Matyu 13:3 - Nobonob Baibel

³ Ag anam daaegeg, Jesus Nug keeke danab ag dootteb ii dootteb ele ouaqata ippuanittak naippa keeke kuɗum ag amelagppa mattiom. Nug inam mattia aum. “Ee aeg eppak danab nug ee aeg ebakkunu aha, dad okkaippa ukka ee eppaknu abenppa oiyaya, ee aeg tauɗom.

Matyu 13:3 ပူးပေါင်းရင်းမြစ်များ

Sam 49:4

Da daul humen, oiyak ehanittaknu nai tutu laa doyen appi dooglag. Ao, da harp qeinne, nai amu mehuqppi dooglag.

Sam 78:2

Da keeke danab ag dootteb ii dootteb ele ouaqaten ippuanatten, nai madikkul. Ao, keeke tatam tatam beppig, lokkumak daatteb amu, da am mehuqe appi dooglag.

Esekiel 17:2

“Danab bekka, na keeke danab ag dootteb ii dootteb ele ouaqata ippunittak nai imu, am dottognu naippa keeke ippunigtte amu, na nai imu Israel danab ah amelagppa anan,

Esekiel 20:49

Yawe Nug anam a amu, da ami. “O Naɗi Yawe, gadon, na nai amubia laala ele meɗae, da mattimi, amge Israel danab ah ag tuɗidna, dahilnu, ‘Nug keeke danab ag dootteb ii dootteb ele ouaqata ippunittak nai aakkuib iite maditte,’ atteb amunu, da attem hein, nai amubia baula appi dooglag,” awe ami.

Maika 2:4

Da hekkul, deɗ amuppa danab laala ⌊ag Israel danab ah daatteb bia ippu hak hena⌋, ag ag aon aon aqaglag. Ao, ag ag aon aon aqana, ag ahi oo doyak naunab ele inam ettaglag. ‘Ig Israel, ig padal meta autta auttanab aomut. Kekeɗ ag ihinkad keeke oppatna aon, ahilag aɗatteb. Yawe Nug he, ihinig keeke ig eppenigppa ii daatte. Nug wan ihinkad, kekeɗ ihinkad eppelagppa meum.’ Ag ahi ettan, anam akkulag.” Yawe Nug anam atte.

Habakuk 2:6

Nug anam haaha daatte, amge da, Yawe, da heppi, wan atu ohppan danab ah ag nuhignu, ‘Keeke hamunab,’ iite doon, nug aon aon qettaglag? Ag nug aon aon qettan, inam akkulag. ‘Laa nug wagai ma, danab ah dilag keeke yab awa, qagmette ele, nuhignu am gadonnab gadon. Ao, laa nug keeke lokkumakppa awaknu duttuna hak kobol dim lamitta, en kuɗum aotte amu, nuhignu am gadonnab gadon. Nug amu tuɗitta ii hema,’ aon akkulag.

Matyu 13:4

Nug tauɗa ugekke, ee aeg laala danab ib oittebppa nena qena niiegeg, ai ag uɗin, ee aeg amu lappig.

Matyu 13:53

Jesus Nug nai keeke danab ag dootteb ii dootteb ele ouaqata ippuanatta amu oh mattia malowa Nug aab amu uua ukkom.

Matyu 22:1

Jesus baula keeke danab ag dootteb ii dootteb ele ouaqata, ippuanatta aum.

Matyu 24:32

Nai amunu amu ag ad fignu kobol dabmena dabmak aweg! Ag ad fig nug uɗug bau bekkunu digma haultte anidna amu, ag haen amuppa, ‘Aam haen aakku digmette,’ aon atteb.

Mak 12:1

Jesus Nug anam awowa amu Nug digma, keeke danab ag dootteb ii dootteb ele ouaqata ippuanittak nai laala inam aum. “Danab laa nug grep dad eppowa, aɗ ita, dad ooppa grep meu tappa leppu awaknu aben laa ha, nug neekkeb ukkeb, aɗi uɗitteb anttaknu lag attan ta ukkak laa ele heum. Aria, nug uɗat amu oh ha mala, nug dad uɗat danab eppelagppa mewowa, nug aha, atu laih umanab ukkom.

Mak 12:12

Jesus Nug anam a amu, Juda danab okkai ag Jesus Nug keeke danab ag dootteb ii dootteb ele ouaqata ippuanittak nai amu ag eheɗ hak ahilag anidkkulagnu mattiom dooppig amunu, ag Jesus aɗaglagnu ib madippig. Madippig amge ag danab ah kuɗum ⌊appa daappig⌋ ele baɗadppig amunu, ag Jesus uuidna goppig.

Mak 3:23

Ag anam aeg amu Jesus Nug he, ag gumidna doeg, Nug keeke danab ag dootteb ii dootteb ele ouaqata, ippuanatta nai amuppa amelagppa inam aum. “Satan nug attemu Satan lamidkkunu elele?

Mak 4:13

Jesus Nug anam ana amu, Nug Nai baula tuɗitta aum. “Da keeke danab ag dootteb ii dootteb ele ouaqaten ippuanatten ami amu, nai amuam uug iitta, amge ag meunab nuhig ii dooppig amunu, dimppa da nai amubia, amge ɠagattag ele madippi, ag attem oolag maidkku?

Mak 4:33

Jesus Nug nuhig nai keeke danab ag dootteb ii dootteb ele ouaqata ippuanittak nai kuɗum amubiappa danab ah amelagppa mattiom. Ib amuppa Nug ag dooglagnu elele daappig, Nug amu ippuanattom.

Luk 12:41

Jesus anam awa a aria Pita nug Jesus oɗ mettom. “Naɗi, na keeke danab ag dootteb ii dootteb ele ouaqatna ippunittak nai mattime ele amu, na ihinignuib amete o iitta na danab oh dilag amete?” awa oɗ mettom.

Luk 8:10

Oɗ mettaeg amu Jesus Nug aum. “Ag dahilad amu, Kayak Nug ag Kayaknu ɗo maɗoɗnu keeke diig lokkumak amu dooglagnu doyak mattom amunu ag dootteb, amge da danab laa amelagppa keeke danab ag dootteb ii dootteb ele ouaqata ippuanattak naippaib madittem. Amunu diig am, ‘Ag neegkkulag, amge ag diig tutukku anidkkulagtai, o tutukku iitai anidkkulag. Ag nai daulagppa dooglag, amge ag nai meu am tutukku dooglagtai, o tutukku iitai dooglag,’ ” awa aum.

Jon 16:25

Da keeke danab ag dootteb ii dootteb ele ouaqate ippuanattette, keeke imu ohnu ag amelagppa mattimi, amge geha haen uɗieb, da baula ag amelagppa anam bia ii madipa. Iitta! Da nai miag matule, Mamenu madikkul.