Matyu 12:46 - Nobonob Baibel

⁴⁶ Jesus Nug danab ah kuɗum appa daappig nai anam madette, Nug anig, amakkud ele ag Nug anidppeg, Nug ele nai mattiglagnu uɗin, dimittim daappig.

Matyu 12:46 ပူးပေါင်းရင်းမြစ်များ

Matyu 1:18

Anam amu, Jesus Kristus, nuhig menuaknu nai am inam. Josep nug Maria aokkunu baeg aɗaeg daye ukkom, amge aa ewau matulak ii aopiɗppa Maria nug Kayak Ouɗinu ɠagattagppa oo ele dayom.

Matyu 12:47

((Dimittim daaegeg, danab laa nug Jesus amegppa aum. “Na anin, amapad, ag na ele nai mattiglagnu uɗippig, dimittim daatteb,” awa aum.))

Matyu 13:55

Nug am lag hak danab bekka! Ig doottem, Maria amu nug anig. Nug amakkud am Jems, Josep, Judas, Saimon ele.

Matyu 2:11

ag lag ooppa nona, nid nakok, amu Nug anig Maria ele anatppig. Anatna, ag nid nakok noobppa dup nona binag meppig. Binag mewona, ag ahilag battam hipana, gol, prankinsens, mir ele, ag amu nuhig daakkunu Nug medappig.

Matyu 2:20

Nug doa, Josep amegppa aum. “Danab ag nid nakok qekkulagnu heppig ele aakku mauhppig amunu, na ahan, na waat, nid nakok ele diiatna, eɗun Israel ukke!” awa aum.

Mak 2:21

Jesus Nug anam ana, Nug nai tuɗitta ippuanatta aum. “Danab nug lamen qatti bau awa, lamen alagnu giɗo amuppa tona ii koit-tte. Iitta! Nug anam helo amu, nug lamen iheb, lamen qatti bau ii ihak ele am nakok ma, lamen qatti amu aakku lamen alag eɗeb, lamen alag kattiɗa giɗo okkai ele daakku,” awa aum.

Mak 6:3

Nug lag hak danab iite daatte! Ig doottem, nug am Maria bekka. Nug amakkud am Jems, Josep, Judas, Saimon ele. Amu nug appinkkud ag oh ig ele iite daattem?” aon appig. Ag anam anana, ag oolagppa Jesusnu ena iinab dooppig.

Luk 1:43

Naɗi dahil amu, Nug anig nug dahilnu ii helobia amge ena da gumiɗa uɗiom daatte. Nug anam heum, amge da am ah enate nug anam helo?

Luk 2:33

Nug anam a amu, Josep, Maria ele aa Simeon Jesusnu anam mattie doya, aa nai amunu dabmak kuɗum aopiɗ.

Luk 2:34

Simeon anam ana, nug itittak ena matowa, nid anig Maria amegppa aum. “Doye, nid imu heeb, Israel danab ah kuɗum ag nena qekkulag, amge Nug heeb, kuɗum ag eɗun ahaglag. Nug am Kayak anidkkunignu epponak keeke daakku, amge danab kuɗum nuhignu nai nau akkulag.

Luk 2:48

Daaegeg, mameg anig ele aa Nug anidya, aa ottaiya, dabmak kuɗum aoya, anig Nug amegppa aum. “O nid dahil, na aɗinu inam he, i inam oittep? Na mamen nug da ele i oonih uugnab dayeye, na mattidmuɗ,” awa aum.

Luk 2:51

Aria, Jesus Nug aa ele eɗun, Nasaret gona, Nug aa oɗelah dim lamittette, anig nug keeke amu ohnu ooppa me dayeye, dabmaama dayom.

Luk 8:10

Oɗ mettaeg amu Jesus Nug aum. “Ag dahilad amu, Kayak Nug ag Kayaknu ɗo maɗoɗnu keeke diig lokkumak amu dooglagnu doyak mattom amunu ag dootteb, amge da danab laa amelagppa keeke danab ag dootteb ii dootteb ele ouaqata ippuanattak naippaib madittem. Amunu diig am, ‘Ag neegkkulag, amge ag diig tutukku anidkkulagtai, o tutukku iitai anidkkulag. Ag nai daulagppa dooglag, amge ag nai meu am tutukku dooglagtai, o tutukku iitai dooglag,’ ” awa aum.

Jon 19:25

Aria, ag anam heeg amu, Jesus anig, amu laa nug Jesus anig ele aa emakkeg, nug, aria Klopas wau Maria, amu Maria Makdala ted ele, ah amu oh ag Jesusnu ad emaitak guguittak daappig.

Jon 2:1

Aria deɗ aɗit uue, deɗ ewamppa, aab Galilinu aab Kana, appa danab laa ah aokkun heum. Jesus anig nug hobul amuppa danab amu laugppa dayom amu,

Jon 2:12

Hobul amu male, Jesus Nug anig, amakkud, amu nuhikkud ippunittak awak danab ele ag Kaperneam appa nona, haen tutu daappig.

Jon 2:5

Jesus anam a amu, anig nug maɗi nid amelagppa aum. “Nug aɗi nai laa ag amelagppa ab amu, ag Nug oɗe dim lamitteg!” awa aum.

Jon 7:10

Aria, Jesus amakkud ag Juda dilag hobul amu anidkkulagnu ukkaeg, dimppa Jesus Nug ele ukkom, amge Nug miag atiak ii ukkom. Lokkuma ukkom.

Jon 7:3

Jesus amakkud ag Nug amegppa appig. “Na aben imu uuna, Juda wanppa ukke! Gona, nahipad ippunittak awak danab ag nahip uɗat, danab haknu elele iitta, na hettem ele, ag amu anidkkulagnu, na appa heppe anidkkulag.

Jon 7:5

Aɗinu? Jesus amakkud ag ele nuhignu oolagppa genab ii dooppig.

Aposel 1:14

Danab amu ag oh oolag laippu mena, haen kuɗum danab ah laala ele oh qagmena, unuqidnana daappig. Danab ah amuam Jesus anig Maria, Jesus amakkud amu ah laala ele.

1 Korint 9:5

Amu da Kristen ah laa aoppi, uɗat hekkulnu oh oignihnu, totol danab laa, Naɗi laikkud laa oh, am Pita ele ag hetteb bia elele iittate?

Galesia 1:19

amge da Jesusnu totol danab laa ag ii anadmi. Da Jems, Naɗi amag, nugib da anidmi.