Matyu 13:21 - Nobonob Baibel

²¹ Nug nai doya aotte, amge nuhig ooppa genab doyak am ɠagattag iitta, haen tutunuib amunu, deɗ laa nug Kayaknu nai dim lamidtte, diig amunu uug laa bette o danab laala ag nuhigppa eheɗ hetteb amu, nug pahanab nuhig ooppa genab doyak paɗatte.

Matyu 13:21 ပူးပေါင်းရင်းမြစ်များ

Job 19:28

Anam amunu, ag dahilnu, ‘Nug eheɗ he, Kayak bu medatte amunu, ig genab, ig nug amegppa ii daye daye amunu akkunig,’ akkulag dayeb amu,

Sam 36:3

Nau hak danab ag hanhan nai nau, hambuppuak ele maditteb. Ag doyak dabmak ena ele, am kobol ena ele ii dim lamidtteb.

Prowerb 12:12

Eheɗ hak danab ag keeke yabhok ibuppa aotteb, amu nau hak danab ag keeke amu ag eppelagppanu aoglagnu oolag hette; amge Kayak he, genab tutukku hak danab ag ɠagattag, ad diɗi ɠagattag daatte, ag amubia daatteb.

Prowerb 12:3

Danab nug nau hak haaha, nug ena, ɠagattag daakkunu elele iitta; amge genab tutukku hak danab nug am ad diɗi ena ele, ɠagattag daatte, amubia daatte.

Hosea 6:4

⌊Am Yawe Nug atte.⌋ “Ag Israel danab ah, da aɗi heppi, ag kobol ena hekkulag? Ao, ag Juda danab ah, da aɗi heppi, ag kobol ena hekkulag? Oo mauhaknab kobol ahilag dahilnu am buttua buttuɗai paha oppia gotte bia iitta mette. Yo, oo mauhak kobol ahilag dahilnu am buttua baito paha qaɗaiedatte bia iitta mette.

Matyu 10:22

Da onil ahilagppa daatte amunu, danab oh ag oolagppa ahilagnu nau ninig ele dooglag, amge laa nug ɠagattag dayebeb ukkeb, keeke oh ba maleb, haen amuppa ele nug ɠagattag daakku amu, nug padal ii mema.

Matyu 11:6

Amu danab aun nug nuhig ooppa genab doyak dahilnu ii paɗe nette amu, nug itittak ena awom daatte,” awa aum.

Matyu 13:20

Aria, ee aeg wan men duqe ukkakppa nena qeppig ele amu, nai amu inam ippunigtte. Danab laa nug nai doya, oo gamag ahehe, pahanab aotte.

Matyu 13:57

Ag anam anana ag oolagppa Jesusnu ena ii dooppig, amge Jesus Nug ag amelagppa aum. “Propet nug aab ohppa amu binag ele, amge nug appag diigppa amu nug laugppa ele amu nug binag iitta,” awa aum.

Matyu 13:6

amge haen aam na, keeke beppig ele qe amu, ag diɗilag wan ooppanab ii noum amunu bunaɗppig.

Matyu 24:13

amge laa nug ɠagattag dayebeb ukkeb, keeke oh ba maleb, haen amuppa ele nug ɠagattag daakku amu, nug padal ii mema.

Matyu 26:31

Ag gona, Jesus Nug ag amelagppa aum. “Kayak naippa yaak laa niitte am inam. ‘Da sipsip gumak danab qeppi mauheb, sipsip ag oolna matatun gokkulag,’ amunu yaak amubia, gemu tuqan imu ag oh dahilnu uug doon, uuiɗna oolna gokkulag.

Matyu 26:33

Amge Pita nug oɗeppa awa aum. “Danab laa oh ag nahipnu uug doon, uuidna oolna gokkulagtai, amge da am anam ii hepa,” awa aum.

