu 14:29 - Nobonob Baibel

²⁹ Pita anam a amu, Jesus aum. “Na do!” awa aum. Nug anam a, Pita nug uub uua noa, le qaɗeppa tappa ukka, Jesus nakok gumitta gokkunu waum.

Matyu 14:29 ပူးပေါင်းရင်းမြစ်များ

Matyu 14:28

Jesus anam a amu, Pita nug Jesus oɗeppa awa, inam aum. “Naɗi, genab am na, na aakku daattem dayeb na appe, da uub uuen, na gumitte wakkul,” awa aum.

Matyu 14:30

Nug anam wanana amu, ulah huanak heehe antta baɗa, le ooppa nokkunu ha, Jesus onigppa ewa aum. “Naɗi, na da ehaniɗe!” awa eum.

Matyu 17:20

Aeg amu Jesus Nug ag amelagppa aum. “Ahilag ooppa genab doyak am iitta bia amunu ag elele iitta. Da genab ag amelagppa attem, ahilag ooppa genab doyak nakokib dayeb, ad mastet aeg bia amu, ag keeke okkai hekkulagnu elele. Ao, ooppa genab doyak ahilag nakokib anam dayeb amu ag qauko umunu, ‘Na ahan laih uppa wa!’ appeg amu, geha wakku. Amunu ag aɗi hekkulagnu daatte amu ag hekkulagnu elele.

Matyu 21:21

Ag anam aeg, Jesus Nug oɗelagppa awa aum. “Da genab ag amelagppa attem, ag oolagppa genab doonna, dabmak laippu ele daanna amu, ag ele da ad figppa hemi amu, ag amubia hekkulag. Am ag keeke amuib ii hemana. Iitta. Ag qauko imu amegppa, ‘Na ahan yuppa ukke!’ appeg amu, nug anam nokku.

Mak 9:23

Nug anam a amu Jesus Nug aum, “Da hekkulnu elele, amge na amunu ootppa genab doottemte? Danab nug ooppa genab doyak ele amu, nug keeke oh hekkunu elele,” awa aum.

Luk 17:6

Aeg amu Naɗi Nug aum. “Ag ahilag ooppa genab doyak am mastet aeg, am aeg nagnag, am amubia dayeb amu, geha ag ad mulber imu, nuhignu, ‘Na diɗin ele oh kakeɗinna, gona yuppa be!’ akkulag amu, nug geha ahilag nai am dim lamidkku.

Aposel 3:16

Amu i Jesusnu oonihppa genab doomuɗ, amuppa Jesus Nug he, danab imu, ag nug anidna dootteb ele, nug enanagib daatte. Yo, i Jesusnu oonihppa genab doottep, ib amuppa Nug he, danab imu nug ag anidtteb bia eɗua ena daatte,” awa aum.

Rom 4:19

Abraham nug doyom, nug maɗ nuhig 100 guguittak, nug beɗu amu bodoettak, amu Sarah nug ele anam daya, ⌊ah mattoi ele dayom⌋, amge Abraham nug amu doya, ooppa genab doyak nuhig ii paɗom. Iitta. Nug ooppa genab doyaya dayom.

Pilipai 4:13

Ib amuam Kristus Nug da ɠagattag meɗe, nuhig ɠagattagppa da keeke oh eleleib hekkulnu elele.