Matyu 12:32 - Nobonob Baibel

³² Am danab nug Danab Bekkalag da, dahilnu nai nau atte dayeb amu, Kayak Nug danab amunu hipunin uhuqa medakku, amge danab nug Kayak Ouɗinu nai nau akku dayeb amu, nug uhuqa mettak ii aoma; wannu haen imu, butti aɗi haen amu ele,” awa aum.

Matyu 12:32 ပူးပေါင်းရင်းမြစ်များ

Job 36:13

Danab ag Kayaknu nuhig haknu ele uuak dootteb amu, ag oolagppa oo aeg bak ambak daatte; Kayak ag dabmak eɗuglagnu dabma, amunu qakkaladtte amu, haen amuppa ele ag amu dabmenana, Nug ag ehanadkkunu onigppa ii etteb.

Matyu 11:19

Aria Danab Bekkalag da, da uɗien, ee, le ele lattem amunu, ag atteb. ‘Antteg, Nug ee huanak lanana, wain ele huanak latte. Nug laikkud am takis awak danab, amu danab laa ag ig Juda, ihinig ɗo oh ii dim lamidtteb ele,’ aon atteb. Amge doyak dabmak ena ele am keeke genab amu, ag nuhig hakppa genab anidkkulag,” awa aum.

Matyu 12:31

Anam daatte amunu da ag amelagppa attem. Kayak Nug danab ah dilag hipunin oh, nuhignu amu nuhig keekenu dabittak nai ahilag oh ele uhuqa madakku, amge danab nug Kayak Ouɗinu dabittak nai madikku dayeb amu, nug amunu uhuqa mettak ii aoma.

Matyu 12:8

Aɗinu? Danab Bekkalag da, da Sabat deɗnu ikki daattem,” awa aum.

Matyu 13:22

Ee aeg wan uud keeke qaun ele beppigppa nena qeppig ele amu, nai amu inam ippunigtte. Danab laa nug nai dootte, amge wannu haen imunu uug laala, enub awak uɗatnu ameg qak kobol ele, keeke amu oh danab amu nug ooppa he, Kayak nai iitta ma, meu ii otte.

Matyu 13:39

Amu kekeɗ gikkiɗah nau haɗag dad okkaippa tauɗom ele amu Satan. Aria, ee meu awak haen, amuam gog tak haen. Ee awak maɗi nid am Kayaknu engel.

Matyu 13:40

Am danab ag gikkiɗah nau hiɗaladna qagmena, aab aɗuppa maitteb, amubia Kayaknu engel ag wan gog tak haenppa anamib hekkulag.

Matyu 13:55

Nug am lag hak danab bekka! Ig doottem, Maria amu nug anig. Nug amakkud am Jems, Josep, Judas, Saimon ele.

Matyu 8:20

A amu, Jesus Nug ɗo mehuqak danab amegppa aum. “Doɗ laa onig foks, biun bia, ag wan oɗeppa niiaknu aben ele, ai ag ele teɗ ele, amge Danab Bekkalag da amu, da niiaknu aben laa iitta,” awa aum.

Mak 10:30

nug wannu haen imuppa hamu ii daama. Iitta! Nug lag, awakkud, amakkud, apakkud, appinkkud, anikkud, nid naunau amu dad okkai ele tuɗitta, 100 baula aokku. Nug amu awebeb, laa ag ele nug eheɗ hettaglag. Laa ele amu, butti aɗi haen amu uɗieb, nug bauklel hanhannu aokku.

Mak 3:28

Jesus Nug anam ana amu, Nug nai baula tuɗitta aum. “Da genab ag amelagppa attem. Kayak Nug danab ah dilag hipunin oh, nuhignu amu nuhig keekenu dabittak nai ahilag oh ele uhuqa madakku,

Mak 3:29

amge laa nug Kayak Ouɗinu dabittak nai madikku amu, nug hipunin uhuqa mettak ii aoma. Hipunin amu iitta ii mema, hanhan daakku,” awa aum.

Luk 12:10

Am danab nug Danab Bekkalag da, dahilnu nai nau akku amu, geha Kayak Nug hipunin amu uhuqa medakku. Amge danab nug Kayak Ouɗinu dabittak nai madikku amu, nug hipunin uhuqa mettak ii aoma.

Luk 16:8

Uɗat gumak danab nug ib laa doyak ele, amge ib amu ele am ena iitta, nug ib amuppa keeke amu he beum amunu, nuhig okkai nug gumak danab nug uɗat kaliak amubia hekkunu doya aut autanab awak dayeyenu aum. Aɗinu ⌊nug anam aum⌋? Wannu haen imuppan danab amu, ag ahilag uɗat hekkulagnu elelenab, ag amuppa, ag danab amahlakppanu eɗadtteb,” awa aum.

Luk 18:30

Nug wannu haen imuppa keeke uua oiyom, nug amunu nob huana eɗattak awa, amu butti aɗi haen amu uɗieb, nug bauklel hanhannu ele aokku,” awa aum.

