Matyu 13:25 - Nobonob Baibel

²⁵ Danab amu nug tauɗom, amge tuqan, danab ah niiegeg, danab wit aeg tauɗom ele, nuhig kekeɗ laa uɗia, gikkiɗah nau haɗag wit dad okkai amuppa tauɗowa ukkom.

Matyu 13:25 ပူးပေါင်းရင်းမြစ်များ

1 King 3:20

Am tuqan tugmag da, nahip maɗi ah, da niiiyi, nug dahil nid, dahil betppanu awa, nuhig betppa mewowa, nuhig nid amu, nug dahil betppa meum.

Matyu 13:24

Jesus baula ele keeke danab ag dootteb ii dootteb ele ouaqata ippuanatta, mattia aum. “Kayaknu ɗo maɗoɗ am danab laa, nug wit aeg ena dad okkai nuhigppa tauɗom, amubia daatte.

Matyu 13:26

Dimppa wit amu ba meu o amu, ag gikkiɗah nau ele ba okkai meeme anidppig.

Matyu 13:27

Antteg amu, maɗi nid nuhikkud ag dad okkai mameg toppa gona appig. ‘Danab naɗi, na wit aeg enaib dad nahip-ppa tauɗme amunu, attem he, gikkiɗah nau ele beum?’ aon appig.

Matyu 13:29

Ag anam oɗ medappig, amge nug ag amelagppa aum. ‘Iitta. Ag gikkiɗah nau hiɗanna amu, wit ele hiɗaladmanade!

Matyu 13:30

Uuppeg, aɗit oh meu awak haen ameg mak beiɗ! Bepeɗ, da meu awak haenppa meu awak danab amelagppa appi, gikkiɗah nau tatam hiɗaladna, ehakkadna, aab aɗuppa manaknu mekkulag, amge ag wit qagmena, ee bakkale lag dahilppa mekkulag,’ ” awa aum.

Matyu 13:39

Amu kekeɗ gikkiɗah nau haɗag dad okkaippa tauɗom ele amu Satan. Aria, ee meu awak haen, amuam gog tak haen. Ee awak maɗi nid am Kayaknu engel.

Matyu 25:5

Am danab ah aokkun heum ele nug paha ii uɗie, ah makkun ag oh amelag ne niippig.

Galesia 2:4

Nai imu beumnu diig am, ihinkad laa, ag gaɗalagib Kristen, ag qagmakppa ii uɗilob amge ag oqeqaɗak uɗin, ag lokkumakppa nai italak danab daanna, ag Kristus Jesus uhuqak mekke, ig qakkak iitta daattem anidkkulagnu hena, ag awigna, ɗo waappa begbeg maɗi nid daagnignu meigkkulagnu heppig.

Hibru 12:15

Danab laa nug Kayaknu ehanittak okkai hamu megatte ele amu dimetta na qemanu dabmeig! Ag oolagppa danab laa nug ad laa tiig mua ele, danab lanana mauhtteb ele, amubia dayaya, nug heeb, uug aqeb, ag kuɗum ag Kayak amegppa dubuttid ele daamnanu ele dabmeig!

1 Pita 5:8

Ag hanhan dabmena autna aweg! Satan, kekeɗ ahilag, nug am laion laa bia danab laa diia lakkunu oiyaya, huanak gayaya oitte.

2 Pita 2:1

Propet hambuppuak ag anukka danab oolagppa oidppig amubianab ippunittak danab hambuppuak ag geha ag gemu daatteb, ag oolagppa bena oiglag. Amu ag geha lokkumakppa hambuppualadppeg, kobol adekku dim lamidkkulagnu amu dabmekkulag. Hambuppuak kobol amu ag keeke heeg nauhtte. Amu ele, danab amu ag Naɗi Yawe, Nug ag hipuninnu qagaiettakppanu eɗua uhuqattom ele amu, ag Nug guhuɗidkkulag amunu, danab amu ag aakku akka padal mekkulagnu hetteb.

Revelesen 12:9

Amunu ⌊Maikel, nuhikkud engel ele⌋ ag nug maoeg wanppa noum. Mat naɗinab amu nug anukkanu, nug onig laa am Satan, onig laa am Dewel. Nug wanppanu danab ah oh hambuppualadtte ele. Ag nug maoeg wanppa noum, nuhikkud daup oh ele buɗiatteg wanppa noppig.

Revelesen 13:14

Kayak nug doɗ dakkuɗ geha ahom ele amu, Nug nuhig ib oo ii neum amunu, nug uɗat digdig amu, amuppa doɗ dakkuɗ tatamnu amu ehanitta heum. Amu kobol amuppa wanppanu danab ah hambuppualattom. Nug danab amelagppa inam aum. “Ag doɗ dakkuɗ anukka qep elabppa yaak awom, amge ii mauhom, nug bau dayom, ag nug dottog hoina, binag meig!” awa aum.

Revelesen 2:20

Amge eheɗ hak nahip laippu imunu da na amenppa iikku attem. Na ah Jesebel, nug nuhig haknu amu, na nug amegppa aib ii attem. Nug, ‘Da am propet ah,’ awa atte, amge nug anam ii daatte. Nug ippunittak hette, amuppa nug he, dahil maɗi nid ag gappai kobol hena, laa doɗ main kayak hambuppuak dottolkad madappig ele, ag doɗ amu ele latteb.