Matyu 12:18 - Nobonob Baibel

¹⁸ Nai amuam inam. “Imuam dahil maɗi nid, da Nug tituanmi. Da nuhignu ool mauhtte, nuhignu ele enanagnab doottem. Da dahil Ouɗi Nug medappi, dahil maɗi nid nug danab ah oh nai doya mala hettoɗia epeɗia elele mettak kobol ippunadkku.

Matyu 12:18 ပူးပေါင်းရင်းမြစ်များ

Sam 89:19

O Kayak, na haen laa danab ah nahipad, ag nahipnu oo metta ii uuak kobol dim lamidtteb ele amu, na ag tulegleg anttak laa mattame. Tulegleg amuppa na ame. “Da ban danab laa hei, ɠagattag ele daatte. Ao, da nug danab dahilad oolagppan epeɗie hei, king beum.

Aisaia 11:2

Yawenu Ouɗi amu nuhigppa daakku. Yawenu Ouɗi Nug doyak dabmak ena elenu diig, Nug am diignu doyak tutukkunu diig, Nug am laa ulum ena mettak diig, Nug ɠagattag ena ohnu diig, Nug doyak ena ohnu diig, amu Yawenu ebehi oh bodoetta le maknu diig ele Nug daatte.

Aisaia 42:1

Yawe atte. “Antteg! Imuam dahil maɗi nid; da nug haen oh elele daakkunu ɠagattag medattem. Ao, imu amu, da nug tituanmi; da nuhignu enanagnab doottem. Da dahil Ouɗi Nug medappi, dahil maɗi nid nug danab ah oh nai doya mala hettoɗia epeɗia elele mettak kobol ippunadkku.

Aisaia 52:13

Yawe Nug atte. “Antteg! Dahil maɗi nid nug doyak dabmak okkai ele dim lamitta, nuhig hak hekku. Nug onig okkai, binag okkai ele aokku.

Aisaia 53:11

Amu Yawe Nug atte. “Dahil maɗi nid, nug genab tutukku hak kobolib dim lamidtte amu, Nug guittak amu mawa malowa, nug bau dayaya, ⌊danab oolag eɗueb ele antta,⌋ elele dookku. Dahil maɗi nid nug nuhig doyak, nug amuppa heeb, danab ah kuɗumnab ag genab tutukku hak danab ah daaglag. Nug ahilag hipunin mawa heeb, iitta mekku.

Aisaia 62:2

⌊O Jerusalem danab ah,⌋ anam beeb amu, wan laappan danab ah ag ahilag genab tutukku hak kobol anidkkulag. Yo, wan atu laa oh dilag king ag ag ahilag binag amahlak oppiaawak ele anidkkulag. Amu dimppa Yawe Nug ag onilag bau laa ataɗeb, danab ah ag ag onilag amu diiglag.

Jeremaia 16:19

Amu da, Jeremaia, da Yawe amegppa unuqidmi. “O Yawe, na dahil ɠagattag, aab aɗ ɠagattagnab ele dahil bia ele daattem. Ao, uug nau baknu deɗppa na dahil padal mak eɗitteb ena dayaknu ehanittak daattem. Qinob wan atu ohppan danab ah ag na noomppa uɗin, ag akkulag. ‘Ig mamenkad aɗi ag kayak hambuppuak aakkuib dabmeppig. Ao, ag kayak hambuppuak dottolkad ii ehanadppig ele, ag ahilagnuib dabmeppig,’ aon akkulag.

Sekaraia 3:8

O mana mettak ikki danab Josua, ag mana mettak danab laa oh ele, ag daulag human, dahil nai doyeg! Aɗinu? Ag mana mettak danab, ag am butti aɗi kobol ena bekkunu at daatteb. Laa am, da heppi, dahil maɗi nid, Nug am ad diigppa ita bau bette, amubia bekku, amu Nug uɗikku.

Matyu 12:17

Amuppa amu Jesus Nug propet Aisaia Kayak oɗe awa, nai laa maittom, nai amu elele mettom.

Matyu 17:5

Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum.

Mak 1:11

Kayak Ouɗi Nug ne, baag laa hab aabppanu Jesus amegppa aum. “Na am da bekkal, da nahipnu ool mauhtte. Ele amu, da nahipnu oolppa enanagnab doottem,” awa aum.

