Matyu 13:19 - Nobonob Baibel

¹⁹ Haen danab laa nug Kayaknu ɗo maɗoɗnu nai doya, oo ii maidtte amu, Satan nug paha he, Kayak nai nug ooppa dayom iitta mette. Ee aeg ibppa nena qeppig ele amu, nai amu anam ippunigtte.

Matyu 13:19 ပူးပေါင်းရင်းမြစ်များ

Prowerb 1:7

Amu Yawenu ebehi oh bodoetta le mak kobol am doyak digma awak aakku; amge danab ag Kayak dab-ii-menan ii dim lamidtteb ele ag doyak dabmak ena elenu, aria tolittak awaknu ele, ag amu dilahnu ena iinab dootteb.

Prowerb 17:16

Danab nug Kayak dab-ii-maama ii dim lamidtte ele, nug men doɗo aɗakkunu am meu iitta; amunu diig am, nug doyak dabmak ena ele aokkunu nakok laa ii dabmette.

Esekiel 31:18

O Isip dilag king, na ele ad elabnab, Iden appanu ad oh eɗattak daattem. Na danab nug dagom onig ɠagattag okkai naɗi ele bia daattem, amge da heppi, na ele nena qekkut. Iden appa ad oh nena qekkulag, amubia na ele nena qekkut. Nena qena, mauhak abenppa daakkut. Na iitta aɗi danab laa oh qep elabppa mauhppig amu, na amu dilag moɗppa na ele niikkut. Amu oh am Paro, nuhikkud daup huanaknab ele dilag bekku.” Naɗi Yawe Nug anam atte.

Matyu 12:26

Amubia Satan nug Satan lamidtte dayeb, nuhikkud ag aakku oppatna, ameg aɗit bena, akka akka nug qetteb. Anam qetteb dayeb amu, Satannu ɗo am attem ha ɠagattag daakku?

Matyu 13:20

Aria, ee aeg wan men duqe ukkakppa nena qeppig ele amu, nai amu inam ippunigtte. Danab laa nug nai doya, oo gamag ahehe, pahanab aotte.

Matyu 13:38

Aria, dad okkai amu wan atu oh ippunigtte. Ee aeg ena amu Kayaknu ɗo maɗoɗnu danab. Aria, gikkiɗah nau amu Satannu danab.

Matyu 4:23

Jesus Nug danab amu onilagppa ewowa, Nug Galili wan ohppa oiyaya, Nug Juda dilag nai doyak lakka nai ippuanatta, Kayaknu ɗo maɗoɗnu Nai Ena mehuqa, Nug oɗe oh, aria keeke nau danab ah beɗulag heeg nauhom, Nug amu oh danab ah aqappig ele bappalattom.

Matyu 5:37

Ag, ‘Yo,’ akkulagnu dayeb amu, ‘Yo,’ akkulag. Am aakku elele. Aria, ag ‘Iitta,’ akkulagnu dayeb am, ‘Iitta,’ akkulag. Am aakku elele. Ag nai baula ele tuɗidna maditteb dayeb amu, amuam Satan he bette.

Mak 4:15

Ee aeg laala ibppa nena qeppig ele amu, nai amu inam ippunigtte. Danab laala ag nai dootteb, amge Satan nug paha uɗia he, Kayak nai ag oolagppa dayom iitta mette.

Luk 10:9

Aab amuppan oɗe danab amu, ag heppeg ena daappeg, ag amelagppa, ‘Kayaknu ɗo maɗoɗ aakku ahilagppa miag doum daatte,’ aon aig!

Luk 9:2

ag gona, Kayaknu ɗo maɗoɗnu nai mehuqnana, danab oɗe ele heppeg ena daaglagnu maatte goppig.

Jon 18:38

Nug anam a amu Pailat amegppa aum. “Doyak diig genabib am aɗi?” awa aum. Nug anam ana, nug aha, dimittim Juda gumatta ukka aum. “Da nuhigppa ɗo tippalak laa ii anidmi.

Jon 8:43

Am aɗinu ag dahil nai tutukku dab-ii-medatteb? Amunu diig am ag dahil nai ii doon aotteb.

