Matyu 14:20 - Nobonob Baibel

²⁰ Mattaeg, danab ah oh ag laeg, oolag dittie, ee big dayom amu, ippunittak awak danab ag aon, kaleg 12 inaeg, ambeum.

Matyu 14:20 ပူးပေါင်းရင်းမြစ်များ

Eksodas 16:12

“Da Israel dilag naittuɗ mak doyen malami amunu, na ag amelagppa inam a! ‘Tuebnab ag geha teppu lakkulag; aria, buttua amu, geha ag bret lappeg, ag oolag didikku. Ag ee amu lanana, geha ag da am Yawe, ahilag Kayak, ag amu dooglag,’ ” awa aum.

Eksodas 16:8

Aa anam awoya amu, Moses nug nai tuɗitta aum. “Yawe Nug ag nuhignu nai heegeg doyom amunu, Nug tueb ag teppu matteb lakkulag; buttua Nug ee laa matteb, ag labeppeg, ag oolag elele aokku. Yawe Nug ee anam matteb, ag Nug Isipnu omalatta, ippa uɗiom dooglag. Amge ag i amenihppa nai hena atteb amu attemu? I am keeke hamunab. Ag naittuɗ maknu nai maditteb amu, ag nai amuppa aakku Yawe yaatteb. Ag ihinihppa ii hetteb,” awa aum.

Prowerb 13:25

Genab tutukku hak danab ag ee laeg ukke, oolag diditte; amge nau hak danab ag am enug aqatte.

Lewitikas 26:26

Da geha ahilag ee heppi nauhkku amunu, geha plaua nakoknab, ah eblaih tanig ele aakkuib bret manaknu qaɗab laippuppa maiglagnu elele. Ee nagnag aakkuib daakku amunu, ag anen anen ag ee huppu nakok amuib aoglag. Ag aotteb amu, aakku lakkulag, amge ag oolag ii aɗama.

Hagai 1:6

Ag keeke kuɗum ebatteb, amge ag keeke nakokib eɗun aotteb. Ag ee latteb, amge ag oolag ii aɗatte. Ag le latteb, amge ag oolag ii diditte. Ag beɗulagppa lamen metteb, amge ag oug dootteb. Ag men doɗonu uɗat hetteb, amge ag men doɗo aon, ag bek battam giɗo eleppa inatteb bia hetteb,” awa atte.

Matyu 14:21

Danab ee lappig ele am ebqak 5,000 anam. Ah nid naunau ele am ebqak amu ooppa ii daatteb, danabib ebaqappig.

Matyu 15:33

Jesus anam a amu, ippunittak awak danab ag Nug amegppa appig. “Laih ippa amu danab ag ii daatteb amunu, ig adeppanu bret kuɗum, danab ah kuɗum imu dilag elele aopput, ag elele lappeg, oolag didikku?” aon appig.

Matyu 5:6

Danab aun aɗi ag Kayak noobppa genab tutukku daaglagnu oolagppa enug qak bia dootteb ele amu, ag itittak ena aoppig daatteb. Aɗinu? Ag amu ambak aoglag.

Luk 1:53

Danab enug aqak dooppig ele amu Nug he, oolag dittiom. Ao, danab ag enulag ele amu, Nug aɗatte, ag keeke laa ii aɗappig, hamu goppig.

Luk 9:17

Mattaeg, danab ah oh ag laeg, oolag dittie, ee big dayom amu ippunittak awak danab ag aon, kaleg 12 inaeg ambeum.

Jon 6:7

Nug anam od mette amu Pilip oɗeppa awa aum. “Danab oh ag bret huppu nakok nakok lakkulagnu amu, ig bret silwa men doɗo 1,000 eɗittak daden mekkunig daatte,” awa aum.