Matyu 13:52 - Nobonob Baibel

⁵² Ag, “Yo,” aon aeg amu, Nug ag amelagppa aum. “Anam amu ɗo mehuqak danab oh, ag Kayaknu ɗo maɗoɗ ooppa noppig ele amu, ag am lag okkai mameg bia daatteb. Nug keeke maknu oo nuhigppanu keeke alag, bau ele akke do madatte,” awa aum.

Matyu 13:52 ပူးပေါင်းရင်းမြစ်များ

Esra 7:10

Yawe Nug Esra ehanittomnu diig am, Esra nug Yawenu ɗo ippunittak am aokkunu, ɗo amu dim lamidkkunu ele anuqak doyaya oiyom. Nug amunu anuqak doya, Israel danab ah laa, ag Yawenu ɗo naippa ɗo iɗu iɗu aɗi aɗi amuppa daatteb ele ippunadkkunu anuqak ele doya, amu heum.

Esra 7:21

Anam amunu da, King Artekserksis, da ɗo imu iikku mettem. Amuam kingnu men doɗo gumak danab le Yupretis heqo laih appa daatteb ele, ag Esra, nug mana mettak danab, nug Kayak hab attan daattenu ɗonu ippunittak danab ele daatte amu, nug ag aɗi mettaglagnu oɗ matteb amu, ag yagbak doon, nug metteg!

Esra 7:6

Matu anak amuib, Esra amu, nug am nai yaak danab, nug Babilon appanu uɗia, Jerusalem beum. Nug am ippunittak danab laa, nug Mosesnu ɗo nainu sul okkai ha malom. Yawe, Israel dilag Kayak, Nug ɗo amu Israel danab ah mattom. Kayak Nug Esra ehanittom amunu, Esra nug keeke laa oh amunu king oɗ mettom ele, king nug nug mettom.

Prowerb 11:30

Danab ag genab tutukku hak kobol dim lamidtteb amu, amuppa ag heeg, danab laa ag bau daatteb; amu danab doyak dabmak ena ele, nug kobol attem attem, laa ag aon bau oiglagnu ippunadtte.

Prowerb 15:7

Danab doyak dabmak ena ele ag laa doyak ena ele madatteb; amge danab ag Kayak dab-ii-menan ii dim lamidtteb ele, ag anam ii hetteb.

Prowerb 18:4

Danab ⌊doyak dabmak ena ele,⌋ nuhig nai am ⌊meu kuɗumnab ele,⌋ le unuqagnab, amuppa le huanak daatte, amubia. Ao, danab doyak dabmak ena elenu nai am lenag laa wan ooppanu qeppuɗia baabaib ugakka daatte bia.

Solomonnu Ahi 7:13

Appa amu, mandrek ag haɗag mappat-tteb; muttuɗig enanag ahilag am tuala gotte. Aɗi ad meu ena, na amunu oot hette ele amu, da bappaidmi daatte; laa na matu lame, laa na nakok laa lana ii doome ele, da bappaidmi. Amge o danab dahil, na dahilnu oot mauhtte, da amu oh na lanan, ena dookkutnu bappaidmi daatteb.

Matyu 12:35

Danab ena nug ooppa dabmak ena kuɗum niitte, amuppa nug kobol ena he bette, amge eheɗ hak danab nug ooppa dabmak eheɗ kuɗum niitte, amuppa nug kobol eheɗ he bette.

Matyu 13:51

Jesus Nug anam ana, Nug oɗ mattom. “Ag nai mattimi imu oh diig dooppigte?” awa aum. Nug anam oɗ matte amu, ag, “Yo,” appig.

Matyu 13:53

Jesus Nug nai keeke danab ag dootteb ii dootteb ele ouaqata ippuanatta amu oh mattia malowa Nug aab amu uua ukkom.

Matyu 23:34

Amunu ag doyeg! Da propet, amu danab doyak dabmak ena ele, ag Kayak nai tutukku dootteb, amu ippunittak danab ele ana maadppi, ahilagppa uɗiglag. Uɗippeg amu ag laa aqappeg mauhppeg, laa ag ad emaitakppa atuladna, ag laa ahilkad nai doyak lag ooppa bu qaun eleppa eheɗ mataɗadkkulag. Ag mataɗadna, ag lamadppeg, ag aab okkai laappa goppeg, baula lamadppeg, aab okkai laappa gona, anamib oiglag.

Matyu 28:19

amunu, ag gowona, wan atu ohppanu danab ah heppeg, dahilad ippunittak awak danab ah daappeg, ag Mama onigppa, Nug Bekka onigppa, amu Kayak Ouɗi onigppa layatteg!

Luk 11:49

Amu Kayak nuhig doyak enappa amunu Nug matu aum. ‘Da am dahil totol danab am propet ele maadppi, ahilagppa goppeg, ag danab amu laala eheɗ hattaglag, amu ag laala aqappeg mauhkkulag!’ awa aum.

Jon 13:34

Amu gemu da haknunab bau ag madattem. Ag akka akka nug oo mauhak doyeg! Amu da ahilagnu ool mauhom daatte, amubia ag ele ag lailkad dilag oolag mauhaɗ!

2 Korint 6:10

Ig am oonigppa uug elenab, amge haen oh ig maɗoɗppan gamag ahak doottem. Ig daɗek danab bia daattem, amge ig am danab kuɗum keeke kuɗum madattem. Ig am eppenigppa keeke laa ii daatte bia, amge keeke oh am ig aɗattem.

Epesus 3:4

Aria, ag nai imu ebqenana amu, ag da Kristusnu dabmak lokkumak dayom, ag amunu dabmak da aottem ele, ag amu oh doona oolag maidkku.

Epesus 3:8

Da am Kayaknu danab ah oppiaawak ele laa oh noolagppa keeke hamunab daattem, amge Kayak Nug ehanittak okkai hamu meɗa, Nug da iitta aɗi noolagppa Kristusnu keeke ena ohnu, danab nug amu antta dookkunu elele iitta, nai amu mehuqkkulnu meiɗom.

Kolosi 1:7

Epapras, i lainihnab, nug am Kristusnu maɗi nid ena, ihinih uɗat laippu, nug i ehanita, Kristusnu uɗat hekkunu oo metta ii uuak kobolppa hette ele amu, nug ag Jesusnu Nai Ena ippuanatte, ag dooppig.

Kolosi 3:16

Kristusnu nai enanag meu ele ag oolagppa daakkuoitte! Ag akka akka doyak dabmak ena eleppa nug ippunidnana, nug ehanittak ele heig! Ag oolagppa Kayak amegppa, “Ena hen mekkame” anana, ag sam, mettidnu ahi, amu Kayak binag maknu ahi ele etteg!

1 Timoti 3:6

Kristen bau nug enaen mak, ikki okkai kobol ele haaha, nug Satan na qa nob nau awom bia na qemanu, nug Kristen tamaniaknu gumaknu ikki aib dayom.

Taitus 1:9

Nug danab ah ippunittak nai genab ena eleppa oolag ɠagattag qekkunu, nug ɗo tappe nak danab nai amuppa toliadkkunu, nug nai danab aun aɗi ag nai amunu oolagppa genab doon ib ii apiɗidmana, tamaniak dilag ikki danab ag nai amu danab ah ippunatteg uɗie, gemu ele hetteb amu, nug nai amu ɠagattag aɗaɗ!