Matyu 13:20 - Nobonob Baibel

²⁰ Aria, ee aeg wan men duqe ukkakppa nena qeppig ele amu, nai amu inam ippunigtte. Danab laa nug nai doya, oo gamag ahehe, pahanab aotte.

Matyu 13:20 ပူးပေါင်းရင်းမြစ်များ

2 Stori 24:14

Danab ag uɗat amu heppig amu, ag uɗat heeg ukke, lag babaittak amu oh hena malaeg, men doɗo iitta ii meum amunu, men doɗo amu ag aon gona, King Joas, Jehoiada ele mataeg, aa heeh, uɗat amu haknu doyak danab ag Lewi buɗub ag Yawenu mettid lag, amuppa maɗi ahilag hekkulagnu keeke heppig. Keeke amuam doɗ mana mettaknu huɗup keeke, tappiɗ, amu keeke laala ele gol, silwappa hak ele. Amu Jehoiada nug bau dayeye, mana mettak danab ag hanhan Yawenu mettid lag, amuppa manaknu ofa hedappig.

2 Stori 24:2

Joas nug anam king ba daye, mana mettak danab Jehoiada nug bau dayeye amu, haen amu oh Joas nug Yawenu neekkakppa kobol genab tutukku ele dim lamittom.

2 Stori 24:6

Ag paha ii heppig amunu, king nug mana mettak ikki danab Jehoiada onigppa e do, nug Jehoiada amegppa aum. “Anukkanab Yawenu maɗi nid Moses, nug Israel danab oh ag takis laa maɗ anen anen mekkulagnu nai qakkom. Men doɗo amuppa anukka ag Kayaknu mettid haknu peh lag men maha aɗit ɗo nai yaak niitte ele appa daattep bappaidppig, ⌊gemu ig ele amubia lag imu bappaidkkunig⌋. Anam amu, aɗinu na Lewi buɗub ag gona, Juda danab, laa Jerusalemnu, laa Juda wanppa laih laihnu ele, ag eppelagppanu men doɗo Yawe mettaglagnu daatte aoglagnu ii tappaɗna duttunadme?” awa oɗ metta aum.

Aisaia 58:2

Deɗ oh Israel danab ag ⌊gaɗalagppaib⌋ da aniɗna dim lamiɗkkulagnu mattiɗtteb, ag dahil nai dooglagnu hetteb bia hetteb, ⌊amge ag keeke amu oh ag oolagppa ele ii hetteb⌋. Ag huu laa kobol tutukku dim lamidtteb, dahil ɗo di-ii-mettan oitteb, ag huu amu, ag kobol amu genab hetteb bia ⌊dimittimnuib⌋ hetteb. Ag anam heegeg, laa anadna, ‘Danab ah umu ag genab Kayaknu ib dim lamidkkulagnu oolag hette,’ atteb, amge iitta! Ag da, Kayak, ag da hettoɗiakppa nai doya mala hettoɗia epeɗia elele mettak kobol dim lamidkkulnu anana, ag da Kayak, ag dahilnu, ‘Nug ig guguikka uɗikkunu oonig hette,’ ele atteb ⌊amge ag amu oh am gaɗalkadppaib hetteb. Oolagppa ele ii hetteb⌋.

Matyu 13:19

Haen danab laa nug Kayaknu ɗo maɗoɗnu nai doya, oo ii maidtte amu, Satan nug paha he, Kayak nai nug ooppa dayom iitta mette. Ee aeg ibppa nena qeppig ele amu, nai amu anam ippunigtte.

Matyu 13:21

Nug nai doya aotte, amge nuhig ooppa genab doyak am ɠagattag iitta, haen tutunuib amunu, deɗ laa nug Kayaknu nai dim lamidtte, diig amunu uug laa bette o danab laala ag nuhigppa eheɗ hetteb amu, nug pahanab nuhig ooppa genab doyak paɗatte.

Matyu 7:8

Aun nug Kayak unuqidtte, nug aotte. Aun nug maditte, nug anidtte. Aun nug od qeqaltte, Kayak Nug od matultte.

Mak 6:20

Aɗinu? Herot nug doyom, Jon am genab tutukku hak danab, Kayaknu danab oppiaawak ele amunu, Herot nug heeb mauhmanu baɗa atognoum. Amu deɗ laala Herot nug Jon nai madikkunu onigppa e uɗia, nai mattie amu Herot nug Jonnu nai amunu dabmak kuɗum awom, amge nug nai amu dookkunu oo ele dayom.

Jon 5:35

Jon nug amu lam amahaltte bia, nug amahlak ag mattom. Matte, ag haen tutu amunu oolag ena daye, gamag ahak dooglagnu ena dooppig.

Aposel 8:13

Ag layattak aoegeg, Saimon ele ooppa genab doya, layattak awe, Pilip ele daaya, Pilip nug Kayak dabmettaknu kobol danab haknu elele iitta digdig okkai hatte antta, nug ottaia dabmak kuɗum awom.