Matyu 13:5 - Nobonob Baibel

⁵ Ee aeg laala ag wan men duqe ukkak amuppa nena qeppig; amu wan unuqag iitta amunu pahanab beppig,

Matyu 13:5 ပူးပေါင်းရင်းမြစ်များ

Esekiel 11:19

Ag amu heppeg, da heppi, ag daib dim lamiɗkkulagnu oolag daakku. Da dabmak bau ag oolagppa mekkul. Da heppi, oo alag ahilagppa ii daama. Iitta! Da heppi, ag daib dim lamiɗkkulagnu oolag daakku.

Esekiel 36:26

Da amu hewoya, da ag oolag alag hiɗe, oolag bau madakkul. Da heppi, ag dabmak laa ele aɗan oiglag. Ag oolag alag am ɠagattagnab, men bia, amge da amu hiɗen, oolag bau, oolag ena, ɠagattagnab men bia iitta, oolag amu da ag madakkul.

Amos 6:12

Hos ag qauko igippa menppa qaiettan ii oitteb. Ao, appa danab ag dad hekkulagnu makau okkai ebehi eleppa wan ii buutteb amunu, aɗinu ag Israel danab ⌊laa,⌋ nai doya mala hettoɗia epeɗia elele mettak kobol aon kabolin heeg, uud tiig mua nau ele bette. Ao, ag Israel danab ⌊laa⌋, aɗinu ag heeg, genab tutukku hak kobol am uud ad tiig mua ele, danab lawowa, ena iinab dootte, am amubia daatte?

Sekaraia 7:12

Ag ahilag dabmak dim lamidkkulagnu, ag eɗun Yawe dim lamidmananu dabmenana heegeg, dabmak ahilag amu ɠagattagnab eppe, ag ɗo nai, Yawe Nukka Ɠagattag Oh Ele ag dooglagnu me uɗiom, ag amu doyaknu uuppig. Yawenu Ouɗi Nug propet danab anukkanu nai matte, ag danab ah amelagppa mattieg dooppig, amge ag nuhig nai amu ele dooglagnu uuppig, diig amunu Yawe Nukka Ɠagattag Oh Ele Nug ahilagnu oo nauhak huanak doyom.

Matyu 13:20

Aria, ee aeg wan men duqe ukkakppa nena qeppig ele amu, nai amu inam ippunigtte. Danab laa nug nai doya, oo gamag ahehe, pahanab aotte.

Matyu 13:4

Nug tauɗa ugekke, ee aeg laala danab ib oittebppa nena qena niiegeg, ai ag uɗin, ee aeg amu lappig.

Matyu 13:6

amge haen aam na, keeke beppig ele qe amu, ag diɗilag wan ooppanab ii noum amunu bunaɗppig.

Mak 4:16

Amu ee aeg men duqe ukkakppa nena qeppig ele amu, nai amu inam ippunigtte. Danab laa ag nai doon, oolag gamag ahehe, pahanab aotteb,

Mak 4:5

Ee aeg laala ag wan men duqe ukkak amuppa nena qeppig amu, wan unuqag iitta amunu pahanab beppig,