Matyu 12:35 - Nobonob Baibel

³⁵ Danab ena nug ooppa dabmak ena kuɗum niitte, amuppa nug kobol ena he bette, amge eheɗ hak danab nug ooppa dabmak eheɗ kuɗum niitte, amuppa nug kobol eheɗ he bette.

Matyu 12:35 ပူးပေါင်းရင်းမြစ်များ

Job 8:10

Na ig memetankad dilag nai dabmekkut dayeb amu, na appanu ippunittak iite aomna? Ge, na ig memetankad dilag doyak okkai dabmekkut dayeb amu, na nai amuppanu diignu doyak tutukku iite aomna?

Prowerb 12:6

Nau hak danab ag laa guittak madappeg mauhkkulagnu nai maditteb; amge genab tutukku hak danab ag laa uugppa daatteb, ag amu ehanadppeg, qagaiettakppa ii daamnanu nai maditteb.

Prowerb 15:23

Danab nug laanu nai nob elele mette, nug oo gamag ahak dootte. Ao, nai elelenab haenppa mattiak am he, danab nai maditte ele nug oo gamag ahak okkai dootte.

Prowerb 15:28

Genab tutukku hak danab ag tatam dabmewona, ag nai nob metteb; amge nau hak danab ag nai eheɗ kuɗum maditteb.

Prowerb 15:4

Ad nug meu ena o, meu danab ehanatte bau daatteb, amubia, danab nug nai ena maditte, nug danab ehanatte, ena daatteb; amge danab nug nai hambuppuak maditte amu, nug he, danab ag oolagppa na qak dootteb.

Matyu 12:34

Ag danab nau, ag am mat nau bia. Danab ooppa aɗi dabmak ambak niitte, amuib amu oɗeppa ele maditte amunu, ag nau daatteb, ag attemun ag kobol enanu mattiglag?

Matyu 13:52

Ag, “Yo,” aon aeg amu, Nug ag amelagppa aum. “Anam amu ɗo mehuqak danab oh, ag Kayaknu ɗo maɗoɗ ooppa noppig ele amu, ag am lag okkai mameg bia daatteb. Nug keeke maknu oo nuhigppanu keeke alag, bau ele akke do madatte,” awa aum.

Matyu 7:17

Anam amunu, ad ena oh ag meulkad ena otteb, amge ad nau ag meulkad nau otteb.

Luk 6:45

Am danab ena, nug ooppa dabmak ena kuɗum niitte, amuppa nug kobol ena he bette, amge eheɗ hak danab nug ooppa dabmak eheɗ kuɗum niitte, amuppa nug kobol eheɗ he bette. Aɗinu? Danab nug ooppa aɗi dabmak ambak niitte, amuib amu oɗeppa ele maditte.

Epesus 4:29

Nai uɗig wak laa ag oɗelagppa aib beum. Iitta. Nai ena danab ɠagattag madatte, danab ehanadtte, nai amuib ag oɗelagppa baɗ! Amuppa danab ag ahilag nai dootteb ele amu, ehanittak mattaglagnu elele.

Kolosi 3:16

Kristusnu nai enanag meu ele ag oolagppa daakkuoitte! Ag akka akka doyak dabmak ena eleppa nug ippunidnana, nug ehanittak ele heig! Ag oolagppa Kayak amegppa, “Ena hen mekkame” anana, ag sam, mettidnu ahi, amu Kayak binag maknu ahi ele etteg!

Kolosi 4:6

Ag nai mattinna, ag hanhan oo bodoettak kobol dim lamidna, ag danab oh dilag oɗmak oolagppa daatte nob mekkulagnu elele daaglagnu, ag dabmak tutukku tatam aowona, nai mattieg!