Matyu 12:42 - Nobonob Baibel

⁴² Amu ele haen Kayak Nug danab ah epeɗiadkku, haen amuppa wan laappan kwin, wan amuam yau uɗitteppanu daatte, nug aha, danab ah haen gemunu dilag eheɗ hak amu miag atikku. Aɗinu? Nug wan batakppanu, amge nug Solomonnu doyak dabmak ena ele, nug amu dookkunu Solomon gumitta uɗiom. Nug anam uɗiom, amge gemu laa nug Solomon eɗittak am iikku daatte,” awa aum.

Matyu 12:42 ပူးပေါင်းရင်းမြစ်များ

1 King 10:24

Anam amunu, danab aben ohppanu ag Solomon gumidna uɗin, doyak dabmak ena ele Kayak, Solomon mettom, ag amu dooglagnu oolag daye, qagmekkulagnu haen mettaglagnu nug oɗ medappig.

1 King 3:12

amunu, na da oɗ meɗame bia, da na doyak dabmak ena ele, amu oo maittak awaknu ehah ele medakkul. Anam amu, am inam daakku. Anukka danab laa nug doyak dabmak ena ele, oo maittak awaknu ehah ele anam amu, laa ii awom. Iitta! Aria, dimppa ele danab laa nug aokku, nug amubia ii aoma. Iitta.

1 King 3:28

Amu dimppa haen Israel danab ah oh ag King Solomon nug hettoɗiakppa ah aɗit hettoɗiatom amu doona, ag kingnu ebehilag oh bodoetta le mettom. Aɗinu? Ag dooppig, Kayak Nug doyak dabmak ena ele Solomon mette, nug nai doya mala hettoɗia epeɗia elele mettak kobol elele hekkunu elele dayom.

1 King 3:9

Anam amunu, da, nahip maɗi nid, da danab ah imu gumadkkulnu, da aɗi keeke am ena, aɗi keeke am nau ele dookkulnu, na da oo maittak awaknu ehah meɗakkutnu ool daye, oɗ medattem. Aɗinu? Auntai nug nukka, nuhig doyakppa danab ah huanak imu ena, elele gumadkkunu elele?” awa aum.

1 King 4:29

Kayak Nug doyak dabmak ena ele huanak Solomon metta, Nug dabmak meu unuqagnu okkainab, amu diignu doyak tutukku ele mettom. Nuhig doyak amu oh am yu ihippa abuɗ niitte, amubia amunu, danab laa ebqekkunu elele iitta.

1 King 4:34

Wanppan wan ohppan king ag Solomon, nug nuhig doyak dabmak ena elenu dooppig amu, ag ahilkad danab laala Solomonnu doyak dabmak ena ele dooglagnu maatteg uɗippig.

1 King 5:12

Am Yawe Nug Solomon amegppa nai ana qakkom bia, Nug doyak dabmak ena ele Solomon mettom, amunu Solomon, Hiram ele aa gamalahppa maɗoɗ ena dayom. King aɗit aa gamalahppa kekeɗ kobol laa ii daamanu, aa nug tituanya nai qagapiɗ.

Aisaia 7:14

Na atnu oɗmak hekkutnu uume amunu, Naɗi Nug nukka geha at laa na ippunidkku. At amuam inam. Ah makkun laa nug oo ele daya, geha nug nid danab menua, nid onig Imanuel ataɗkku.

Matyu 12:41

Haen Kayak Nug danab ah epeɗiadkku amu Niniwe danab ah ag ahan, danab ah haen gemunu dilag eheɗ hak amu miag atiglag. Aɗinu? Niniwe danab ag Kayak nai Jona oɗeppa doona, ag oolag eɗuom, amge gemu laa Jona eɗittak am iikku daatte.

Matyu 12:6

Amu da ag amelagppa attem. Da Kayaknu mettid lag eɗittak daattem.

Matyu 17:5

Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum.

Matyu 3:17

Kayak Ouɗi anam ne amu, baag laa hab aabppanu aum. “Imuam da bekkal, da nuhignu ool mauhtte. Nuhignu ele da oolppa enanag doottem,” ewa aum.

Jon 1:14

Am Kristus, onig laa Nai Kayak Ippunigtte, Nug danab beɗu awa, ig oonigppa dayom. Ig oonigppa dayeye, ig nuhig binag amahlak oppiaawak ele anidmut. Binag amahlak oppiaawak ele amuam laa Nug Kayak Bekka laippunab daatte, Nug Kayak, nuhigppanu uɗiom amu, am nuhig aakku. Doyak diig genabib, amu ehanittak okkai hamu mettak kobol ele, amuam nuhigppa ambaknab ele daatte.

Jon 1:18

Danab laippu laa nug haen laa Kayak ii anttom. Iittanab. Kayak Bekka laippunab, Nug Kayak ele ouqak daattep amu, Nug aakkuib anitta doya, Kayak ippunikkom.

Duteronomi 30:13

O ɗo nai imu wan laa yu daug laihppa uppa dayebte, laa nug inam akku. “Aun laa nug wan yu daug laihppa ukka, ɗo nai ig dim lamidkkunignu awa uɗia mehuqkku?” awa akku.