Matyu 14:28 - Nobonob Baibel

²⁸ Jesus anam a amu, Pita nug Jesus oɗeppa awa, inam aum. “Naɗi, genab am na, na aakku daattem dayeb na appe, da uub uuen, na gumitte wakkul,” awa aum.

Matyu 14:28 ပူးပေါင်းရင်းမြစ်များ

Matyu 14:27

Huanak eppig, amge Jesus Nug pahanab amelagppa aum. “Ag ɠagattag dayeg! Ag aib baɗappig. Imu daib,” awa aum.

Matyu 14:29

Pita anam a amu, Jesus aum. “Na do!” awa aum. Nug anam a, Pita nug uub uua noa, le qaɗeppa tappa ukka, Jesus nakok gumitta gokkunu waum.

Matyu 19:27

Jesus Nug anam a amu Pita nug oɗeppa awa aum. “Antte, ig ihinig keeke oh uuta, na dim lamidttem amunu, ig aɗi am ihinignu aognig?” awa aum.

Mak 14:31

Awa a amu Pita nug ɠagattag aum. “Iitta! Da na ele mauhkkunih dayeb amu, da amunu uug ii doottem, amge da nahipnu, ‘Da Nug ii doottem,’ ii apa! Iittanab iitta,” awa aum. Awa a amu ippunittak awak danab laa oh ag anamib appig.

Jon 6:68

Jesus anam a amu, Saimon Pita nug aum. “Naɗi, ig aun toppa gokkunig? Nai nahip aakkuib bauklel hanhannu megatte.

Rom 12:3

Kayak Nug da ehanittak okkai hamu meɗom amu, da amuppa ag anen anen amelagppa attem. Ag akka anen anen ag, “Dahil hak, dahil oiyak ele am enanag,” amge nahip hak, nahip oiyak ele am melemel amuppa ii bette amu, ag anambia aib dabmeppig. Iitta. Kayak Nug ooppa genab doyak ahilag ag anen anen matte, ag uɗat hetteb ele amu, ag amu dabmenan, ag akka anen anen ag dabmak tutukku aon oiyeg!

Jems 1:6

Amge haen danab laa nug oɗmak amu hette amu, nug amu aokkunu ooppa genab doyaɗ! Nug, “Da aokkultai o iittatai?” anam aib dabmeum. Danab nug dabmak anam ele, nug am ɠagattag ii daatte; nug am yu ulah heehe, koɗkoɗ qette amubia daatte.