Aposel 17:32

Aria, laa ag nai Pol mattiom dooppig ele amu, haen ag danab mauha eɗua hibaittomnu nai amu ag doon, laala ag ahan awa awa qettak nai mattiegeg, laala ag appig. “Dimppa geha ig nahip nai keeke amunu mattime amu baula appe doognig,” aon appig.

Aposel 18:15

Amge ag uɗin, ag nai onignu, onig laalanu ele amu ag akka ahilag ɗonu ele da oɗ meɗatteb amunu, da amu ii hepa; ag akka babaitteg! Da keeke amu epeɗikkulnu, da uumi!” awa aum.

Aposel 20:25

Ag doyeg! Anukka da ag oolagppa oiyeye, da Kayaknu ɗo maɗoɗnu nai amelagppa mehuqmi, am gemu da doottem, ag oh da iɗul baula ii anidmana.

Aposel 28:23

Ag Pol ele nai anam mattiona amu, ag deɗ meeg, deɗ amuppa danab ah kuɗum ag Pol gumidna, nug dayom, lag amuppa uɗieg, buttuanu ukke tueb batak nug Kayaknu ɗo maɗoɗnu nai mehuqa, nai Mosesnu ɗoppa niitte, amu propet dilag yaaknu ele, nug nai amuppa ag Jesusnu oolagppa genab dooglagnu, ahilag dabmak maɗetta ippuanatta mattiom.

Rom 1:28

Laa ele amu, ag Kayaknu dabmak aɗan oiglagnu uuppig amunu, Kayak Nug ag ahilag kobol nau, dabmak nauppanu bette, ag amu dim lamidkkulagnu uuattom. Amu ag kobol nau, danab ag hekkulagnu elele iitta amu, aakku hetteb.

Rom 14:17

Aɗinu? Ee lanak amu le lanaknu kobol ele aa Kayaknu ɗo maɗoɗnu diig iitta. Kayaknu ɗo maɗoɗ diig am genab tutukku hak kobol, maɗoɗ kobol, amu maɗoɗppan gamag ahak kobol ele. Keeke amu oh am Kayak Ouɗi Nug he bette.

Rom 2:8

Amge danab laala ag akka ahilagnu dabmenana, ag doyak diig genabib dimettan, kobol eheɗ, amuib dim lamidtteb ele amu, geha Kayaknu oppoɗi bak aqeb, ag nob naunab aoglag.

Epesus 3:8

Da am Kayaknu danab ah oppiaawak ele laa oh noolagppa keeke hamunab daattem, amge Kayak Nug ehanittak okkai hamu meɗa, Nug da iitta aɗi noolagppa Kristusnu keeke ena ohnu, danab nug amu antta dookkunu elele iitta, nai amu mehuqkkulnu meiɗom.

2 Tesalonaika 2:12

Danab ah amu ag doyak diig genabibnu oolagppa genab ii dooppig, ag nau hak kobolnu enanagnab dooppig ele, ag anam hena, ag nob nau aoglag.

Hibru 2:1

⌊Kristus Nug onig binag okkai ele amu awom daatte, Nug Kayak nai ippunikkom,⌋ diig amunu amu ig Nai Ena dim lamidkkunignu bodoettamtanu, ig nai doomut ele, nai amu ig aɗat dabmeta autanab aot dim lamidtu!

1 Jon 3:12

Ag Kain bia aib oippig. Kain nug Satannu danab, amu nug amag qe mauhom. Nug nuhig kobol eheɗ, amagnu kobol amu tutukku, amunu nug qe mauhom.

1 Jon 5:18

Ig doottem, danab aun nug Kayak bekka daatte amu, nug hipuninppa ii oitte. Kayak Bekka Jesus, Nug nug atognotte. Satan nug danab amu nakok laa ii aɗatte.

1 Jon 5:20

Ao ig ele doottem, Kayak Bekka Nug uɗia, ig Mame genab, Nug doognignu diignu doyak tutukku mekkom. Amu laa, Kayak Nug am genab diig, amu ig nuhigppa daattem, amu ig Nug Bekka Jesus Kristus, nuhigppa ele daattem. Kayak Nug am Kayak genab, Nug bauklel hanhannu diig ele.