Mak 4:17

amge ahilag ooppa genab doyak am ɠagattag iitta, haen tutunuib amunu, deɗ laa ag Kayaknu nai dim lamidtteb, diig amunu uug laa bette, o danab laala ag eheɗ hadatteb amu, ag pahanab ahilag ooppa genab doyak paɗatteb.

Luk 8:13

Amu ee aeg men duqe ukkakppa nena qeppig ele, nai amu inam ippunigtte. Danab laa ag nai doon, oolag gamag ahehe, pahanab aotteb, amge ahilag ooppa genab doyak am ɠagattag iitta, haen tutuib daatte amunu, deɗ laa ahilag ooppa genab doyak iitta mekkunu uug laa be, ag paha ahilag ooppa genab doyak paɗatteb.

Jon 6:26

Anam aeg amu Jesus oɗelagppa awa aum. “Da genabnab genab ag amelagppa attem. Ag Kayak dabmettaknu kobol danab haknu elele iitta da hemi amu, ag amu anidppig, amge ag diig amunu da ii mattiɗna uɗippig. Iitta. Ag bret laeg, oolag dittiom amunuib uɗippig.

Rom 2:7

Danab laala ag binag amahlak oppiaawak ele, bau hanhan dayak, binag ele mattinna, kobol tutukku hetteb amu, geha Kayak Nug danab amu bauklel hanhannu madakku.

Galesia 5:6

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Nuhigppa keeke laippuib am okkai daatte. Amuam danab nug ooppa genab doya, laa dilagnu oo mauhtte.

Galesia 6:12

Danab laala ag onilag okkai ele daaglagnu hetteb, ag Galesia danab ag gaɗalag otaɗkkulagnu wagainab metteb ele amu, ag diig laippuppaib hetteb. Amuam inam. Ag danab laala ag Kristus ad emaitakppa ehanigkkunu mauhom oolagppa genab ii dootteb dabmenana, eheɗ hattamnanu gaɗa otaɗaknu nai amu huana maditteb.

Galesia 6:15

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Kayak Nug he, ig danab Kristusnu uɗat okkaippa bau menuak aot daattem amuib am keeke ena, keeke genabnab daatte.

Epesus 3:17

ag ahilag ooppa genab doyakppa Kristus Nug ag oolagppa daakkunu, amu Kayaknu oo mauhak ag ɠagattag aqeb, ad diɗi nug wan aɗe ad ɠagattag daatte, amubia ag ɠagattag daaglagnu unuqidttem.

Pilipai 1:6

da imu am genabib genab doottem. Kayak Nug ahilagppa uɗat enanag digmeum amu, Nug uɗat amu tuɗitta heeb ukkeb ukkeb, Kristus Jesusnu deɗppa gog tekku.

2 Timoti 1:15

Na doome, Asia danab ag oh da uuiɗna goppig; danab amunu oolagppa am Pigelus, Hermogenes ele.

Jems 3:2

Am ig oh haen kuɗum taataɗ qettak hettem, amge danab laa nug nai mattiak nuhigppa eheɗ laa ii hette dayeb amu, nug danab elelenab; nug nuhig meu oh ena atognokkunu elele.

1 Pita 1:5

Amu ahilag ooppa genab doyakppa Kayak Nug nuhig ɠagattagppa ag atognoadtte. Nug ag atognoatteb ukkeb, ehanittak okkai ahilagnu Nug babaittom daatte amu, gog tak haenppa ag aoglag.

Revelesen 2:13

Da nahip dayak adeppa daatte amu, da doottem. Satan nug aben amuppa nug okkai daatte, amge na da onil ɠagattag aɗattem. Na dahilnu ootppa genab doottem, amu anukka Antipas, nug oo metta ii uuak kobol dim lamitta nai dahil mehuqttom ele, nug mehuqeqe, na appanppa, Satan aguppa daatte amu, appa laa ag Antipas qeeg mauhom, amge haen amuppa ele na ooppa genab doyak nahip dahilnu ii paɗame.