Matyu 12:6 - Nobonob Baibel

⁶ Amu da ag amelagppa attem. Da Kayaknu mettid lag eɗittak daattem.

Matyu 12:6 ပူးပေါင်းရင်းမြစ်များ

2 Stori 6:18

Solomon nug anam unuqitta mala, nug tuɗitta inam ele unuqittom. “Amge O Kayak, na am genab nena, wan imuppa danab ele daakkut-te? Hab, hab waappa, hab attan ukke ukke, adekku batatte, aben amu ohppa aben laa, na amuppaib daakkutnu elele laa iinab daatte amunu, nahip mettid lag da hemi imuam nahipnu elelete? Am iittanab iitta.

Aisaia 66:1

Yawe Nug atte. “Hab aab am sia king dahil, wan am da bael maknu balal nakok daatte. Anam daatte amunu, ag lag laa, da aguppa daakkulnu hekkulagnu elelete? Ag aben laa da aguppa hik awe daakkulnu hekkulagnu elelete? Iitta.

Aisaia 66:2

Da keeke amu oh hattami amunu, ag beppig daatteb.” Yawe Nug anam atte. Amu Yawe imu ele atte. “Aun laa nug nukka nug onig qe ne, nug nug binag ii mette, nug dahil nai dim lamidkkunu dabmak tippalmanu baɗatte amu, da nuhignu enanagnab doottem.

Malakai 3:1

Yawe Nukka Ɠagattag Oh Ele Nug atte. “Antte! Da heppi, dahil nai awa ukkak danab laa nug ukka, dahil ib da nool awa bappaidkku. Nug anam heeb amu, da Naɗi, ag da aniɗkkulagnu mattiɗtteb amu, da pahanab da laulppa uɗikkul. Ao da, da am nug tituana nai qakkak nainu Okkai daattem, ag dahil uɗiaknu oolag huana hette ele amu, antteg! Da uɗikkul.” Yawe Nukka Ɠagattag Oh Ele Nug anam awa atte.

Matyu 12:5

Laa ele amu, mana mettak danab dilag uɗatnu yaak ɗoppa niitte amu, ag Sabat deɗppa Kayaknu mettid lakka uppa uɗat amu hetteb, amge am hipunin iitta, ag amu iite ebqeppig?

Kolosi 2:9

Ag Kristen, ag amu dabmettaglagnu diig amu, Kayak Nug attemnab daatte, nuhigppa aɗi kobol keeke ambak daatte ele amu, amu oh Jesus Kristus nuhigppa aakku dayeye, Nug ele am danab daatte.