Matyu 13:4 - Nobonob Baibel

⁴ Nug tauɗa ugekke, ee aeg laala danab ib oittebppa nena qena niiegeg, ai ag uɗin, ee aeg amu lappig.

Matyu 13:4 ပူးပေါင်းရင်းမြစ်များ

Matyu 13:3

Ag anam daaegeg, Jesus Nug keeke danab ag dootteb ii dootteb ele ouaqata ippuanittak naippa keeke kuɗum ag amelagppa mattiom. Nug inam mattia aum. “Ee aeg eppak danab nug ee aeg ebakkunu aha, dad okkaippa ukka ee eppaknu abenppa oiyaya, ee aeg tauɗom.

Matyu 13:5

Ee aeg laala ag wan men duqe ukkak amuppa nena qeppig; amu wan unuqag iitta amunu pahanab beppig,

Mak 4:4

dad okkaippa ukka ee eppaknu abenppa oiyaya, ee aeg tauɗom. Nug tauɗa ugekke, ee aeg laala danab ib oittebppa nena qena niiegeg, ai ag uɗin, ee aeg amu lappig.

Luk 18:35

Aria Jesus Nug ukka, Jeriko guguittette, danab laa ameg gaɗuak ele nug ib daugppa dayaya, danab ah men doɗo mettaglagnu ewa unuqattatta dayom.

Luk 8:5

“Ee eppak danab nug ee aeg ebakkunu aha, dad okkaippa ukka ee eppaknu abenppa oiyaya, ee aeg tauɗom. Nug tauɗa ugekke, ee aeg laala danab ib oittebppa nena qena niiegeg, danab ag tappaeg, ai ag uɗin, ee aeg amu lappig.