Luk 23:34

((Ag anam heeg, Jesus Nug unuqitta aum. “Mame, na ahilag hipunin imu uhuqna matte! Ag hetteb imu amu,, ag pehettak ii doona hetteb,” awa aum.)) Amu daup amu ag nuhig lamen aoglagnu otina, ameg waɗele mewona, aun nug ameg atten aokku amu, ag om yaakppa hena aoppig.

Luk 7:34

Aria Danab Bekkalag da, da uɗien, ee le ele lattem amunu, ag atteb. ‘Antteg, nug ee huanak lanana, wain ele huanak latte. Nug laikkud am takis awak danab, amu danab laa ag ig Juda, ihinig ɗo oh ii dim lamidtteb ele,’ aon atteb.

Jon 7:12

Danab ah kuɗumnab ag appa goppig ele, ag akka akka Jesusnu nai kuɗum madippig. Laa ag appig. “Nug am danab ena,” amge laa appig. “Nug am danab nau, nug danab ah kuɗum hambuppualadtte,” aon appig.

Jon 7:39

Jesus Nug nai amuam Kayak Ouɗinu aum. Danab ag oolagppa genab dooglag ele, ag aoglag. Amge haen amuppa Jesus Nug Mame toppa ii ukkom amunu, Kayak Ouɗi, Nug danab oolagppa ii dayom.

Jon 7:52

Nug anam a amu, ag nuhig nai inam nob meppig. “Na ele am Galili ted amunu na doyak iittatai? Na nai atognona ebqena am tutukku anidna dookkut. Propet laippu laa nug Galili appanu iinab bema,” aon appig.

Aposel 3:19

Amunu Kayak Nug ahilag hipunin uhuqa matteb, ag oppiaawak daaglagnu, geha Naɗi Nug haen ena madakkunu, Nug heeb, Kristus, Kayak Nug ahilag ehanittak daakkunu tituanom ele amu, Nug uɗikkunu, ag oolag eɗun Kayak dim lamitteg! Kayak Nug anukka laa tituanom ele amu, Nug am Jesus.

Epesus 1:21

Gemu Nug attannab, laa oh eɗattak daatte; Nug laa gumak uɗat anuqak hetteb, laa ag gumak uɗat ɠagattag ele hetteb, laa ag gumak uɗat okkainab hetteb, laa ag gumak uɗat okkai hetteb, aria laa ag onilkad ele, Nug amu oh eɗadtte. Gemu haen imuppa Nug anam daatte, wan haen malak dimppa ele anamib daakku.

1 Timoti 1:13

Anukka da Kayaknu dabittak nai mattimi. Da danab nuhikkud eheɗ hadattami; da ele beɗuppa tak danab daami, amge Kayak Nug dahilnu oo gai-iitta doya oo meɗa ehaniɗom. Aɗinu? Da Jesusnu oolppa genab ii doyeye, da ool ele ii maittette, da eheɗ hemi.

1 Timoti 1:15

Nai imuam genab, meu ele amunu ag aona, oolagppa genab dooglagnu ele elele. Nai am inam. Jesus Kristus Nug wan imuppanu hipunin danab ah eɗua diiadkkunu uɗiom. Hipunin hak danab ah oh eɗattak am daib.

1 Timoti 4:8

Aɗinu? Beɗunig ehanittaknu kobol hak amu nakok ehanigtte, amge genab tutukku hak danab dayaknu ehanittaknu kobol hak, am keeke ohnu ehanigtte. Amuam ig gemu bau daattem amunu ehanigtte, amu bauklel dimppa aognig, amunu ele ehanigtte.

1 Timoti 6:17

Danab ah wannu haen imuppanu keeke kuɗum ele amu, Na tutukku imu ag amelagppa appe doyeg! Ag beɗuppa tak kobol aib heppig. Ag keeke oh paha nauhtteb ele, ag amunu oolagppa genab aib dooppig. Ag Kayak, Nug nukka aakkuib keeke ena ena kuɗum, ig oonig gamag ahakkunu megatte ele amu, ag nuhignu aakkuib oolagppa genab doyeg!

Taitus 2:12

Kayaknu ehanittak okkai hamu mettak amu, nug ig Kayak dimettak kobol amu wannu oo gamag ahaknu dabmak nau ele, ig amu oh uuta, ig wannu haen imunu oitta, ig ikka ig ihinig oiyak pehettak atognota, tutukku oita, Kayaknu kobol dim lamidkkunignu ippunigtte.

Jems 1:27

Danab nug Kayak, ig Mamenig, Nug binag tutukku mekkunu amu, Kayak Nug kobol imunu elele anidtte. Danab amu nug nid naunau laa ag mamelkad anilkad mauhppig, o iitta danab nug mauhe, wau qab ma daatte ele amu, nug amu ehanatta, uug ahilag maokku. Keeke laa ele, nug nuhig oiyak, dayak elenu dabmak awa, nug wanppan kobol, nug oo dubuttid mettamanu, amu ele nug dabma auta aokku.