Matyu 13:15 - Nobonob Baibel

¹⁵ Aɗinu? Danab ah imu ag oolag ɠagattag eppom. Ag daulagppa dooglagnu nakokib elele. Ag amelag heeg amuhak daatte. Amu iitta daalo, ag amelagppa keeke anidna, daulagppa nai doonna, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag.” Aisaia nug anam yom.

Matyu 13:15 ပူးပေါင်းရင်းမြစ်များ

Sam 119:70

Beɗup tak danab ag danab ah laa makkuɗadna, guittak mattaglagnu mauhnoak henan, uug ii dootteb, amge da nahip ɗonu enanagnab doottem.

Prowerb 16:30

Laa nug amegppa amuhpapaɗ qette amu, nug kobol eheɗ, tutukku iitta laa hekkunu maittak aotte. Ao, laa nug layag guhuɗitta, oɗe qamuttak oitte amu, nug eheɗ laa hekkunu dabmak awa male, ɠagattag eppom daatte.

Aisaia 44:20

Danab nug kayak hambuppuak dottog hoiya, binag mette ele, nug am dabmak iittanab iitta. Nuhig doyak am kaliak dayaya he, danab amu nug ib tutukku apiɗitta malom. Nug nukka, nug padal memanu nugakka ehanidkkunu elele iitta dayaya, nug dabmak nau nuhig uua, “Kayak hambuppuaknu dottog imu da eppelppa aɗattem ele, keeke amuam keeke genab iitta, am keeke hambuppuaknab,” akkunu ele, elele iitta.

Aisaia 57:18

Da dahilad danab ah ag attem hena oitteb amu, da antten malami, amge da heppi, ag eɗun, enaib daan oiglag. Da ahilag ulum aɗen, da oo mak ag madakkul.

Aisaia 6:10

Naɗi Nug anam ana, Nug da amelppa nai tuɗitta aum. “Heppe, danab ah imu ag oolag ɠagattag eppaɗ! Heppe, ag daulag nai dookkunu elele iitta dayaɗ! Heppe, ag amelag amuhak dayaɗ! Amu iitta daalo, ag amelagppa keeke anidna, daulagppa nai doonna, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag,” awa aum.

Jeremaia 17:14

O Yawe, ⌊na da ehaniɗttem amunu,⌋ da naib binan mettem. ⌊Naib ehaniɗttem⌋ amunu, na heppe, da eɗuen, oɗe iitta ele daakkul dayeb amu, da genab oɗe iitta ele daakkul. Ao, na da padal mepanu ehaniɗkkut dayeb amu, da genab padal ii mepa.

Jeremaia 17:9

O gadon, danab ah oolag unuqagppa hambuppuak aakkuib daatte. Danab aun laa danab oolagppanu nug amu heeb, babaittak daakkunu laa iitta. Aun nug amu tutukku dookkunu elele iitta.

Jeremaia 3:22

Ag anam hetteb amunu, Yawe Nug atte. “O danab ah, ag da dimeɗona kayak hambuppuak laala dim lamadtteb ele, ag eɗun, dahilppa uɗieg! Ag uɗippeg, da heppi, ag baula da ii dimeɗona kayak hambuppuak laala ii dim lamidmana. Ag baula dahil nai dim lamidkkulagnu ii uumna,” awa atte. Nug anam atte amunu, Israel danab ah ag atteb. “Ao, na am Yawe, na ihinig Kayak amunu, ig nahip-ppa gokkunig.

Jeremaia 33:6

Anam, amge qinob da heppi, ag eɗun ena daaglag; danab oɗe ele eɗua ena daatte, ag amubia daaglag. Da danab ah dahilad ehanadppi, ag eɗun ena daappeg, da heppi, ag maɗoɗ, baɗak ele iitta daan, ag oo gamag ahak dooglag.

Hosea 14:4

Amu Yawe Nug ⌊danab anam unuqidkkulagnu dimppa inam akkunu⌋ atte. “Dahil oo nauhak am iitta ma, qeta awom. Qeta awom amunu, da heppi, ag baula da di-ii-meɗona, kayak hambuppuak laala ii dim lamidmana. Ao, da oo qak iittappa ahilagnu ool mauhkku,” awa atte.

Sekaraia 7:11

Yawe Nug anam atte, amge ag mamelkad aɗi ag nuhig nai dabmettaglagnu uuppig. Ag ahilag dabmak ɠagattag eppe, ag Yawe dimettan, ag danab nug nai doomanu nug daug eppeg doɗoppa itutte, amubia ag Yawenu nai doyaknu uuppig.

Malakai 4:2

Amge ag danab ah ag dahilnu ebehilag oh bodoetta le mette amu, Laa onig Genab Tutukku Hak Kobolnu Amahlak Naɗi, Nug haugppa ehanittak daatte amu, Nug ag ehanadkku. Nug anam heeb, ag geha gamalag huanaknab ahakku; makau nag ag ahilag aɗ ooppanu gikkiɗah lakkulagnu dimittim dona, gamag ahakppa oolna tena, oolna netteb bia ag gamalag ahakku.

Mak 4:12

Amunu diig am, ‘Ag neegna neegna daaglag, amge ag diig tutukku ii anidmana. Ao, ag nai daulagppa doon doon daaglag, amge nai meu am tutukku ii doomna. Ag anam ii helob, ⌊ag nai dahil doona,⌋ ag oolag eɗuglagtai. Ag anam hekkulag dayeb amu, Kayak Nug ahilag hipunin uhuqa madakku,’ ” awa aum.

Luk 19:42

Nug aum. “O gadon, ag maɗoɗ daaglagnu ib ii dootteb. Uug awak haen ahilag am miagnab, amge ag attemun maɗoɗ daaglagnu ib amu anidlob, ag uug amu ii anidlob, amge ib amuam ag amelagppa lokkumak daatte.

Aposel 28:27

Aɗinu? Danab ah imu ag am oolag ɠagattag eppom. Ag daulagppa nai meu dooglagnu nakokib elele, amu ele ag heeg, ag amelag amuhak daatte. Amu iitta daalo, ag amelagppa keeke anidna, daulagppa nai doona, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag.’ Aisaia nug anam yom.

Aposel 3:19

Amunu Kayak Nug ahilag hipunin uhuqa matteb, ag oppiaawak daaglagnu, geha Naɗi Nug haen ena madakkunu, Nug heeb, Kristus, Kayak Nug ahilag ehanittak daakkunu tituanom ele amu, Nug uɗikkunu, ag oolag eɗun Kayak dim lamitteg! Kayak Nug anukka laa tituanom ele amu, Nug am Jesus.

Aposel 7:57

Nug anam a, ag doona, ag huanaknab enana, daulag itun, ag oh ahan qaiqaɗ wana, Stiven aɗappig.

2 Timoti 4:4

Amu ag doyak diig genabib dimettana, kaya hamu amunuib daulag human dooglag.

Hibru 5:11

Aria, Melkisedeknu nai am unuqagnab, ig nota apput, ag nai imu aotteb ele ag dooglag am ena, amge ag oolag ootot ele daatteb, ag paha oolag maidkkunu elele iitta amunu, ig apput dooglagnu am uug ele.

Revelesen 22:2

aab okkainu ib gamagppa gotte. Bauklel ad amu nug le amu akka laih laih tagagɗitta, tappom daatte. Nug meu amu maɗ laippu ooppa haen 12 ele niitte. Kalam ohppa meu niitte. Ad uɗug amu atu atu danab ah dilag oɗe babaittaknu ele.