Mak 9:7

Ag anam daaegeg, lombig laa ag tonattette, lombig ooppa baag laa inam a dooppig. “Imuam da Bekkal, da nuhignu ool mauhtte. Ag nuhig nai doyeg!” awa aum.

Luk 23:35

Danab ah ag hippaidna daanna anttegeg, ikki danab ag nug aon aon qettan appig. “Nug danab laala ehanattom amunu, Nug genab Kayak Bekka, Kayak tituanom dayeb amu, Nug nugakka Nug ehanittaɗ!” aon appig.

Luk 3:22

Kayak Ouɗi Nug uppuɗil beɗulag nakok laabia nug qaɗeppa ne, baag laa hab aabppanu Jesus amegppa aum. “Na am da Bekkal, da nahipnu ool mauhtte. Ele amu, da nahipnu oolppa enanag doottem,” awa aum.

Luk 4:18

“Naɗi Nug da daɗek dilagppa nai ena mehuqkkulnu goɗen gokkaɗakppa tituaniɗom, diig amunu Naɗi, Nug nuhig Ouɗi dahilppa daatte. Nug da appi, laa ag maniguittakppa daatteb, ag uhuqak aoglagnu, da heppi, laa ag ameg gaɗuak ele daatteb, ag eɗun neegkkulagnu, da appi, laa ag laa aɗalatteg ag eppelagppa daatteb amu, ag uhuqak aoglagnu,

Luk 9:35

Baɗaegeg, lombig ooppanu baag laa inam a dooppig. “Imuam da Bekkal, da Nug tituanmi. Ag nuhig nai doyeg!” awa aum.

Jon 3:34

Yo, laa Kayak me uɗiom amu, Nug Kayak nai maditte. Aɗinu? Kayak Nug nuhig Ouɗi ambak medatte.

Aposel 10:38

dimppa Kayak he, nuhig Ouɗi Nug Jesus, Nasaret ted, Nug ooppa ambe, ɠagattag okkai ele mettom amunu, Nug Galili appa digma, aabaab oiyaya, danab ah ehanatte, danab oh Satan he ena ii daappig ele amu, Nug bappalatte, ag eɗun ena daappig. Aɗinu? Kayak Nug ele daapiɗ,” awa aum.

Aposel 11:18

Pita nug anam awa a, ag nai amu doyona, ag nai ahilag madippig amu uuna, ag Kayak binag mena appig. “Kayak heehe, iitta aɗi danab ele ag oolag eɗutte, bau dayak aotteb,” aon appig.

Aposel 14:27

Aa uɗiya Antiok beya, aa Kristen tamaniak qagmadya, aa amelagppa Kayak ahilahppa aɗi heum amunu oh mattiya, aa inam ele apiɗ. “Kayak Nug he, iitta aɗi ag ele oolagppa genab dooppig,” aoya apiɗ.

Epesus 1:6

Kayak Nug anam heum, diig amunu nuhig ehanittak okkai hamu mettak, amuam binag amahlak oppiaawak ele amu, ehanittak okkai hamu mettak amu binag aotte. Nug Kristusnu oo mauhtte, amu Nug Kristusnu uɗat okkai ihinignu heum ele amu dabmaama, ehanittak okkai hamu mettak amu oo qak iitta ig mekkom.

Kolosi 1:1

Da Pol, da Kristus Jesusnu totol danab. Kayak Nug da Jesusnu totol danab daakkulnu da onilppa eum amu, da amu ig lainig Timoti ele,

Kolosi 1:13

Nug ig hipuninnu ɠagattag hippalikkakppanu uhuqikkom. Nug ig eɗua awikka, Nug Bekka Jesus, Nug nuhignu oo mauhtte amu, Nug nuhig ɗo maɗoɗ ooppa daagnignu meikkom.

1 Pita 2:4

Naɗi Jesus Nug am men laa bauklel daatte bia daatte. Nug men anuqak bia anam daatte; danab ah ag Nug uuppig, amge Kayak Nug nukka tituana, nuhignu am enanag dootte. Nug anam daatte, amu ag nuhigppa uɗiegeg,

2 Pita 1:17

Haen Mame Kayak Nug Jesus binag huma, binag amahlak oppiaawak ele hab aabppanu mettom amu, ig doomut. Kayak Nug inam aum. “Imuam da Bekkal, da nuhignu ool mauhtte. Da nuhignu enanag doottem,” awa aum.