Matyu 13:44 - Nobonob Baibel

⁴⁴ Jesus nai anam mattiowa, Kayaknu ɗo maɗoɗnu, keeke danab dootteb ii dootteb ele ouaqata, ippuanatta, imu mattiom. Mattiaya Nug aum. “Kayaknu ɗo maɗoɗ am enub okkainab ele dad okkaippa lokkumak dayom, am amubia. Danab laa nug enub amu antta, baula awa lokkumowa, nug gamag ahak okkainab doya, nug nukka keeke nuhig oh me, daden meeg, men doɗo amu awa ukka, nug wan amu daden meum.

Matyu 13:44 ပူးပေါင်းရင်းမြစ်များ

Job 28:13

Danab ag keeke laalanu, ‘Am keeke okkai, ig amu aognignu men doɗo okkainab eta aognig am nai iitta,’ dootteb, amge ag doyak dabmak ena ele aoglagnu am keeke laa oh eɗittak ii dootteb. Ao, danab wanppa bau daatteb amu, amu oh oolagppa laa nug wanppa aben laappa ukka, doyak dabmak ena ele aokkunu elele iitta.

Prowerb 16:16

Danab nug doyak dabmak ena ele aokku, amuam ena, am gol awak eɗidtte. Ao, danab nug diignu doyak tutukku, nug amu aokkun dabmekku, amuam ena, am silwa awak eɗidtte.

Prowerb 17:16

Danab nug Kayak dab-ii-maama ii dim lamidtte ele, nug men doɗo aɗakkunu am meu iitta; amunu diig am, nug doyak dabmak ena ele aokkunu nakok laa ii dabmette.

Prowerb 18:1

Danab nug laa oh ele nug mehqak hette, nug nukka nug oo hette amuib aokkun wagai mette; nug epeɗia ha dabmak ena awak oh dimedatta, tappe nette.

Prowerb 23:23

Na doyak diig genabib ele aon, aib paɗappe ukkom; na hanhan doyak dabmak ena ele, laa nukka nuhig oiyak pehettak atognotte, diignu doyak tutukku ele, na kobol amu oh dim lamitte.

Aisaia 55:1

Yawe atte. “Oe! Ag aun aɗi, ag le baalag diitte, ag leppa uɗin le laig! Ao, ag aun aɗi oh ag men doɗo iitta ele, ag amunu aib dabmeppig; ee ippa ina daattede, ag uɗin laig! Ge, ag men doɗo iitta ele, ag uɗin, wain, huh ele hamu aon laig!

Matyu 13:24

Jesus baula ele keeke danab ag dootteb ii dootteb ele ouaqata ippuanatta, mattia aum. “Kayaknu ɗo maɗoɗ am danab laa, nug wit aeg ena dad okkai nuhigppa tauɗom, amubia daatte.

Matyu 13:46

Nug perl laippu amu, nuhig nob okkainab, amu mattia anttowa amu, nug nuhig keeke oh me, daden meeg, men doɗo amu awa, perl amu daden ma awom.

Matyu 13:47

Aria laa amu, Kayaknu ɗo maɗoɗ am uhui ag le amegppa eeg no, kakai digdignu noppig, am amubia.

Matyu 19:21

A amu Jesus Nug amegppa aum. “Na genab tutukku hak danab elelenab bekkutnu amu na gona, na enun oh meppe, danab laala daden meppeg, na men doɗo amu oh aon, daɗek danab mattona amu, na hab attan enun okkai ele daakkut. Anam hewona amu na eɗun dona, da dim lamiɗe!” awa aum.

Matyu 19:27

Jesus Nug anam a amu Pita nug oɗeppa awa aum. “Antte, ig ihinig keeke oh uuta, na dim lamidttem amunu, ig aɗi am ihinignu aognig?” awa aum.

Matyu 19:29

Aria, danab aun nug da onilnu ha, nug anig, mameg, awakkud, amakkud, apakkud, appinkkud, nug wau, bekkod, aɗekkud, nug laug amu nuhig dad okkai ele uuatta, da dim lamiɗtte amu, nug hamu ii daama. Iitta. Nug amu bia amge laippuib iitta, nug 100 awa, nug bauklel hanhannu ele aokku.

Matyu 6:21

Aben adekkuppa ag enulkad daatte ele amu, ahilag dabmak ele am appaib daakku.

Luk 14:33

Amge amubia ag oolagppanu danab nug nuhig keeke oh uuatta ii dimadatte dayeb, aria nug dahil ippunittak awak danab daakkunu elele iitta,” awa aum.

Jon 6:35

Aon aeg amu Jesus Nug aum. “Bauklelnu bret am da. Danab nug dahilppa dotte amu, nug enug qak baula ii dooma. Am danab nug dahilnu ooppa genab dootte amu, nug le baag diiak baula ii dooma.

Rom 15:4

Danab ag Kayak nai yaappig amu, ig nai amu ebqetata, ig ippunittak aognignu yaappig. Ig Kayak aɗi keeke ena megakkunu aumnu dabmak aɗat daagnignu, ig nai amu ebqetata, ig oo maɗoɗ ele dayak kobol anidta doot, ig Kayak tuɗidta dim lamidkkunignu oonigppa ɠagattag qak ele aottem.

Kolosi 2:3

Nuhigppaib doyak dabmak ena ele oh, amu doyak oh ele lokkuma daatte.

Kolosi 3:16

Kristusnu nai enanag meu ele ag oolagppa daakkuoitte! Ag akka akka doyak dabmak ena eleppa nug ippunidnana, nug ehanittak ele heig! Ag oolagppa Kayak amegppa, “Ena hen mekkame” anana, ag sam, mettidnu ahi, amu Kayak binag maknu ahi ele etteg!

Hibru 10:34

Amu ag danab maniguittakppa daappig, ag amu dilag oolag doyom. Amu haen laala dimittim danab ag uɗin, ahilkad keeke ena ena aɗadna diippig, amge ag amunu oolag ii nauhom. Iitta. Ag maɗoɗppan gamag ahak doon uueg aoppig. Aɗinu? Ag ahilag keeke ena hanhannu, dimppa aoglagnu appa ana daatte dooppig.

Revelesen 3:18

Anam amunu, da ulum mettak nai imu na medattem. Na enun ele daakkutnu, na gol babaitta epeɗia awak dahilppanu daden mena, na bam iittanu uɗa nak doomnanu, na lamen hakkab ele dahilppanu daden mena, aria, na neegna keeke anidkkutnu, na marasin na amenppa mekkutnu ele dahilppanu daden me!