Matyu 12:39 - Nobonob Baibel

³⁹ Aeg am Nug nob ma aum. “Ag danab nau. Ag Kayak uuna, kobol laala dim lamadtteb ele. Ag da Kayak dabmettaknu kobol danab haknu elele iitta heppi anidkkulagnu atteb, amge da laa ii hepa. Propet Jona, nuhigppa aɗi beum aakkuib ag ippunadkkul.

Matyu 12:39 ပူးပေါင်းရင်းမြစ်များ

2 King 14:25

Amu Jeroboam nug king ii beum haenppa, haen amuppa kekeɗ ag Israel dilag wan laala aoppig. Amge Jeroboam nug gemu ban haaha, wan amu oh eɗua awom; amuam laih yawalti uɗitteppanu Lebo Hamatnu digma ukka, laih yau uɗitteppanu Mauhaknu Le, amuppa batak. Jeroboam nug anam haaha, nug Yawe, Israel dilag Kayak, Nug nuhig maɗi nid Amitai bekka, propet Jona oɗeppa nai aum amu, nug elele mettom. Jona nug am Gatheper aabppan danab laa.

Aisaia 57:3

Yawe Nug atte, “Ag danab ah eheɗ hetteb ele, ag uɗin, dahil nai doyeg! Ag emaɗ hak ah bekkod bia daatteb. Ag danab ag ahilkad ah uuadna ah laa ele oitteb aɗelkad bekkalkad bia daatteb. Ag am ib baag ah ele aɗelkad bekkalkad bia daatteb.

Jona 1:1

Yawe Nug Amitai bekka Jona amegppa inam aum.

Matyu 16:4

Ag danab nau. Ag Kayak uuna, kobol laala dim lamadtteb ele. Ag da Kayak dabmettaknu kobol danab haknu elele iitta heppi anidkkulagnu atteb, amge da laa ii hepa. Jona nuhigppa aɗi beum aakkuib ag ippunadkkul.” Jesus anam awowa, Nug uuatta ukkom.

Mak 8:12

Ag hekkunu aeg amu Jesus Nug nai amunu gaɗa tuqak bia doya, Nug aum. “Aɗinu gemun danab ag da Kayak dabmettaknu kobol danab haknu elele iitta heppi anidkkulagnu oɗ meɗatteb? Da genab ag amelagppa attem. Ag gemu daatteb imu amu, ag anidkkulagnu uɗat amubia amu da laa ii hepa,” awa aum.

Mak 8:38

Aria, danab laa nug danab Kayak uuna, kobol eheɗ laala dim lamadtteb ele, ag hipunin kuɗum laa hetteb ele amu, nug ag oolagppa oiyaya, nug dahilnu, dahil nainu ele uɗa neeb, dimppa Danab Bekkalag da, da Kayaknu binag amahlak oppiaawak ele, amu nuhikkud engel oppiaawak ele eɗut uɗit, haen amuppa danab amunu da ele uɗal nekku,” awa aum.

Jems 4:4

Ag danab ah naunab. Ag Kayak uuna, kobol laala dim lamadtteb ele. Ag danab nug wan kobolnu oo hette ele, nug aakku Kayaknu kekeɗ daatte iite dootteb? Ge, laa nug wan kobolnu layam daakkunu dabmak awa, dabmak amu dim lamidtte, nug Kayaknu kekeɗ daatte.